Morgunblaðið - 09.12.1998, Qupperneq 2

2 MIÐVIKUDAGUR 9. DESEMBER 1998
FRETTIR
MORGUNBLAÐIÐ
Morgunblaðið/Kristján
Banaslys í Eyjafírði
Karlmaður lét lífið
í umferðarslysi
KARLMAÐUR á fimmtugsaldri
beið bana þegar jeppi sem hann ók
fór út af þjóðveginum á Mold-
haugnahálsi skammt norðan Akur-
eyrar um kl. 11 í gærmorgun.
Svo virðist, að sögn lögreglu á
Akureyri, sem maðurinn hafí misst
vald á bflnum, en honum var ekið í
norður í átt frá Akureyri. Bfllinn
lenti úti í kanti, fór yfir upphækkun
fyrir háspennulínu og virðist þá
hafa kastast í loft upp, en hann
hafnaði á hvolfi inni á túni skammt
neðan vegarins.
Ökumaður var einn í bflnum.
Jeppinn er gjörónýtur.
Frásögn stúlkna
af áreitni ósönn
RANNSÓKN lögreglunnar í Hafn-
arfirði hefur leitt í ljós að frásagnir
tveggja unglingsstúlkna sem kváð-
ust hafa verið beittar kynferðislegri
áreitni við Lækjarskóla í Hafnarfirði
30. nóvember sl., voru rangar frá
upphafi.
,Atburðir gerðust ekki með þeim
hætti sem lýst var,“ segir í tilkynn-
ingu frá lögreglunni í Hafnarfirði og
hefur verið ákveðið að hætta rann-
sókninni.
Gáfu ítarlega lýsingu
Mánudaginn 30. nóvember sl. var
tilkynnt til lögreglunnar í Hafnar-
firði að tvær þrettán ára stúlkur
hefðu verið beittar kynferðislegri
áreitni við Lækjarskóla í Hafnar-
firði. Lýstu stúlkumar ítarlega í
vitnisburði sínum atburðum þeim
sem þær sögðu hafa átt sér stað og
þeim sem þær sögðu að staðið hefðu
að baki áreitninni. Um grófa kyn-
ferðislega áreitni var talið að ræða.
Lögreglan efndi til viðtækrar leitar
og lýsti í fjölmiðlum eftir vitnum sem
kynnu að hafa orðið vör mannaferða á
staðnum á þeim tíma er atburðurinn
var talinn hafa átt sér stað. Frekari
rannsókn leiddi síðan í ljós að frá-
sagnir stúlknanna höfðu verið rangar
frá upphafi og var í kjölfarið ákveðið
að hætta frekari eftirgrennslan.
Heilbngðiseftirlit Reykjavikur
Oftekin gjöld endurgreidd
Heilbrigðiseftirlit Reykjavíkur hef-
ur endurgreitt hátt á fjórða hund-
rað fyrirtækjum á eftirlitssvæði
sínu oftekin eftirlitsgjöld að upp-
hæð 7,2 milljónir króna vegna ár-
anna 1995 og 1996 í samræmi við
samkomulag þar að lútandi milli
Reykjavíkurborgar, Vinnuveitenda-
sambands íslands og Verslunar-
ráðs.
Örn Sigurðsson, skrifstofustjóri
hjá Heilbrigðiseftirliti Reykjavíkur,
sagði að greiðslumar hefðu verið
inntar af hendi 20. nóvember síðast-
liðinn í framhaldi af niðurstöðu
samráðshóps Reykjavíkurborgar,
Vinnuveitendasambands íslands og
Verslunarráðs, en hópurinn hefði
verið settur á laggirnar til þess að
fara yfir gjaldskrár vegna eftirlits
og leiðrétta gjaldtöku ef gjöld hefðu
verið oftekin. Náðst hefði sam-
komulag um leiðréttingu vegna
gjaldskránna á árunum 1995 og
1996 og fyrirtækin hefðu fengið
endurgreiðslu í samræmi við það.
Um væri að ræða eftirlitsgjöld og
hefði rammi vegna endurgreiðsl-
unnar numið 8,9 milljónum króna,
en endanleg niðurstaða væri að
endurgreiðslan næmi 7,2 milljónum
króna til samanlagt 376 fyrirtækja.
Örn sagði að fyrirtækin greiddu
þessi gjöld vegna lögbundins eftir-
lits, en samkvæmt lögum um holl-
ustuhætti og mengunarvarnir væri
sveitarstjórnum heimilt að setja
gjaldskrár iyrir eftirlit af þessu tagi.
Tekjur áætlaðar
27,5 milljónir
Borgarstjórn setti gjaldskrána
og hún væri síðan staðfest af um-
hverfisráðherra. Tekjur vegna eft-
irlitsgjaldanna í ár væru áætlaðar
27,5 milljónir króna, en gert væri
ráð fyrir að á næsta ári næmu tekj-
ur af þeim 31 milljón króna.
Morgunblaðið/Ásdís
Beðið eftir húsbændum
Utanríkisráðherra um kröfur Spánar um áframhaldandi
greiðslur EFTA-ríkjanna í þróunarsjóð
Líkur á að greiða
þurfi áfram í sjóðinn
HALLDÓR Ásgrímsson utanríkis-
ráðherra segir það orðið ljóst að
ekki náist friður varðandi kröfur
Spánar um áframhaldandi greiðslur
EFTA-ríkjanna í þróunarsjóð, sem
styrkt hefur fátækari svæði innan
Evrópusambandsins, nema samn-
ingai’ náist sem væntanlega hafi í
för með sér einhverjar greiðslur í
sjóðinn. Halldór átti í gær viðræður
um málið við utanríkisráðherra
Spánar og Portúgals á fundi utan-
ríkisráðherra NATO-ríkjanna í
Brussel og sagði hann í samtali við
Morgunblaðið að það væri ljóst að
krafa Spánverja væri mjög ákveðin
og þeir hefðu fengið stuðning ann-
arra Evrópusambandsiíkja í málinu.
„Við erum einfaldlega að halda
því fram að það þuifi að vera jafn-
vægi í þeirri lausn sem fæst í mál-
inu. Pað eru gerðar kröfur á okkur
vegna þess að við njótum allra rétt-
inda á innri markaðnum en það er
ekki rétt. Þess vegna erum við með
það uppi á borðinu að við fáum því
framgengt,“ sagði Halldór.
Hann sagði að hann myndi eiga
viðræður við utanríkisráðheiTa
Noregs um málið og í dag yrði hald-
inn fundur fulltrúa Islands, Noregs
og Lichtenstein, en í framhaldi af
honum yrði lögð fram sameiginleg
afstaða ríkjanna gagnvart Evrópu-
sambandsríkjunum.
„Þetta blandast inn í aðra þróun-
arsjóði Evrópusambandsins sem
eru mjög til umræðu núna og eiga
að koma til endurskoðunar á næsta
ári. Þar eru kröfur um að lækka
greiðslur sem Spánn er mjög and-
vígur, og telur hann þetta mál vera
mikið prófmál í því sambandi. Við
gerum okkur orðið grein fyrir því
að það mun ekki nást neinn friður
um þetta mál nema einhverjir
samningar náist sem þýðir væntan-
lega einhverjar greiðslur. Við höf-
mn jafnframt þessu lagt á það
áherslu að taka upp mál sem skipta
okkur máli að því er varðar innri
markaðinn, en það er ekki fríversl-
un á þessum mai’kaði með allar okk-
ar vörur,“ sagði Halldór.
Tenglst stækkunarferli
Evrópusambandsins
Hann sagði að í því sambandi
væri mikilvægust fyrir Islendinga
fi’íverslun með t.d. sfld, humar og
þurrkaðan saltfisk og verið væri að
reyna að vinna þessu máli skilning.
Því hefði verið vel tekið en óvissa
væri um hverjar lyktir málsins
yrðu.
„Evrópusambandið hafði áður
neitað því að taka slík mál upp en
við bendum á að útflutningur okkar
hefur aukist mun minna en innflutn-
ingur frá Evrópusambandinu. Það
liggur líka fyrir að þessi mál koma
til umræðu í sambandi við stækkun
Evrópusambandsins þegar þar að
kemur og við erum að reyna að fá
þessi mál upp á borðið í tengslum
við það því við gerum okkur alveg
grein fyrir því að sú krafa vei’ður
uppi á borðinu að EFTA-þjóðirnar
taki þátt í því ferli. Þá er mikilvægt
að við fáum fríverslun áfi-am með
vörur sem er fullt frelsi með í dag
og það á ekki síst við um sfldina, en
þegar Finnland og Svíþjóð gengu í
Evi-ópusambandið var útflutningur
okkar á síid tii þeiira landa tak-
markaður við ákveðna kvóta,“ sagði
Halldór Ásgrímsson.
érblöð í dag
www.mbl.is
► í VERINU í dag er m.a. sagt frá stöðu útgerðar- og
fiskvinnslufyrirtækja á Hornafirði í ljósi aflabrests á
síldarvertíðinni. Einnig er sagt frá smíði nýja hafrann-
sóknaskipsins í Chile.