Morgunblaðið - 26.03.1999, Qupperneq 4

4 FÖSTUDAGUR 26. MARZ 1999
MORGUNBLAÐIÐ
FRÉTTIR
Ellert B. Schram um
nýtt óháð framboð
Heftekið
þátt í
viðræðum
Heilbrigðisráðherra segir mikið hafa áunnist í heilbrigðis-
málum á síðustu árum
Laun á Ríkisspítölum
hækkuðu um 43% frá 1995
„ÉG get staðfest að ég hef tekið
þátt í viðræðum um óháð framboð í
kosningunum í vor,“ sagði Ellert B.
Schram þegar Morgunblaðið innti
hann eftir því í gær hvort slíkt væri
á döfinni hjá honum. Ellert staðfesti
að rætt hefði verið um óháð fram-
boð hans á ákveðnum forsendum og
þá með beinum eða óbeinum stuðn-
ingi eða tengslum við Frjálslynda-
flokkinn.
Ellert sagði málið á viðræðustig
en sagði jafnframt hugmyndina að
bjóða fram í öllum kjördæmum ef af
framboði yrði á annað borð. „Alvar-
an er misjafnlega mikil hjá mönnum
en að svo miklu leyti sem málið
snertir mig þá tel ég nauðsynlegt að
ákvörðun um framboð á landsvísu
verði tekin um eða eftir helgina,"
sagði Ellert ennfremur. Hann sagð-
ist vita til þess að skoðanakönnun
væri í gangi þar sem spurt væri um
áhuga kjósenda á stuðningi við óháð
framboð.
„Fyrst og fremst er ætlunin að
bjóða fram undir þeim merkjum að
afnema gjafakvótann, að gefa fólki
kost á því að kjósa með eða á móti
gjafakvóta. Þeir sem hafa rætt um
þetta framboð koma úr ólíkum átt-
um, úr ýmsum flokkum eða engum
flokkum en hafa sameinast um
þetta og það er ætlunin að láta
brjóta á þessu máli.“
LAUNAVÍSITALA greiddra launa
á Ríkisspítölunum hefur hækkað frá
árinu 1995 um 43% á meðan neyslu-
verðsvísitala hefur á sama tíma
hækkað um 6%. Þetta kom fram í
ræðu Ingibjargar Pálmadóttur heil-
brigðis- og tryggingaráðherra við
upphaf heilbrigðisþings í gær.
Ingibjörg sagði að í heilbrigðisþjón-
ustu ættu sér nú stað meiri og örari
breytingar en nokkru sinni fyrr í
sögu mannkynsins. Mikilvægt væri
að greina meginstrauma þessara
breytinga en viðfangsefni okkar væri
ekki síður að finna þeim æskilegan
farveg og setja heilbrigðisþjónust-
unni vel skilgreind markmið. Til þess
þurfi heilbrigðisþjónustan trúverð-
ugar hugmyndir um framtíðina og
verkefni næstu ára.
„I ljósi þessa er framtíðarsýn heil-
brigðisþjónustunnar og heilbrigðisá-
ætlun viðfangsefni heilbrigðisþings
árið 1999. Árið 1995 var faraldsfræði
sjúkdóma meginviðfangsefnið, en
þjónusta heilbrigðiskerfisins nú.
Hvernig er staðan nú og horfurnar
næstu árin og hver eru áform heil-
brigðisyfirvalda?" sagði Ingibjörg.
Ingibjörg sagði enn fremur að
undanfarin misseri hefði verið unnið
að endurskoðun heilbrigðisáætlunar
sem gilt hefur frá árinu 1991. Við
endurskoðunina hefði annars vegar
verið tekið mið af áætlunum Alþjóða-
heilbrigðismálastofnunarinn-
ar(WHO) um heilbrigði allra og heil-
brigðisáætlunum annaiTa ríkja og
hins vegar stefnumótun og úttektum
á fjölmörgum þáttum heilbrigðis-
mála hér á landi. Þá hefði Evrópu-
þing WHO nýverið samþykkt nýja
Evrópuáætlun með 21 meginmark-
miði sem ná í flestum tilvikum til
ársins 2020. í áætluninni er lögð
áhersla á jafnræði og samábyrgð í
verki, bætt heilsufar, forvarnir,
þverfaglegar aðgerðir, árangursríka
heilbrigðisþjónustu og breytta
stjómunarhætti.
Reglur um forgangsröðun
„Hér á landi hafa verið mótaðar
reglur um forgangsröðun í heil-
brigðismálum, skipulagsmál heil-
brigðisþjónustunnar em í deiglunni,
upplýsingamálum heilbrigðiskerfis-
ins hefui' verið rudd braut og upp-
bygging fjarlækninga og fjarsam-
skipta er hafin. Sömuleiðis er unnið
að gerð áætlunar í gæðamálum, sér-
staklega hefur verið hugað að mál-
efnum sjúkrahúsa, efling heilsu-
gæslu er forgangsmál, forvarnir
hafa fengið veglegri sess, geðheil-
brigðismálum er nú veitt meiri at-
hygli, rannsóknir og vísindastarf-
semi fara vaxandi og stuðlað er að
uppbyggingu heilbrigðistækniiðnað-
ar,“ sagði Ingibjörg.
■ Heilbrigðisþing/43
Hæstiréttur
staðfestir frá-
vísunarúrskurð
Félagsdóms
HÆSTIRÉTTUR staðfesti í gær
úrskurð Félagsdóms frá 4. mars
þar sem hafnað var frávísunar-
kröfu íslenska ríkisins í máli sem
Starfsmannafélag ríkisstofnana
höfðaði fýrir hönd eins félags-
manna sinna, sem er læknaritari
hjá ríkinu. Málið varðaði skilning
á reglum kjarasamnings sem ætti
undir lögsögu Félagsdóms.
Dómkröfur Starfsmannafélags
ríkisins voru þær að viðurkennt
yrði með dómi að ríkinu væri skylt
að greiða læknaritai-anum stað-
gengilslaun, þar sem hún vann í
forfijllum í rúmt ár fyrir deildar-
læknaritara á Landspítalanum.
Fyrir Félagsdómi greindi deilu-
aðila á um hvort læknaritarinn
ætti rétt til staðgengilslauna sam-
kvæmt ákvæði í kjarasamningi
SFR þar sem segir að „Starfsmað-
ur sem ekki er í stöðu staðgengils
yfírmanns, en er falið að gegna
störfum yfirmanns í forfóllum hans
eða störfum annars hærra launaðs
starfsmanns, skal taka laun hans
skv. launaflokki hins forfallaða
starfsmanns þann tíma, er hann
gegnir starfi hans.“
!
TEMPUh-PEDIC
Heilsunnar vegna
Vlit V 00!)
íjóktttþjnlfðfot,
IsifóppióiÉ
(»1 liX'knttr utti
Héliti ollun tft'dlo
tiioð Tempui Pctlit
Befra
Fax.ilcni 5-1
Rvk » Siiní;588-8477
Sighvatur Bjarnason
Gefur ekki kost
á sér sem stjérn-
arformaður SIF
SIGHVATUR Bjarnason, formaður
stjórnar SÍF, hefur ákveðið að gefa
ekki kost á sér til áframhaldandi for-
mennsku, en aðalfundui' SÍF verður
haldinn í lok mánaðarins. Sighvatur
segir í samtali við Morgunblaðið, að
ástæðan sé sú að hann telji stjórnar-
formennsku í SÍF ekki samræmast
þeim störfum, sem framundan séu
hjá honum. Hann segist á hinn bóg-
inn ekki tilbúinn til að tjá sig um það
hvaða störf bíði hans. Ekki fæst upp-
gefið hver muni taka við af Sighvati.
„Ég hef verið stjórnarformaður
hjá SIF í 6 ár og á þeim tíma hefur
verið mikill gangur hjá félaginu.
Markaðsvirði félagsins hefur aukizt
úr 290 milljónum í 6.000 milljónir.
Við höfum byggt upp mjög öflugt
sölu- og markaðskerfi í SÍF. Við vor-
um eingöngu með starfsemi á Islandi
og í Frakklandi þegar ég byrjaði og
nú er starfsemin í níu löndum. Velt-
an var 6 milljarðar þegar við byrjuð-
um og nú er hún 19 milljarðar og
verður enn meiri á þessu ári. Félagið
var í erfiðri stöðu þegar við tókum
við, en er nú orðið eitt af öflugri fyr-
irtækjum landsins, þannig að við
megum vel við una og þetta hefur
verið mjög skemmtilegur tími. Ég
hef verið tengdur SIF frá árinu
1981, þegar ég hóf þar störf í bók-
haldinu og nú er mál að linni. Nú
tekur annað við, pn það er vissulega
mikil eftirsjá í SÍF. Mér hefur alltaf
þótt nyög vænt um þetta fyrirtæki,"
sagði Sighvatur Bjarnason.
Pést- og fjarskiptastofnun reyndi sætt-
ir í deilu um innheimtu símgjalda
Landssiminn hafn-
aði tillögunni
LANDSSIMI Islands hf. hefur
hafnað málamiðlunartillögu Póst-
og fjarskiptastofnunar varðandi
samtengingu milli fjarskiptanets
Landssímans og millilandasím-
stöðvar Tals hf. og innheimtu á
reikningum vegna þjónustunnar.
Fyrirtækin hafa deilt um hvort
Landssímanum beri að innheimta
gjöld fyrir símtöl viðskiptamanna
Tals til útlanda. Tal hf. hafði sam-
þykkt málamiðlunina.
Meðal þess sem Póst- og fjar-
skiptastofnun lagði til var að Lands-
sími Islands hf. tæki að sér að inn-
heimta hjá notendum sem eru
áskrifendur í fjarskiptanetum hans
gjöld fyrir símtöl sem þeir beina um
útlandasímstöð Tals með því að
velja forskeytið 1010. Tal afhendi
því Landssímanum upplýsingar um
fjölda og lengd símtala úr hverju
einstöku númeri og taxta og skulu
ekki líða meira en sex vikur frá því
upplýsingarnar eru afhentar og þar
til innheimta fer fram með útsend-
ingu reiknings. Þá er gert ráð fyrir
því að Tal greiði Landssímanum
fyrir sannanlegan kostnað af öllum
þáttum innheimtunnar.
Lægsta fargjald
# • •• /
í sjo ar
Frá London
til Boston
fyrir
7 þúsund
UNITED-flugfélagið banda-
ríska býður um þessar mundir
fargjald frá London til Boston
á 99 dollara eða sem svarar
rúmum sjö þúsund krónum ís-
lenskum. Segja sérfræðingar í
fargjaldamálum þetta ódýrasta
gjald á Norður-Atlantshafinu í
sjö ár.
Einar Sigurðsson, fram-
kvæmdastjóri þróunarsviðs
Flugleiða, segir ýmis sértilboð
jafnan í gangi hjá flugfélögun-
um sem fljúga yfir Norður-Atl-
antshaf á þessum tíma en þetta
sé með því lægsta sem menn
hafi séð. Ódýrasta gjald milli
Reykjavíkur og Boston eru
rúmar 56 þúsund krónur báðar
leiðir nú í mars en Einar
kvaðst ekki vita gjörla hvaða
tilboð væru í gildi um þessar
mundir hjá Flugleiðum milli
Evrópu og Bandaríkjanna. Slík
tilboð væru auglýst á hverju
markaðssvæði fyrir sig og
stæðu yfir í afmarkaðan tíma.
Tvö lömb
heimt af fjalli
Eyja- og Miklaholtshreppi -
Tvö samstæð gimbrarlönd
voru heimt af Fagraskógar-
fjalli síðastliðinn sunnudag.
Það var Kristbjörn Steinars-
son, bóndi í Hraunsmúla í Kol-
beinsstaðahreppi, sem fann
lömbin og hafði þá verið að
svipast um eftir kind og hrút-
lömbum sem hann er búinn að
sakna frá því í haust.
Lömbin voru horuð en að
öðru leyti í ágætu ásigkomu-
lagi. Þau eru í eigu Ólafs Sig-
valdasonar, bónda í Ásbnín.
Aðspurður sagðist Ólafur ekki
hafa átt von á að heimta þessi
lömb og sagðist aldrei áður
hafa heimt svo seint. Hann
taldi einnig sérstakt að gimbr-
arnar eru tvílembingar úr
sama burði, en kindin kom
heim á réttum tíma í haust.
„Þær hafa eflaust orðið eftir
í einhverri laut í haust og svo
hrakist undan norðanáttinni,"
sagði Ólafur. Lömbin eru farin
að éta og búið er að rýja ullina
af þeim sem var of mikil eftir
að þau voru tekin á hús.
Stríðsástandið
í Kosovo
Ekki
vitað um
Islending-a
á svæðinu
AÐ SÖGN Hjálmars W. Hann-
essonar sendiherra er utanrík-
isráðuneytinu ekki kunnugt
um að Islendingar séu staddir
á átakasvæðum í Kosovo eða
Serbíu þar sem sprengjuárásir
ríða yfir. Þeir íslendingar sem
vitað er um í aðliggjandi lönd-
um eru lögreglumenn og
hjúkrunarfólk við uppbygging-
arstarf í Bosníu og Urður
Gunnarsdóttir og Guðbjörg
Sveinsdóttir, starfsmenn hjá
ÖSE, sem nú dvelja í Skopje í
Makedóníu. Ekki er þó hægt
að útiloka að fleiri íslendingar
séu á svæðinu. Urður Gunnars-
dóttir, blaðafulltrúi hjá ÖSE.
Hún kvað nokkra spennu og
óvissu liggja í loftinu.