Morgunblaðið - 24.11.1998, Blaðsíða 11

MORGUNBLAÐIÐ
FRETTIR
ÞRIÐJUDAGUR 24. NÓVEMBER 1998 11
Litlar breytingar á
Evrópustefnu flokksins
í ÁLYKTUN flokksþings Fram-
sóknarflokksins um utanríkismál er
ekki tekið með afgerandi hætti und-
ir þær hugmyndir sem Halldór As-
grímsson utanríkisráðherra setti
fram í setningarræðu sinni um Evr-
ópumái, en hann sagðist vilja láta
kanna hvort Island gæti gerst aðili
að Evrópusambandinu án þess að
gangast undir sjávarútvegsstefnu
sambandsins.
í utanríkismálaályktun þingsins
segir um Evrópumál: „Flokksþingið
er sátt við þann farveg sem sam-
band Islands við Evrópusambandið
er í og telur að samstarf innan EES
hafí gengið vel. EFTA getur enn
haft mikilvægu hlutverki að gegna
en huga þarf vel að hagsmunum Is-
lands ef til þess kemur að aðildar-
rikjum EFTA fækkar.“
Litlar umræður urðu um Evrópu-
mál á flokksþinginu. Páll Pétursson
félagsmálaráðherra gagnrýndi þó
áherslur flokksformannsins, eins og
sagt var frá í Morgunblaðinu á
sunnudaginn.
Dregið úr tekjutengingu
barnabóta
A flokksþinginu voru samþykktar
um 30 ályktanir um fjölmörg mál.
M.a. var samþykkt ályktun þar sem
lögð er áhersla á að dregið verði
verulega úr tekjutengingu barna-
bóta og vakin athygli á að barna-
bætur hafa lækkað verulega.
Nokkur gagnrýni kom fram á
áherslur flokksins í skattamálum og
háa jaðarskatta. Halldór sagði að
breytingar í skattamálum kostuðu
verulega fjármuni og stjórnmála-
menn yrðu því að forgangsraða
verkefnum í þessu efni. Hann sagði
hins vegar að af þeim mörgu tillög-
um í skattamálum sem samþykkt
hefðu verið á flokksþinginu vildi
hann leggja mesta áherslu á hækk-
un barnabóta.
A flokksþinginu kom einnig fram
nokkui- gagnrýni á áherslur flokksins
í bankamálum. Sigfús Ægir Árnason
framkvæmdastjóri sagði að flokkur-
inn hefði gengið of langt í einkavæð-
ingu á bönkunum. Áherslur flokksins
væru of hægrisinnaðar sem sæist
best í því að Davíð Oddsson hefði
stöðvað flokkinn þegar hann vildi
selja Landsbankann úr landi.
Halldór Ásgrímsson sagðist ekki
kannast við að það bæri sérstakan
vott um hægri stefnu að vilja einka-
væða bankana. Hann sagði að
Framsóknarflokkurinn ætti að vera
óhræddur við að taka frumkvæði og
beita sér fyrir breytingum. Það bæri
ekki vott um stjórnvisku að láta
aðra um breytingarnar. Á sínum
tíma hefði hann viljað einkavæða
Síldarverksmiðjur ríkisins, en ekki
komið því máli í gegn m.a. vegna
andstöðu í eigin flokki. Síðar hefðu
sjálfstæðismenn einkavætt Síldar-
verksmiðjur ríkisins, en gert það á
annan hátt en hann hefði lagt til.
Morgunblaðið/Þorkell
Aldraðir
fengu
bjartsýnis-
verðlaun
LANDSSAMBAND félaga eldri
borgara fékk bjartsýnisverðlaun
Framsóknarflokksins, en þau
voru veitt á flokksþingi flokks-
ins. Benedikt Davíðsson, formað-
ur landssambandsins, veitti verð-
laununum viðtöku fyrir hönd
sambandsins úr hendi Ingibjarg-
ar Pálmadóttur heilbrigðisráð-
herra. Þetta er í annað sinn sem
framsóknarmenn veita sérstök
bjartsýnisverðlaun. Síðast voru
þau veitt samtökunum Heimili og
skóli. Eftir að Benedikt hafði
þakkað fyrir verðlaunin söng
Kór eldri borgara fyrir þingfull-
trúa.
Sagði sig úr
Framsokn-
arflokknum
BJARNI Einarsson, fyrrver-
andi aðstoðarframkvæmda-
stjóri Byggðastofnunar og
bæjarstjóri á Akureyri, gekk
úr Framsóknarflokknum á
flokksþinginu um helgina.
Hann segir í bréfí sem hann
sendi formanni Framsóknarfé-
lags Reykjavíkur að sá Fram-
sóknarflokkur sem hann gekk
í 1950 og barðist fyrir i /jölda
ára sé ekki lengur til. í stað
þess sé kominn félagsskapur
og málefni sem höfði ekki til
sín og séu jafnvel skaðleg íyrir
Island. Hann segir að sú staða
geti komið upp að hann neyðist
til að taka upp baráttu gegn
Framsóknarflokknum.
JDY
iACQUtUht Ot VOVNC • f Vt«0 MOOA
Jólakjólar
verö frá 2490.-
VERO MODA
Laugaveqi 95-97 simi 552 1444 Krmglan sin
Komdu í Freemans og
„dressaðu" þig upp fyrir
hlægilegt verð. Úrvals
flíkur eru seldar með
miklum afslætti á lagerút-
sölunni sem stendur
aðeins í stuttan tíma.
TÝeeMdMs.
Bæjarhrauni 14, Hafnarfirði.