Morgunblaðið - 04.06.2000, Blaðsíða 25
MORGUNBLAÐIÐ
SUNNUDAGUR 4. JÚNÍ 2000 25
Vatnsveita Reykjavíkur reisti vatnslistaverkið Fyssu eftir Rúrí í Grasagarðinum árið 1995.
Eins og í öðrum söfnum gegnir
skráningin lykilhlutverki. „Grasa-
fræðingurinn Dóra Jakobsdóttir er
í raun safnstjóri og hefur yfirum-
sjón með allri skráningu. Hver ein-
asta planta er rækilega ski-áð. Við
geymum upplýsingar um fræið,
hvenær því er sáð, komið í uppeldi,
fært yfir í vermireit og síðan út í
garðinn. Vinnan felst oft í því að
hlaupa á milli plantnanna og tölv-
unnar til að huga að því hvert verði
næsta skrefið í ræktuninni enda
eru plönturnar æði mismunandi,"
segir Eva og tekur fram að ásamt
Dóru starfi 4 garðyrkjufræðingar
frá Garðyrkjuskóla ríkisins í Gra-
sagarðinum. „Hlutverk garðyrkju-
fræðinganna er að sjá um uppeldi
plantnanna, staðsetningu og um-
hirðu plantna auk þess að verk-
stýra 14 sumarstarfsmönnum."
Tveir heimar í einuni
f Grasagarðinn sækir fólk kyrrð
og fegurð. „Við höfum viljað varð-
veita friðinn, t.d. fá starfsmenn
ekki að hafa kveikt á útvarpi við
vinnu sína. Einu hljóðin eru fagur
fuglasöngur því að niðurinn frá
umferðinni nær tæpast hingað nið-
ur í dalinn. Almenningur kann vel
að meta kyrrðina og alveg sérstak-
lega eldri borgarar. Einn hópur
hittist daglega í garðskálanum í
tengslum við heilsubótargöngu.
Garðskálinn er fyrir hópnum eins
og heiti potturinn í sundlaugunum
fyrir öðrum. Hingað kemur skóla-
fólk frá leikskólum og upp úr til að
skoða garðinn undir leiðsögn kenn-
ara eða starfsmanna. Erlendir
ferðamenn eru áhugasamir um
garðinn og sérstaklega Flóru ís-
lands. Sumir hafa skoðað viðlíka
garða í öðrum lönd.um og eru sér-
staklega hrifnir af því hvað merk-
ingar í garðinum eru góðar,“ segir
Eva og tekur fram að ekki megi
gleyma fagmönnum og áhuga-
mönnum um garðrækt.
Áhugasamir komi í garðinn til að
spá og spekúlera. „Grasagarðurinn
er safn og hluti af menningu þjóð-
arinnar. Enska orðið culture þýðir
bæði menning og ræktun og sam-
einar því með skemmtilegum hætti
heimana tvo. Með ræktun verður
óumdeilanlega til menning.“
Óþrjótandi möguleikar
„Starfið er ákaflega skemmti-
legt,“ segir Eva og tekur fram að
möguleikarnir séu óþrjótandi. „Ég
er sífellt að velta því fyrir mér
hvernig hægt væri að gera betur í
garðinum. Uppbygging nytjajurta-
garðsins er ákaflega spennandi og
fellur vel að mínum áherslum.
Draumaverkefnið er að stuðla að
því að Flóra Islands endurspegli
betur gróðurfar í landinu, t.d. með
því að bæta við safndeildina mos-
um og fléttum. Annað verkefni fel-
ur í sér að vinna að áframhaldandi
uppbyggingu trjásafnsins og vel
gæti komið til greina að koma fleiri
listaverkum fyrir í garðinum. Núna
eru listaverkin aðeins tvö, Sköpun
eftir Helga Gíslason á lítilli grasflöt
norðan við gamla bæinn Lauga-
tungu og Fyssa eftir Rúrí við aðal-
innganginn.“
Tijásafnið og steinhæðin mynda fagra umgjörð um útivistarsvæði við aðalinnganginn.
Kúlulykill er úr Himalajafjöllum.
Fjallasóley er upprunnin í Alpafjöllum.
Rauðfeldur er falleg Qallaplanta
frá Austur-Bandaríkjunum.
Eva hefur áhuga á að efla
fræðsluhlutverk Grasagarðsins.
Einn liður í því verður að velja
plöntur vikunnar. „Við veljum
þrjár áhugaverðar plöntur í viku
hverri og kynnum þær með mynd-
um og stuttum texta í sýningar-
kassa við aðalinngang Grasaga-
rðsins," segir hún og bætir því við
að plöntur vikunnar þessa vikuna
séu skógalyngrós, garðskriðnablóm
og kúlulykill. I samvinnu við Garð-
yrkjufélag íslands verður boðið
upp á þrjár göngur um garðinn
með leiðsögn í sumar og haust. Um
er að ræða tvær kvöldgöngur og
eina haustgöngu og verður tíma-
setningin auglýst síðar.
Af öðrum uppákomum í garðin-
um er hægt að nefna að Hörputón-
leikar Moniku Abendroth verða í
garðskálanum 15. júní. „Þessu til
viðbótar hef ég áhuga á að efla út-
gáfustarfsemi og vekja frekari at-
hygli á garðinum, t.d. með sam-
starfi við Fjölskyldu- og
húsdýragarðinn," segir Eva og
ljóst er að af nægu er að taka í
framtíðaruppbyggingu garðsins.
Höfuðborgarbúar og aðrir gestir
garðsins eiga eflaust eftir að taka
því fagnandi ef tekið er mið af vax-
andi áhuga á garðrækt hér á landi.
Talaðu út með Telson
Þeir sem skrá sig í Frímínútur - ódýr
miililandasímtöl Íslandssíma - eiga nú kost
á þráðlausu gæðasímtæki á tilboði.
Telson símtæki
Verð: 3.980
Þyngd símtóls: 150 gr.
Litur: Svartur
Búnaður:
• Endurval á síðasta símanúmeri
• 10 númera skammvalsminni
• Langdrægni innanhúss < 300 m
• Langdrægni utanhúss < 600 m
• R-hnappur f. stafræna þjónustu
• Ending rafhl. í biðstöðu 30 klst.
• Ending rafhl. í notkun > 4 klst.
• Hægt að nota fleiri símtól
• Islenskur leiðarvísir
. Kallkerfi milli tækis og móðurstöðvar
Skráðu þig í Frímínútur í síma 594 4001 eða á friminutur. is og
fáðu símann sendan heim með íslandspósti - engin útborgun,
burðargjald innifalið. Tilboðið gildir til 15. maí.
Þeir sem þegar eru skráðir í Frímínútur geta pantað eða fengið nánari upplýsingar
í síma 594 4001.
Fáðu pakkann heim
að dyrum...
meðPóstinum
Frímínútur
■ þegar hringt er út!