Morgunblaðið - 24.11.1998, Blaðsíða 15

MORGUNBLAÐIÐ
ÞRIÐJUDAGUR 24. NÓVEMBER 1998 15
Morgunblaðið/Hermann Sigtryggsson
TÓMAS Ingi Olrich alþingismaður og Þórarinn B. Jónsson, formaður
íþrótta- og tómstundaráðs, fengu sér tertusneið eftir að Þórarinn
hafði tendrað ljósin við skíðagöngubrautina í Hliöarfjalli.
Upplýst skiða-
göngubraut í
Hlíðarfjalli
NY uppsett lýsing meðfram skíða-
göngubrautinni í Hlíðarfjalli við
Akureyri var foi-mlega tekin í notk-
un sl. laugardag. Fjölmargir gestir
voru viðstaddir er Þórarinn B.
Jónsson, formaður íþrótta- og tóm-
stundaráðs, tendraði ljósin. Upp-
lýsta brautin er 3,5 km að lengd og
á þeirri leið eru 60 ljósastaurar.
Ahugamenn um skíðagöngu á
Akureyri hafa á síðustu 10 árum
unnið að því að byggja upp glæsi-
lega aðstöðu í Hlíðarfjalli. Þar hef-
ur verið byggt gönguhús og unnið
við lagningu brautar, sem nú hefur
verið upplýst og er heildarkostnað-
ur við framkvæmdirnar á annan
tug milljóna króna.
Hörður Blöndal, hafnarstjóri
Hafnasamlags Norðurlands og
áhugamaður um uppbyggingu
skíðasvæðisins í Hlíðarfjalli, sagði
að eftir að búið er að jafna og slétta
göngubraut í fjaliinu, hefði verið
hægt að byrja að nota brautina í
mun minni snjó en áður. I kjölfarið
hafi göngumenn viljað nota braut-
ina lengur og oftar, sem aftur kall-
aði á lýsingu.
Hvergi betri aðstaða
„Öll þessi vinna hefur frá upp-
hafi verið að langmestu leyti unnin
í sjálfboðavinnu, bæði framkvæmd-
in og fjáröflunin. Það era enn til
menn sem eru tilbúnir að leggja á
sig sjálfboðavinnu þegar mikið
stendur til. Einnig er það viður-
kennt að hvergi er betri aðstaða
fyrir skíðagöngu en í Hlíðarfjalli og
það hefur hleypt töluverðum krafti
í menn.“
Göngubrautin er í 500-600
metra hæð yfir sjó og þar era
einnig 5 og 7,5 km brautir sem
fengið hafa viðurkenningu sem al-
þjóðlegar keppnisbrautir, að sögn
Harðar. Hann sagði stefnt að því
að hafa kveikt á ljósunum frá því
fer að skyggja og fram til kl. 22 á
kvöldin á þeim dögum sem hægt er
að vera á gönguskíðum. „Þannig að
þegar ljósin loga er um að gera fyr-
ir fólk að drífa sig í fjallið."
AKUREYRI
Fjöldi fólks á ferðinni í jólaþorpinu Norðurpólnum
Margir á ferli og
líflegt í verslunum
FJÖLDI fólks lagði um helgina leið
sína í jólaþorpið Norðurpólinn, sem
sett hefur verið upp á flötinni við
Samkomuhúsið á Akureyri, en það
var formlega opnað síðdegis á föstu-
dag.
Tómas Guðmundsson forstöðu-
maður Ferðamálamiðstöðvar Norð-
urlands sagði að vissulega hefði
veðrið sett sitt strik í reikninginn á
laugardag, en þá var um tíma úr-
hellisrigning. „Það er eins og við er
að búast hér á landi og vill reyndar
oft verða þegar Islendingar efna til
hátíða utandyra. Við ráðum ekki við
veðrið," sagði hann. Kom það for-
svarmönnum Norðurpólsins reynd-
ar á óvart hversu margir komu í
þorpið þrátt fyrir leiðindi í veðri.
Mun betra veður var á sunnudag og
var þá fjöldi fólks að skoða jóla-
þorpið.
Norðurpóllinn verður opinn frá
því um hádegi og fram til kl. 18 alla
virka daga, en um helgar íylgir
hann afgi’eiðslutíma verslana í bæn-
um. Allt að 35 manns era að störf-
um í þorpinu og þá við ýmsa iðju.
„Við eigum eftir að bæta við húsum
í þorpinu og eins að setja niður fleiri
tré og fínpússa svona aðeins í kring-
um okkur og það verður gert næstu
daga,“ sagði Tómas.
Aætlanir gera ráð fyrir að allt að
80 þúsund manns heimsæki jóla-
þorpið fram til jóla og sagði Tómas
að þær byggðust m.a. á því að gert
er ráð fyrir að öll börn í leik- og
grunnskólum Akureyrar sem og í
nágrannabyggðum komi í jólaþorp-
ið, en slíkar heimsóknir hafa verið
skipulagðar. „Við höfum fengið mik-
ið af fyrirspurnum, bæði héðan af
Eyjafjarðarsvæðinu og reyndar víð-
ar, en það virðist vera að margir
hafí áhuga á að heimsækja jólaþorp-
ið.“
Mikið um aðkomufólk á ferðinn
Verslanir á Akureyri vora opnar
til kl. 16 á laugardag og sagði Ragn-
ar Sverrisson formaður Kaup-
mannafélags Akureyrar að almennt
hefði verið mikið að gera. „Þetta var
auðvitað ekkert Þorláksmessuævin-
týri, en margt fólk á ferðinni og
greinilegt að það kom víða að, sér-
staklega var áberandi hversu mikið
var um fólk héðan austan við okkur,
frá Austfjörðum og af norðaustur-
horninu, allt frá Þórshöfn," sagði
Ragnar. Góð færð skiptir eflaust
miklu um hversu margir er á ferð-
inni, en einnig gerði Ragnar ráð fyr-
ir að opnun jólaþorpsins og umtalið
vegna þess hafi átt sinn þátt í að
margir voru á ferð í miðbænum.
Rýmri afgreiðslutími
Kaupmannafélag Akureyi-ar hef-
ur samþykkt afgreiðslutíma versl-
ana fram til jóla, en tvo næstu laug-
ardaga verður einnig opið til ki. 16 í
öllum verslunum, til kl. 18 laugar-
daginn 12. desember en eftir það
verður opið fram á kvöld, fóstudag-
inn 18. desember og laugardaginn
19. verður opið til kl. 22 og frá kl. 13
til 18 sunnudaginn 20. desember.
Mánudaginn 21. og þriðjudaginn 22.
desember verður opið til kl. 22 um
kvöldið og líkt og vanalega til kl. 23
á Þorláksmessu og frá 9-12 á að-
fangadag.
Morgunblaðið/Kristján
BÆJARSTJÓRI Norðurpólsins, Garri Pólsson, þurfti að leita aðstoðar vaskra sveina hjá umhverfisdeild bæj-
arsins í hvassviðri gærdagsins, þeirra Priðfinns Guðmundssonar og Baldurs Gunnlaugssonar, en hjá þeim
stendur Magnús Már Þorvaldsson sem hannaði svæðið og sá um verkstjórn við uppbyggingu þess.
Morgunbiaðið/Kristján
Tæknival hefur
starfsemi á Akureyri
Tímastjórn, náms
tækni og fjármál
Vitni vantar
að umferð-
aróhöppum
LÖGREGLAN á Akureyri lýsir eft-
ir vitnum af tveimur umferðaró-
höppum er urðu í bænum sl. föstu-
dag.
Hið fyrra varð kl. 14.19 á Krossa-
nesbraut við Hlíðarbraut. Grárri
bifreið, Subaru 1800, var ekið suður
Krossanesbraut og á ljósastaur við
gatnamótin. Ökumaðurinn kvaðst
hafa verið að afstýra árekstri við
bifreið er ekið var af Hlíðarbraut og
suður Ki'ossanesbraut. Þetta hafí
verið rauð bifreið, e.t.v. Hyundai.
Ökumaður þessarar bifreiðar eða
vitni eru beðin að gefa sig fram við
rannsóknardeild lögi'eglunnar á
Akureyri.
Seinna umferðaróhappið varð kl.
14.30 á Hjalteyrargötu norðan
Tryggvabrautar, gegnt húsi númer
20. Rauðri bifreið, MMC Lancer,
sem ekið var suður, var þá ekið á
stóran stein sem datt af vörubifreið
er bifreiðarnai- mættust. Ökumaður
vörubifreiðarinnar eða vitni era
beðin að gefa sig fram við rann-
sóknardeild lögreglunnar.
TÆKNIVAL opnaði fyrir síðustu
helgi Akureyrardeild félagsins að
Furuvöllum 5 þar sem Tölvutæki
voru áður til húsa, en um síðustu
áramót keypti Tæknival verslun
Tölvutækja en rak hana þar til nú
undir því nafni. Breytingar hafa
verið gerðar á húsnæðinu og það
lagað að nýrri starfsemi.
Alls starfa 25 manns hjá Tækni-
vali á Akureyri og skiptist starf-
semin í þrjú svið; þjónustusvið,
fyrirtækjasvið og verslunarsvið.
Kristján Aðalsteinsson, deildar-
stjóri Tæknivals á Akureyri, tók
vel á inóti fyrsta viðskiptavini fyr-
irtækisins, Kristni G. Jóhannssyni,
sem lagði leið sfna í verslunina til
að kaupa litaprentara við tölvu
sínu. Myndin var tekin þegar
Kristján færði Kristni blómvönd
og gjafabréf af þessu tilefni.
BLAKDEILD KA gengst fyrir
námskeiði í tímastjórnun, náms-
tækni og fjármálum fyrir meistara-
flokka félagsins, bæði karla og
kvennaflokka, ásamt 2. og 3. flokki
karla og kvenna og er það haldið í
KA-heimilinu næstkomandi mið-
vikudagskvöld 25. nóvmeber frá kl.
19 til 22.
Markmiðið er að þátttakendur
öðlist meiri færni í að takast á við
hið daglega líf í námi, starfí og leik.
Farið verður yfn- tímastjórnun,
notkun og uppsetningu tímatöflu,
námstækni og einnig tekjur og
gjöld einstaklinga, gerð fjárhagsá-
ætlana, kaup og rekstur ýmissa
hluta og bókhald.
Leiðbeinendur á námskeiðinu
eru Sólveig Hrafnsdóttir námsráð-
gjafi og Helgi Björnsson rekstrar-
fræðingur.
íbúð ó Akureyri til sölu
Til sölu er þriggja herbergja íbúð í tveggja hæða fjölbýlishúsi
við Furulund á Akureyri.
Allar íbúðirnar í húsinu eru í eigu félaga og félagasamtaka
víða að af landinu en íbúðirnar eru mjög hentugar sem slíkar.
Ibúðin er ó neðri hæð og er stærð hennar 50 fm.
Astand er mjög gott. Verð kr. 5,4 millj.
Eignakjör ehf., fasteignasala, Skipagötu 16,
Akureyri, sími 462 6441.