Morgunblaðið - 17.12.1999, Blaðsíða 16

16 FÖSTUDAGUR 17. DESEMBER 1999
MORGUNBLAÐIÐ
LANDIÐ
Morgunblaðið/Sigui'ður Aðalsteinsson
Gísli Ingvarsson frá Dölum vinnur við að sótthreinsa fjárhús þar
sem riða hefur verið staðfest á vegum sauðfjárveikivarna. Sótt-
hreinsunin er mikið nákvæmnisverk og verður að úða með há-
þrýstidælu út í hvern krók og kima fjárhúsanna eftir að allt hefur
verið rifið innan úr þeim. Það sem ekki er hægt að sótthreinsa er
brennt en það sem hægt er að sótthreinsa er úðað með klór og joði
auk þess sem farið er með mauraeitur umhverfis öll pcningshús.
Sótthreinsun
vegna riðu-
niðurskurðar
Vaðbrekka, Jökuldal - Sótt-
hreinsun vegna riðuniðurskurðar
á Brú á Jökuldal er nú að mestu
lokið, aðeins er eftir að eitra fyr-
ir maur. Það verður gert þegar
snjóa hefur leyst á vori komandi.
Nú hefur vei-ið fjárlaust á Brú í
tvö ár vegna riðusmits sem þar
kom upp vorið 1997 og var fjár-
stofninn á Brú skorinn niður í
apríl það ár á öðru búinu þar en
á hinu búinu um haustið.
Þetta var í annað skiptið sem
riðusmit kom upp á Brú en riðu-
veiki staðfestist þar árið 1978 og
var þá allur fjárstofn þar skorinn
niður á báðum búunum. I þetta
skiptið verður fjárlaust á Brú í
þrjú ár, en með niðurskurðar-
samningi við bændurna á Brú
var samið um að það yrði að
minnsta kosti fjárlaust í tvö ár
en bændurnir á Brú framlengdu
fjárleysið um eitt ár eins og
heimild er fyrir í samningnum.
Að sögn Önnu Halldórsdóttur,
bónda á Brú, reiknar hún með að
taka aftur fé næsta haust, það
þýði ekki að guggna þótt á bratt-
ann sé að sækja og Brú á Jök-
uldal er ein besta jörð á landinu
til sauðfjárbúskapar og jafn-
framt stærsta jörð á landinu í
einkaeign.
• •
Verslunin Hjá Ollu flytur
Hvolsvelli - Verslunin Hjá Öllu á
Hvolsvelli hefur nú flutt starfsemi
sína frá Hvolsvegi í húsnæði við
Austurveg, þar sem áður voru skrif-
stofur Kaupfélags Rangæinga, en
verslun KÁ er á neðri hæðinni.
Verslunin er í eigu Aðalheiðar Sæ-
mundsdóttur og hefur hún starfrækt
hana í nokkur ár. í nýja húsnæðinu,
sem er meira en helmingi stærra en
hið gamla, verður vöruúrvalið aukið
mjög að sögn Aðalheiðar, sérstak-
lega í leikföngum og gjafavörum.
Verslunin selur einnig föndurvörur,
garn og efni og áhöld til bútasaums,
fataefni og fleira.
Þá stendur Aðalheiður einnig fyrir
námskeiðum og föndurkvöldum í
búðinni. Einnig er hægt að panta
föndurkvöld fyrir hópa.
Aðalheiður sagði að mótttökurnar
á nýja staðnum væru framar björt-
ustu vonum. Nú væri margfalt meira
að gera enda væri verslunin nú kom-
in í nágrenni við aðrar verslanir og
þjónustu.
Jólakvíga með slaufu
Morgunblaðið/AUi Vigfússon
Laxamýri - Jólaskreytingar taka á
sig margar myndir og börnin
kunna vel að meta undirbúning há-
tíðanna úti sem inni.
Jólaljós eru víða á útihúsum í
sveitum landsins og sumir vilja
breyta til frá hversdagsleikanum
með búsmalann sjálfan.
Á myndinni er Atli Björn Atlason
með jólakvíguna sína sem nefnd
hefur verið Lúsía. Hún fékk slaufu
um hálsinn meðan hún drakk
mjólkina og fékk svo að hlaupa um
alla ganga á eftir. Það voru mikil
tilþrif og mikið var hlegið.
Morgunblaðið/Hallgrímur Magnússon
Á húsi einu í Grundarfirði má sjá jólaveina hangandi utan á gaflinum.
Jólaskraut í
Grundar-
fírði
Grundarfirði - Jólaskreytingalist Is-
lendinga er að breytast þessi árin.
Skreytingarnar verða meiri og meirí
og eru settar upp fyrr en áður var.
Óformleg samkeppni myndast milli
húsa eða jafnvel gatna.
Ibúarnir sýna ótrúlegan fram-
kvæmdavilja og mikla hugkvæmni í
verkum sínum. Jólasveinar, jóla-
klukkur, jólastjörnur eða jólaseríur
prýða flest húsin hér í Grundarfirði
og aumt er það hús sem ekki hefur
eina eða tvær seríur í garðinum eða
a. m. k. eftir þakskegginu. Inn um
framrúður bílanna sem framhjá aka
glyttir gjarna í nokkur mislit jólaljós
og sveitarfélagið hefur ekki látið sitt
eftir liggja heldur hafa starfsmenn
þess undið ljósaraðir upp eftir öllum
ljósastaurum staðaríns. Sumir hafa
lagt út í talsverða handavinnu. Dæmi
um það má sjá á húsi einu þar sem
sagaðir hafa verið út nokkrir jóla-
sveinar og hanga þeir á mismunandi
hátt í ljósaröð á gafli hússins.
Ekki eru þó allir sem sækja hug-
myndir sínar til jólanna, heldur
halda fast við sitt daglega brauð. Til
marks um það er skreyting eins út-
gerðarfyrirtækisins í Grundaríii’ði
þar sem búinn er til risastór bátur úr
ljósaröð og staðsettur þar sem flestir
sjá til.
Allar þessar skreytingar lífga
mjög upp á bæinn og það verður
mikill sjónarsviptir þegar þær verða
teknar niður á þrettándanum.
Morgunblaðið/Sigurður Aðalsteinsson
Jóhann Hansson háfaði svartfugl af mikilli lcikni.
Svartfuglaskytterí
Vaðbrekku, Jökuldal - Veiðitímabil
svartfugls stendur nú yfir en það
vill hverfa í skuggann fyrir rjúpna-
veiðitímanum sem nú stendur yfir.
Svartfuglaskytterí er af nokkuð
öðrum toga en ákaflega skemmti-
legt engu síður. Það er alltaf sama
ævintýrið að skreppa til veiða. I
þcssa veiðiferð fóru saman frá
Seyðisfirði Brynjar Júlíusson, Jó-
hann Hansson og Sveinn Jónsson
og skutu sér svarífugl í matinn.
Norður-Hérað
Guðjón Sverrisson og Rafn Óttarr Gíslason vinna við að ganga frá dren-
lögn fyrir sitru frá rotþró.
Rotþrær settar upp
Vaðbrekku, Jökuldal - Skipulega
hefur verið unnið að því að setja upp
rotþrær á Norður-Héraði á þessu
ári. Má segja að það verkefni sé
hálfnað, að sögn Guðjóns Sverrisson-
ar verktaka sem sér um uppsetningu
þeiiTa.
Þetta verkefni byrjaði úti í Tungu
fyrir þremur árum og var reyndar
byrjað þar fyrir sameiningu sveitar-
félaganna þriggja á Norður-Héraði.
í sumar hefur verið unnið við þetta
verkefni á Jökuldal.
Nú þegar allir hlutir eru að færast
til vistvænna horfs var ákveðið að
fara í þetta verkefni á vegum sveitar-
félagsins og koma frárennslismálum
í viðunandi horf í eitt skipti fyrir öll
og loka öllum skólplögnum. Öll sitra
frá rotþrónum er nú drenuð út í jarð-
veg og opin frárennsli heyra því
brátt sögunni til. Nokkuð er orðið
um að bændur í sveitarfélaginu hafi
sótt um vistvæna vottun á fram-
leiðslu sína, en það er algert skilyrði
að frárennslismál séu í viðunandi
horfi svo vistvæn vottun fáist. Einnig
þurfa frárennslismál að vera í lagi
þegar sótt er um leyfi fyrir ferða-
þjónustu.