Morgunblaðið - 17.12.1999, Blaðsíða 26

26 FÖSTUDAGUR 17. DESEMBER 1999
MORGUNBLAÐIÐ
ÚRVERINU
Heildarafli íslenskra skipa
í nóvember, 1996 til 1999
------------- Úr íslenskri
------------- iögsögu
Loðnuafli
Þús. tonn
140
127.562
1996 1997 1998 1999
Heildarafli íslenskra skipa
í jan.- nóv., 1996 til 1999
2.500 þús. tonn---------
2.082.477
2.000
Úr íslenskri
lögsögu
3®
Kolmunni
Skel-og
krabbadýr
Loðnuafli
1996 1997 1998 1999
Lítill fískafli í nóvember
FISKAFLINN í nóvembermánuði
síðastliðnum var aðeins um 85.000
tonn og hafa aflabrögð í nóvember
ekki verið svo rýr mörg síðastliðin ár.
Þrjú síðustu ár hefur aflinn í nóv-
ember verið á milli 120.000 og
130.000 tonn. Fiskaflinn frá áramót-
um til loka nóvember er svipaður og í
fyrra, en mun minni en í fyrra og
hitteðfyrra.
Þrátt fyrir minni þorskgengd nú
en í fyrra, er þorskafli litlu meiri en
þá og raunar hefur þorskafli ekki
verið meiri í umræddum mánuði síð-
ustu fjögur árin. Hann var nú ríflega
24.300 tonn, en 1997 var hann aðeins
17.240 tonn.
Minni botnfískafli
Botnfiskafli í heildina dróst lítil-
lega saman og varð nú tæplega
38.200 tonn, þúsund tonnum minni
en í fyrra. Árið 1997 varð botnfisk-
aflinn 47.000 tonn. Afli af ýsu, ufsa og
karfa varð minni nú en í fyrra og mun
minni en 1996.
Það er loðnan að vanda sem ræður
mestu um aflamagnið. í nýliðnum nó-
vembermánuði veiddust aðeins 703
tonn, sem svarar til fullfermis hjá
minnstu loðnuskipunum, en slatta
hjá þeim stærstu. í fyrra veiddust
tæplega 55.000 tonn af loðnu í nóv-
ember og 66.000 tonn í hitteðfyrra.
Síldveiðar hafa á hinn bóginn gengið
betur nú. Nærri 35.000 tonn bárust á
land í mánuðinum, sem er langleiðina
í tvöfalt meira en í fyrra. 1997 veidd-
ust aðeins 13.000 tonn af síld. Kol-
munnaafli nú varð 6.500 tonn, sem er
tvöfalt meira en í fyrra, en skel- og
rækjuafli varð aðeins 4.700 tonn, sem
er mun minna en undanfarin ár.
Heildaraflinn 1,4 milljónir
tonna
Heildaraflinn fyrstu ellefu mánuði
ársins varð 1,4 milljónir tonna. Það
er örlítið meira en í fyrra en mun
minna en árin 1996 og 1997. Þá varð
aflinn umrætt tímabil 1,8 milljónir og
2,1 milljón tonna.
Þorskaflinn hefur farið vaxandi
þessi ár, var 163.600 tonn 1996 og er
nú kominn í 237.100 tonn. Afli af ýsu,
ufsa og þorski þetta tímabil í ár er
mjög svipaður og hann var í fyrra, en
mun minni en fyrir fjórum árum.
Síldarafli úr íslenzku lögsögunni er
nú 75.000 tonn, sem er töluvert meira
en í fyrra. Loðnuaflinn er nú orðinn
700.000 tonn, sem er nokkru minna
en í fyrra. Tvö árin þar á undan var
loðnuaflinn á þessu tímabili í kring-
um 1,2 milljónir tonna. Nú bárust
105.500 tonn af kolmunna á land,
63.500 í fyrra en ekkert tvö árin þar á
undan. Loks er um gífurlegan sam-
drátt í veiðum á skel og rækju að
ræða. þessi afli nú er aðeins 42.000
tonn, hann var 71.500 tonn í fyrra og
85.500 tonn 1997.
Siglingaráð vill
nýjar reglur fyr-
ir farþegaskip
Hverfa ekki frá kröfu um losunar- og
sjósetningarbúnað
SIGLINGARAÐ hefur samþykkt að
ekki verði horfið frá kröfu um losun-
ar- og sjósetningarbúnað gúmmí-
björgunarbáta um borð í farþega-
skipum. Jafnframt hefur siglingaráð
beint því til Siglingastofnunar að
hún móti reglur þar að lútandi.
Um þessar mundir er unnið að
endurskoðun reglna um björgunar-
og öryggisbúnað íslenskra skipa. Til
að ræða efni þeirra reglna, nánar til-
tekið ákvæði er lúta að losunar- og
sjósetningarbúnaði gúmmíbjörgun-
arbáta, kom siglingaráð saman í gær
og samþykkti eftirfarandi ályktun:
Nýjar reglur fyrir fyrsta mars
„Siglingaráð samþykkir að á
þessu stigi verði ekki horfið frá kröfu
um losunar- og sjósetningarbúnað
gúmmíbjörgunarbáta í farþegaskip-
um. Jafnframt leggur siglingaráð til
að Siglingastofnun íslands verði fal-
ið að gera tillögur að reglum fyrir 1.
mars 2000 um nánari útfærslu á sjó-
setningu björgunarfara farþega-
skipa með það að markmiði að far-
þegum sé komið frá borði með
tryggum hætti í björgunarför á sem
skemmstum tíma.
Tillögurnar verði unnar í samráði
við siglingaráð. Fram til þess tíma
verði þeim farþegaskipum sem hafa
gilt haffærisskírteini heimilt að hafa
þann búnað sem er um borð 1. janúar
2000 og viðurkenndur var skv. eldri
reglum um losunar- og sjósetningar-
búnað.“
Hentar illa fyrir farþegaskip
„I gildandi reglum eru kröfur um
losunar- og sjósetningarbúnað
gúmmíbjörgunarbáta íslenskra
skipa. Sá losunar- og sjósetningar-
búnaður gúmmíbjörgunarbáta sem
krafist er fyrir fiskiskip hérlendis
hentar í flestum tilvikum illa fyrir
farþegaskip sem flytja marga far-
þega. Fai’þegaskipin eru almennt
búin stærri gúmmíbjörgunarbátum
en fiskiskip. Sá losunar- og sjósetn-
ingarbúnaður sem er á markaðnum í
dag er ekki gerður fyrir stærstu
gerðir björgunarbáta sem eru notað-
ir á farþegaskipum. Þess má einnig
geta að vegna mikillar borðhæðar
sumra farþegaskipanna, eins og t.d.
Herjólfs, er gert ráð fyrir að skip-
brotsmenn fari um borð í gúmmí-
björgunarbátinn frá bátaþilfari
skipsins og að bátnum með skip-
brotsmönnum sé slakað niður í sjó
með sérstökum búnaði. Ef losunar-
og sjósetningarbúnaður sem krafist
er fyrir fiskiskip er notaður yrði slíkt
ekki hægt. Af þessum sökum taldi
siglingaráð nauðsynlegt að gerð yrði
sjálfstæð úttekt á sjósetningu björg-
unarfara farþegaskipa," segir í frétt
frá siglingaráði.
Sama lága verðið og á Spáni, Portúgal og Englandi
Rúllukragapeysa: 3.900
Leðurpils: 3.900
Jakki: 9.900
alla daga: 10-22.00
Þorláksmessu: 10-23.30
aðfángadag: 10-14.00