Morgunblaðið - 26.11.1998, Side 12

12 FIMMTUDAGUR 26. NÓVEMBER 1998
MORGUNBLAÐIÐ
FRÉTTIR
Jólasöfnun Hjálparstarfs kirkjunnar hefst fyrsta sunnudag í aðventu
„SÖFNUNARBAUKUR Hjálp-
arstarfs kirkjunnar, sem sendur
er landsmönnum á þessum tíma
á hveiju ári, er víða ómissandi
hluti af aðventuskreytingu
heimilanna. Eg hef lagt megin-
áherslu á að hjálparstarf og
kristniboð verði aukið og eflt í
kirkjunni og vil leggja hverjum
Islendingi það á hjai-ta,“ sagði
Karl Sigurbjörnsson, biskup fs-
lands, meðal annars þegar ár-
leg jólasöfnun Hjálparstarfs
kirkjunnar var kynnt í gær.
Biskup sagði íslendinga af-
lögufæra jafnvel þótt margir
hérlendis bæru skarðan hlut frá
borði allsnægtanna. „Það sem
mestu varðar er að skerfurinn
okkar megnar mikils meðal
hinna örsnauðu í veröldinni,
þeirra sem Hjálparstarf kirkj-
unnar beinir umfram allt söfn-
unarfé sínu til. Það skiptir
sköpum í neyðaraðstoð og lang-
tímaverkefnum," sagði biskup
ennfremur. Hann kvaðst ekki
hafa í huga sértækar aðgerðir
til að koma hjálparstarfi og
kristniboði meira á dagskrá hjá
kirkjunni heldur að minna á
Safnað fyrir bágstadda
heima og heiman
verkefnið og livelja til þess að
því yrði sinnt. Biskup minnti á
að við tilurð Hjálparstarfsins
ákváðu prestar landsins að
láta 1% launa sinna renna til
starfsins og gerðu margir
þeirra það enn í dag. Jónas
Þórisson, framkvæmdastjóri
Hjálparstarfsins, sagði sífellt
fleiri einstaklinga gerast fasta
styrktarmenn og að þeim söfn-
uðum fjölgaði einnig sem
legðu reglulega fram íjármuni
til starfsins.
Neyðarverkefni fyrir meira
en fjóra milljarða
Jónas Þórisson sagði neyðar-
beiðnum hafa Ijölgað mjög í ár
frá í fyrra. Hefði í fyrra alls
verið óskað eftir um 32 milljón-
um dollara vegna neyðarverk-
efna á vegum ACT, Alþjóða
MYNDINA á söfnunarbauknum tók
Þorkell Þorkelsson Ijósmyndari
Morgunblaðsins af dreng frá Zaire
sem var á flótta í Rúanda.
neyðarhjálpar kirkna, en í ár
væru komnar fram beiðnir fyr-
ir alls um 60 milljónir dollara
sem er yfir fjórir milljarðar ís-
lenskra króna.
Biskup sagði að Hjálparstarf
kirkjunnar væri ekki viðamik-
ið fyrirtæki en væri í sam-
starfí við öflugar alþjóðlegar
hjálparstofnanir á vegum
kirknauna og í því samstarfí
nýttist skerfur Islendinga til
fulls.
Jólasöfnunin hefst formlega
fyrsta sunnudag í aðventu,
sem er 27. nóvember, með út-
varpsguðsþjónustu í Hall-
grímskirkju en þar verður
tekið við framlögum til söfn-
unarinnar. Sendir hafa verið
söfnunarbaukar og gíróseðlar
með upplýsingum um verkefni
á 98 þúsund heimili lands-
manna og sagði Anna M.Þ.
Ólafsdóttir, fræðslufulltrúi
Hjálparstarfsins, að allmargir
aðilar hefðu gefíð vinnu sína
við hönnun og framleiðslu ým-
issa prentgripa fyrir söfnunina
sem væri mikilvægur stuðning-
ur. Einnig myndu fjölmörg fyr-
irtæki gefa birgðir í matarbúr-
ið sem í ár verður til húsa við
Skúlatún 4 og rekið eins og áð-
ur í samvinnu við Reykjavíkur-
deild Rauða krossins. Tekið
verður við umsóknum 7. til 11.
desember á skrifstofu Hjálpar-
starfsins á Laugavegi 31.
Ólafur G. Einarsson, sem
kjörinn var formaður stjórnar
Hjálparstarfsins á síðasta aðal-
fundi, sagði söfnunarfénu í ár
verða beint í þijá farvegi: Til
bágstaddra íslendinga, til fólks
sem búi við örbirgð í þriðja
heiminum og í þriðja lagi til
neyðaraðstoðar á átaka- og
hamfarasvæðum um allan heim
og væri Mið-Ameríka þar efst á
baugi. Þá minnti hann á að auk
jólasöfnunarinnar væri sala
friðarljósanna um jól og ára-
mót mjög mikilvæg tekjulind.
Söfnunarfé jólasöfnunar í
fyrra nam um 10,7 milljónum
króna auk yfír 5 inilljóna króna
verðmætis matvæla sem Hjálp-
arstarfínu bárust til dreifingar
meðal bágstaddra Islendinga.
Valdimar Jóhannesson, varaformaður Samtaka um þjóðareign
Samfylkingin
á Austurlandi
Kynningu
frestað um
eina viku
ÁFORMAÐ vai- að kynna framboðs-
lista samfylkingar á Austfjörðum
með formlegum hætti á Reyðarfirði
um næstu helgi, en því hefur verið
frestað um eina viku. Frágengið er
að Einar Már Guðmundsson, for-
stöðumaður á Fræðsluskrifstofu
Austurlands, verði í fyrsta sæti og
séra Gunnlaugur Stefánsson, fyrr-
verandi alþingismaður, í öðru sæti.
Einar er alþýðubandalagsmaður og
Gunnlaugur alþýðuflokksmaður. Ei-
ríkur Stefánsson, sem sæti á í sam-
ráðsnefnd um framboðsmál, segir að
Kvennalistanum hafi verið boðið að
vera með á listanum, en fáar kvenna-
listakonur séu í kjördæminu og þær
mjög tregar til að fara í framboð. Ei-
ríkur segir að algjör sátt sé um upp-
röðun á lista milli flokkanna.
Á Vestfjörðum hefur orðið sam-
komulag um að alþýðuflokksmaður
skipi fyrsta sætið, alþýðubandalags-
maður annað sætið og kvennalista-
kona þriðja sætið. Gengið er út frá
því að Sighvatur Björgvinsson, for-
maður Alþýðuflokksins, skipi fyrsta
sætið. Smári Haraldsson, formaður
Alþýðubandalagsfélags Isafjarðar,
sagði stefnt að því að setja fram lista
með átta alþýðubandalagsmönnum
og velja frambjóðanda Alþýðubanda-
lagsins í annað sætið af honum.
Andlát
GRÍMUR
GUNNARSSON
Jólasöfnunin
kynnt
FORRÁÐAMENN Hjálparstarfs
kirkjunnar kynntu jólasöfnun-
ina sem í hönd fer. Frá vinstri:
Ólafur G. Einarsson, formaður
stjórnar Hjálparstarfs kirkj-
unnar, Karl Sigurbjörnsson
biskup og Jónas Þórisson fram-
kvæmdastjóri.
GRÍMUR Gunnars-
son, blaðamaður og
ritstjóri í Danmörku,
sonur Gunnars Gunn-
arssonar rithöfundar,
er látinn.
Grímur, sem þekkt-
ur var undir höfundar-
heitinu „Grimme“,
fæddist árið 1929, son-
ur Gunnars og Ruth
Lange, dóttur skálds-
ins Svens Langes.
Gunnar var þá giftur
annarri konu, Franz-
iscu, en gekkst við
Grími.
Grímur ólst upp hjá móður sinni
í Danmörku. Hann gerðist blaða-
maður og var lengi rit-
stjóri íþróttafrétta á
blaðinu Socialde-
mokraten, sem síðar
nefndist Aktuelt. Síðar
var hann gerður aðal-
ritstjóri nýs sunnu-
dagsblaðs Aktuelt sem
náði mikilli útbreiðslu.
Eftir starfslok þar
skrifaði hann greinar í
viðskiptablað Berl-
ingske Tidende og tók
sjónvarpsviðtöl.
Grímur var giftur
Else Birkmose, sem á
árum áður var þekkt handbolta-
kona. Hún lést fyrir nokkrum mán-
uðum.
Morgunblaðið/Þorkell
Sverrir ekki trú-
verðugur sem leiðtogi
VALDIMAR Jóhannesson, sem sit-
ur í stjóm Samtaka um þjóðareign,
segir að Jón Sigurðsson, jafn mætur
maður og hann sé, hafi ekki jarðsam-
band og átti sig ekki á því hvernig
mjög margir menn líti á Sverri Her-
mannsson. „Þeir telja að Sverrir sé
ekki trúverðugur sem leiðtogi fyrir
frjálslyndum flokki. Þeir líta á Sverri
sem gamlan kerfismann, sem hefur
sukkað í kerfinu áratugum saman.
Það skiptir engu máli hvort það er
rétt eða rangt. Staðreyndin er bara
sú að svona er á hann litið,“ sagði
Valdimar í samtali við Morgunblaðið.
Jón Sigurðsson, fyirverandi fram-
kvæmdastjóri, sagði í Morgunblað-
inu í gær að von sé til þess að Frjáls-
lyndi flokkurinn hafi áhrif með and-
ófi sínu á stefnu stjórnvalda í fisk-
veiðistjórn undir stjórn Sverris Her-
mannssonar, en vonlaust sé að svo
geti orðið undir stjórn Bárðar Hall-
dórssonar.
„Eg hef að mörgu leyti prýðilegar
taugar til Sverris. Mér finnst þetta
að mörgu leyti vera öflugur maður,
en það bara gengur ekki að hafa
hann sem vörumerkið á þessum
flokki. Við í stjórn Samtaka um þjóð-
areign töldum þess vegna ráðlegt að
fá mann sem ekki myndi stuða frá þá
sem ella myndu styðja þetta mál-
efni,“ sagði Valdimar.
Hann sagði að þeir teldu að það
hefði verið mjög ódrengilegt að taka
svona í þessa tillögu. Þarna hefði
fyrst og fremst verið á ferðinni hugs-
un um það hvernig hópurinn næði
mestum árangri með því að skipa liði
sínu.
„Eg verð líka að fá að segja að
mér finnst ótrúlegt að Jón Sigurðs-
son skuli ata okkur auri sem höfum
verið að vinna að þessu máli nú um
langan tíma. Við höfðum kjark til
þess að leggja af stað. Jón og fleiri
menn eru búnir að skrifa um þetta í
fleiri, fleiri ár, en það hefur ekki haft
nokkurn skapaðan hlut að segja. Það
er þó ástæðulaust að vanþakka það,
en okkur tókst að skapa stemmn-
ingu. Það var á þriðja þúsund manns
sem gekk formlega í samtökin og við
höfum getað komið þessari umræðu
á fleygiferð, þannig að nú njóta okk-
ar viðhorf mjög almenns stuðnings
hjá þjóðinni," sagði Valdimar enn-
fremur.
Hann bætti því við að sér fyndist
skrítið að Jón skyldi vilja kalla þá
undirmálsmenn sem hefðu komið
þessu í kring og sér fyndist það ekki
verðugt. „Ég kalla ekki Sverri undir-
málsmann, þótt hann hafi þurft að
fara út með plastpokana sína úr
bankanum eftir að honum var sagt
að hypja sig þaðan, en ég spyr; lægi
það ekki vel við?“ sagði Valdimar.
Hann sagði að sér fyndist að
Frjálslyndi flokkurinn ætti að kjósa
sína forystumenn í frjálsum kosning-
um án allra undfrmála og heitstreng-
inga. „Ég mun sjálfur, ef þarna verð-
ur heiðarleg kosning, fylgja þeiiTÍ
forystu sem valin verður. Ég mun
ekki gera eins og Jón Sigurðsson að
segja fyrirfram: Ég mun aðeins
fylgja þessu ef einhver niðurstaða
sem ég ákveð að eigi að vera svo
verði ofan á. Ef menn ganga þannig
fram þá splundrast allt og það má
ekki gerast í þessu máli. Þarna er
málefnið alltof mikilvægt til þess að
menn hagi sér þannig," sagði Valdi-
mar.
Hann bætti því við að hann hefði
metnað til að leggja þessu máli lið og
sama gilti um Bárð Halldórsson.
„Við hljótum hins vegar í framboði
að skipa okkar færustu mönnum
hverjir sem það kunna að vera. Ég
hvet alla sem vilja leggja þessu mál-
efni lið að koma og kjósa og halda
svo friðinn," sagði Valdimar að lok-
um.