Morgunblaðið - 09.04.1999, Blaðsíða 23

MORGUNBLAÐIÐ
FÖSTUDAGUR 9. APRÍL 1999 23
ERLENT
Viðræður hafnar um myndun nýrrar rfkisstjórnar í Finnlandi
Lipponen vill
sömu stjórn
Helsinki. Morgunblaðið.
PAAVO Lipponen, forsætisráð-
herra Finnlands og leiðtogi jafnað-
armanna, fékk í gær umboð til að
mynda nýja ríkisstjórn með aðild
sömu flokka og voru í síðustu
stjórn. Þetta þýðir að Miðflokknum
tókst ekki að tryggja sér aðild að
næstu stjórn þrátt fyrir sigur hans
í síðustu kosningum.
Esko Aho, leiðtogi Miðflokksins,
lýsti því yfír í gær að könnunarvið-
ræður Lipponens, sem höfðu staðið
í viku, hefðu verið tímasóun því
stjórnarflokkarnir hefðu alltaf ver-
ið staðráðnir í að halda stjórnar-
samstarfinu áfram.
Aho og Bjarne Kallis, formaður
Kristilega flokksins, sögðust líta
svo á að niðurstöður kosninganna
hefðu ekki verið virtai’ með því að
veita Lipponen umboð til stjórnar-
myndunar. Kristilegi flokkurinn
vann hlutfallslega mestan sigur í
kosningunum þótt hann sé enn
mjög lítill. Miðflokkurinn vann
einnig á í kosningunum.
Lipponen sagði að auk Hægri-
flokksins væri stefnt að samstarfi
við þrjá minni flokka, Vinstra-
bandalagið, Sænska þjóðarflokkinn
og Græningja, en þeir voru í síð-
ustu stjórn. Jafnaðarmenn töpuðu
miklu fylgi í kosningunum 21. mars
en héldu þó stöðu sinni sem stærsti
flokkurinn. Hafa þeir nú 51 þing-
mann, Miðflokkurinn 48 og Hægri-
flokkurinn 46.
Samstarf þeirra Lipponens og
Sauli Niinistö, leiðtoga Hægri-
flokksins og fjármálaráðhen-a í síð-
ustu stjórn, þótti vera gott en Ni-
inistö er samt eini flokksformaður-
inn, sem hefur gagnrýnt Lipponen
og jafnaðarmenn eftir kosningarn-
ar. Segir hann þá hafa sveigt til
vinstri vegna kosningaósigursins
og hyggist láta meira eftir verka-
lýðsfélögunum en hægrimenn telji
ráðlegt.
Þrátt fyrir það hallast flestir að
því, að þeir muni ná saman um nýja
stjórn. Fráfarandi stjórn þeirra gat
sér fyrst og fremst orð fyrir að vera
hlynnt atvinnulíflnu og fyrir aðhald
í opinberum rekstri.
iiADVlFÍUR
Burt með raka og lykt!
Útsogsviftur í úrvali.
Vandaðar, hljóðlótar,
auðveld uppsetning.
Verð frá aðeins kr. 3.290.
við Fetlsmúfa, sími S88 7332.
Opið 9-18, laugardaga 10-14.
Palestína
Sjálfstæðis-
yfírlýsingu
hugsanlega
slegið á frest
Tókýd. Reuters.
YÁSSER Arafat, leiðtogi Palest-
ínumanna, gaf í skyn í opinberri
heimsókn sinni tfl Japans í gær að
til greina kæmi að fresta sjálf-
stæðisyfirlýsingu Palestínumanna.
Haft var eftir japönskum stjórn-
arerindreka í gær að Arafat hefði
sagt Keizo Obuchi, forsætisráð-
herra Japans, að yfirvöld í Banda-
ríkjunum, Rússlandi og aðildarríki
Evrópusambandsins (ESB) hefðu
lýst yfir stuðningi við sjálfstæði
Palestínu.
Arafat sagði þau hins vegar hafa
hvatt til þess að Palestína lýsti
ekki yfir sjálfstæði fyrr en eftir
kosningarnar í Israel 17. maí
næstkomandi.
Obuchi sagði, í samtali við Ara-
fat, japönsku ríkisstjórnina vera
sama sinnis og hinar þjóðirnar og
sagði ennfremur að Japan myndi
halda áfram stuðningi sínum við
palestínsk stjórnvöld í friðarferl-
inu í Mið-Austurlöndum.
Arafat sagðist ekki muna taka
ákvörðun um málið fyrr en palest-
ínska ráðið kæmi saman 27. apríl
en sagði „afstöðu Bandaríkjanna,
Rússlands, Evrópusambandsins
(ESB) og Japans vega þungt í
ákvarðanatöku palestínskra yfir-
valda.“
Japanskir stjórnarerindrekar
sögðu ummæli Ai-afats mega túlka
sem svo að hann muni ekki lýsa yf-
ir sjálfstæði palestínsks ríkis 4.
maí næstkomandi, en þá rennur út
samningur sem stjóm Palestínu
gerði við Israelsstjórn um bráða-
birgða sjálfstjórn landsins.
Ekki er hægt að segja fyrir um
ákvörðun Arafats, en hann hefur
sjálfur ítrekað rétt Palestínu til að
lýsa yfir sjálfstæði í maí.
------+++-------
Mahathir á
sjúkrahúsi
Kuala Lumpur. Reuters.
MAHATHIR Mohamad, forsætis-
ráðherra Malasíu, hefur legið á
sjúkrahúsi vegna lungnakvefs í
sex daga. Hann kom fram í sjón-
varpi í gær í því skyni að reyna að
slá á pólitískan óstöðugleika í
landinu sem sjúkrahússlega hans
hefur orsakað. ■ Sagðist hann hafa
náð sér að mestu og hann vonaðist
til að geta mætt aftur til vinnu
fljótlega.
Mahathir, sem nú er 73 ára, var
lagður inn á sjúkrahús sl. föstu-
dag. Talsmenn stjórnvalda segja
að hann sé á batavegi, en skyndi-
legt brotthvarf hans af opinberum
vettvangi hefur m.a. valdið titringi
á fjármálamörkuðum Malasíu.
imu tast amerisKu bbKiA rumin
á amerísku
í Hagkaupi.
Queen 153x203
King 193x203
Miilistíf
59.900 kr.
79.900 kr.
Mjúk
65.900 kr.
89.900 kr.
Rúmin eru seld á grind en án gafla.
Skeifan • Smáratorg • Akureyri • Kringlan 2. hæð
HAGKAUP
Meira úrval - betri kaup