Morgunblaðið - 09.04.1999, Side 16

16 FÖSTUDAGUR 9. APRÍL 1999
MORGUNBLAÐIÐ
LANDIÐ
Morgunblaðið/Guðrún Vala Elísdóttir
LJÓÐAFLUTNINGUR nema i 9. og 10. bekk.
5., 6. og 7. bekkur fluttu leikrit.
Eyja- og Miklaholtshreppi -
Arshátíð Grunnskólans á Lýsu-
hóli var haldin hátíðleg föstu-
daginn 26. mars í skólanum.
Húsnæði skólans er að hluta til
félagsheimili með sviði og rúm-
góðum sal, þannig að það eru
hæg heimatökin að setja upp
leiksýningar. Enda léku nem-
endur þrjú leikrit, fluttu ljóð og
Arshátíð
Grunnskólans
á Lýsuhóli
skáldakynningu þar sem Steinn
Steinarr fékk veglega kynn-
ingu, auk þess sem þau léku á
hljóðfæri og sungu.
Foreldrar sem og aðrir gestir
virtust njóta þess að sjá krakk-
ana allt niður í yngstu bekki
sýna leikhæfiieika sína. Eftir
skemmtunina sá foreldrafélagið
um að selja kaffi og vöfflur með
rjóma og eldri nemendur seldu
gos og sælgæti.
Morgunblaðið/Ágúst Blöndal
GUNNAR Á. Karlsson, bakarameistari, ásamt aðstoðarmanni.
Eigenda-
skipti á Fjarð-
arbrauði
Neskaupstað - Nú nýlega urðu
eigendaskipti á Fjarðarbrauði hf. í
Neskaupstað.
Það var Gunnar Á. Karlsson,
bakarameistari sem keypti brauð-
gerðina og mun hann reka hana
með svipuðum hætti og verið hef-
ur. Fyrri eigendur Fjarðarkaups,
þeir Bjarni Freysteinsson og Val-
ur Þórsson, fara til starfa erlendis
og Karl Ragnarsson er fluttur til
Reykjavíkur.
Vorhátíð
í Hellu-
skóla
Hellu - Nemendur Grunnskólans
á Hellu héldu sína árlegu vorhá-
tíð fyrir páskafrí, en dagaua á
undan höfðu þeir unnið að
margvíslegum verkefnum sem
sýnd voru á hátiðinni. I þeim
var íjölskyldan og fólk almennt
í fyrirrúmi, en á hátíðinni fluttu
nemendur margvísleg skemmti-
atriði, leikin og sungin í tengsl-
um við efnið. Þá gátu gestir
gætt sér á tertuin af hlaðborði
tíundubekkinga, sem eru að afla
íjár til vorferðar sinnar til
Ákureyrar. Foreldrar og að-
standendur ijölmenntu á vorhá-
tíðina sem heppnaðist afar vel
að vanda.
Morgunblaðið/Aðalheiður Högnadóttir
STRÁKARNIR í 9. og 10. bekk tóku atriði úr kvikmyndinni Með fuliri
reisn eða „The FuII Monty“.
Veglegar gjafír til
Olafsvíkurkirkju
Ólafsvík - Ólafsvíkurkirkju hafa
borist veglegar gjafír, en þar er um
að ræða nýja ljósastjaka á nýtt alt-
ari kirkjunnar og nýtt ræðupúlt.
Ljósastjakarnir era gefnir kirkj-
unni af Steinunni ehf., sem gerir út
samnefndan bát hér í Ólafsvík, en
stjakana smíðaði Stefán Bogi Stef-
ánsson, gullsmiður, í stíl kirkjunn-
ar.
Lionsklúbbur Ólafsvíkur og
Lionsklúbburinn Rán í Ólafsvík
gefa kirkjunni saman nýtt ræðu-
púlt, en það teiknaði arkitekt kirkj-
unnar, Hákoni Hertervig. Púltið var
smíðað í Trésmiðju Jónasar Kristó-
ferssonar, en hann og hans menn
smiðuðu einnig nýtt altari og önnuð-
ust þær breytingar sem nýlega voru
gerðar á kirkjunni.
Fulltrúar Lionsklúbbanna í
Ólafsvík afhentu foi-manni sóknar-
nefndar gjafabréf, en vígslubiskup-
inn í Skálholti, hr. Sigurður Sigurð-
arson, vígði hina nýju gripi við há-
tíðarmessu á skírdag.
Morgunblaðið/Friðrik J. Hjartar
FULLTRÚAR Lionsklúbbanna í Ólafsvík, þau Emanúel Ragnarsson,
Guðrún Magnúsdóttir og Jensey Skúladóttir, afhenda formanni sókn-
arnefndar, Stefáni Jóhanni Sigurðssyni, gjafabréf.
Morgunblaðið/Egill Egilsson
Snjóþungt á Flateyri
Flateyri - Henni Þorbjörgu Sig-
þórsdóttur, starfsmanni heilsu-
gæslustöðvarinnar á Flateyri, leist
ekkert á blikuna þegar hún leit út
og sá slútandi skaflinn yfir inngang-
inum. Tíðin síðustu daga og vikur
hefur hlaðið upp ómældum sköflum
á húsþökum og í nærliggjandi göt-
um. Það er von manna að tíð þessari
fari að ljúka.
Hagyrðingamót í nýjum
samkomusal á Djúpavogi
Djúpavogi - Vísnavinafélagið stend-
ur á morgun fyrir hagyrðingamóti
hér á Djúpavogi í samvinnu við
Hótel Framtíð. Er þetta mikill við-
burður fyrir Djúpavogsbúa og ná-
granna, ekki einungis af því tilefni
að vænst er góðra gesta, heldur
einnig af þeim sökum að loks er
kominn samkomusalur á Djúpavogi.
Hótel Framtíð hefur staðið í
miklum byggingaframkvæmdum
undanfarið. Áuk þess að byggja 250
fm samkomusal, sem mun fullnægja
þörfinni fyrir almennt skemmtana-
hald og ráðstefnur, mun gistirými
einnig aukast og mun hótelið nú
hafa yfir 41 herbergi að ráða.
Vísnavinafélagið verður með hag-
yrðingamótið í nýja salnum. I allan
vetur og reyndar íyrravetur hefur
Vísnavinafélagið staðið fyrir mánað-
arlegum uppákomum og fengið til
sín ýmsa góða gesti, en nú er
stærsti viðburður sem félagið hefur
lagt í framundan og verður margt
gesta.
Flosi Ólafsson mun taka að sér
hlutverk stjórnanda hópsins. Einnig
verða hagyrðingarnir Erla Guðjóns-
dóttir frá Seyðisfirði, Jón Kristjáns-
son alþingismaður, Guðbjartur Öss-
urarson frá Höfn, Andrés Björns-
son frá Borgarfirði eystri og síðast
en ekki síst formaður Vísnavinafé-
lagsins, Hrönn Jónsdóttir frá
Djúpavogi. Mun Hótel Framtíð
bjóða gestum tilboð í mat og gist-
ingu. Að móti loknu verður dansað í
nýja samkomusalnum. Er það von
vísnavinanna að sem flestir sjái sér
fært að mæta, en þar sem búast má
við að mótið verði í djarfara lagi
verður hvorki útvarpað né sjón-
varpað frá því.
Hrönn Jónsdóttir hagyi’ðingur
orti þetta í tilefni af hagyrðingamót-
inu.
I aprilbyrjun okkar til
ættir þú að skreppa.
Því við ætlum um það bil
öllu lausu að sleppa.
Heyja munu hildardans
og hömlur allar losa.
Urvals kjaftar Austurlands
svo ei sé minnst á Flosa.
JM ehf. tekur við rekstri tveggja búða Elós
Bónusverslun opn-
uð á Isafírði í maí
ísafirði - Fyrirtækið Eló, sem
rekið hefur þrjár verslanir á Isa-
firði og í Hnífsdal, hefur hætt
rekstri þeirra. Versluninni í
Verslunarmiðstöðinni Ljóninu á
Skeiði hefur verið lokað en nýtt
fyrirtæki, JM ehf., hefur keypt
rekstur Björnsbúðar við Silfur-
götu og verslunarinnar í Hnífs-
dal og jafnframt keypt allan lag-
er Eló-búðanna.
Eigendur JM ehf. eru þeir Jó-
hann og Maron Pétursson. Þeir
ætla að reka áfram bæði Björns;
búð og verslunina í Hnífsdal. í
húsnæði því sem Eló hefur haft
til umráða í Ljóninu mun versl-
unin Bónus verða opnuð um
miðjan maí en samningar þess
efnis voru undirritaðir íyrir
stuttu. I samtali við blaðið kvað
Maron þá félaga ekki kvíða til-
komu Bónusverslunar á Isafirði í
næsta mánuði.
„Við erum ekkert smeykir við
Bónus eða Samkaup, svo lengi
sem við erum samkeppnisfærir í
verði og öðru. Við munum bjóða
lengri afgreiðslutíma og leggja
okkur fram um betri þjónustu við
okkar heimafólk. Við verðum
væntanlega einu heimamennirnir
eftir með matvöruverslun á ísa-
firði,“ sagði Maron Pétursson.