Morgunblaðið - 06.06.2000, Síða 28

28 ÞRIÐjUbAGÚIÍ 6. jÍJNÍ 2000
URVERINU
MÖÉGUNBLAÐIÐ
Morgunblaðið/Porkell
Fyrir hönd Sjómannasamtakanna sæmdi Guðmundm’ Hallvarðsson, formaður Sjómannadagsráðs Reykjavíkur,
fimm sjómenn heiðursmerki sjómannadagsins. Þeir eru frá vinstri Gunnar Jónsson, Guðberg Halldórsson, Guð-
laugur Gfslason, Jón Sæmundsson og Þorsteinn Pétursson.
Fimm sjómenn
heiðraðir
SJÓMANNASAMTÖKIN heiðruðu
fímm sjómenn á sunnudaginn, Guð-
laug Gíslason, Gunnar Jónsson, Guð-
berg Halldórsson, Þorstein Péturs-
son og Jón Sæmundsson, og fengu
þeir allir heiðursmerki sjómanna-
dagsins auk þess sem þeim voru
þökkuð löng og farsæl störf í þágu
sjómannastéttarinnar.
Guðlaugur Gíslason stýrimaður er
fæddur á Steinstúni í Ámeshreppi á
Ströndum 25. maí 1929. Hann hóf
ungur sjósókn með föður sínum, en
sjómennsku 1948 á Rifsnesi RE, sem
stundaði síldveiðar, og síðan á ýms-
um fískiskipum og togurum. 1953
var hann háseti á m.s. Skjaldbreið,
skipi Skipaútgerðar ríkisins, og síð-
an háseti á m.s. Drangajökli, skipi
Jöklahf.
Guðlaugur lauk farmannaprófi frá
Sýrimannaskólanum í Reykjavík
1958 og starfaði frá þeim tíma sem
stýrimaður á strandferðaskipum rík-
isins til 1966 að hann lét af stöfum
vegna veikinda. 1968 tók Guðlaugur
við starfi framkvæmdastjóra Stýri-
mannafélags Islands og gegndi
þeirri stöðu áfram við sameiningu
Stýrimannafélags Islands og Skip-
stjórafélags íslands í maí 1997. Guð-
laugur lét af störfum fyrir aldurssak-
ir í september á sl. ári eftir 31 árs
farsælt starf fyrir skipstjórnarmenn
á kaupskipum og varðskipum ríkis-
ins. Hann gekk í Stýrimannafélag ís-
lands 1958, var í stjóm félagsins
1968 til 1980 og formaður þess í 4 ár.
Guðlaugur starfaði ötullega að
málefnum sjómanna, hann var í
bygginganefnd Borgartúns 18 frá
1970 þar sem samtök allra sjómanna
hafa sitt aðsetur. I skólanefnd Stýri-
mannaskólans í Reykjavík í 12 ár og í
fjölmörgum nefndum um réttinda-
mál sjómannastéttarinnar. Hann
hefur átt sæti í samninganefndum,
setið öll þing FFSÍ, tekið þátt í for-
mannaráðstefnum frá 1969, í stjórn
sambandsins 1981 til 1999 og á þessu
tímabili verið forseti á þingum
FFSÍ. Guðlaugur hefur átt sæti í sjó-
mannadagsráði síðan 1972 og er enn
fulltrúi síns félags þar.
Guðlaugur er kvæntur Kristjönu
Elísabetu Kristjánsdóttur og eiga
þau tvo syni.
Gunnar Jónsson skipstjóri er
fæddur í Bolungarvík 14. desember
1932. Hann hóf sjómennsku 1948, þá
15 ára gamall, á fiskibátum frá Bol-
ungarvík og síðar á togurum, m.a.
Hallveigu Fróðadóttur.
Gunnar lauk fiskimannaprófi frá
Stýrimannaskólanum í Reykjavík
1957 og var næstu 10 árin ýmist
stýrimaður eða skipstjóri á togurum,
þar af fimm ár stýrimaður og skip-
stjóri á togaranum Víkingi AK. Þá í
nokkur ár á bátum og í útgerð í 3 ár.
1973 hóf Gunnar störf hjá Haf-
rannsóknastofnun sem stýrimaður
og síðar skipstjóri en þeirri stöðu
gegndi hann á hafrannsóknaskipinu
Dröfn í 15 ár, eða þar til hann lét af
störfum vegna aldurs um sl. áramót,
eftir rúmlega 50 ára starf á sjó.
Gunnar hefur um áratugaskeið
verið félagsmaður í Skipstjóra- og
stýrimannafélaginu Öldunni.
Gunnar er kvæntur Gróu Guð-
jónsdóttur og eiga þau 3 böm.
Guðberg Halldórsson matsveinn
er fæddur í Reykjavík 19. febrúar
1940. Hann hóf sjómannsferil sinn
1954, þá 14 ára, á Eldborginni sem
þá var í ferðum milli Reykjavíkur,
Akraness og Borgamess.
Síðan var hann á Brúarfossi og
Gullfossi, skipum Eimskipafélags ís-
lands, í 12 ár á skipum Sambandsins,
matsveinn á m.s. Mælifelli 1972 er
hann hóf störf á nýjum skuttogara,
Ögra RE í eigu Ögurvíkur hf.
Hjá þeirri útgerð hefur hann
starfað síðan og er nú matsveinn á
frystitogaranum Frera RE. Sjó-
mannsferillinn er því 46 ár. Guðberg
hefur verið félagi í Matsveinafélagi
íslands frá 1972 í stjóm félagsins
1973 og formaður þess frá 1996.
Hann hefur gegnt fjölmörgum
trúnaðarstörfum fyrir félagið, setið
fjölmörg þing SSI og er nú fulltrúi
Matsveinafélags íslands í sjómanna-
dagsráði.
Guðberg var kvæntur og á tvö
börn.
Þorsteinn Pétursson vélstjóri er
fæddur á Hellissandi 15. febrúar
1925. A fjórtánda ári fór Þorsteinn
að róa á trillu á vetrarvertíð á Hellis-
sandi. 1944 hóf hann nám í renni-
smíði jafnframt námi við Iðnskólann
í Reykjavík, sem hann lauk 1947 og
sveinsprófi í þeirri iðn 1948.
Þorsteinn lauk vélstjóraprófi 1952
og prófi frá rafmagnsdeild Vélskól-
ans 1953.
Á árunum 1948 til 1953 starfaði
Þorsteinn sem dagmaður í vél og að-
stoðarvélstjóri á skipum Eimskips
og sem vélstjóri 1953 til 1963. í fjög-
ur ár starfaði hann sem vélstjóri á
fiskiskipum Ingvars Vilhjálmssonar
útgerðarmanns í Reykjavík. 1967 hóf
Þorsteinn aftur störf hjá Eimskip.
Þorsteinn var vélstjóri á m.s.
Tungufossi þegar skipið sökk í fár-
viðri við Landsend 19. september
1981 en allri áhöfninni var bjargað.
Þorsteinn hætti störfum eftir i'úm
40 ár á sjó og hafði þá siglt á 21 fossi
Eimskips. Hann var skipaður í rann-
sóknarnefnd sjóslysa 1997.
Þorsteinn er kvæntur Unni Guð-
mundsdóttur og eignuðust þau 4
böm.
Jón Sæmundsson bryti er fæddur
á Siglufirði 3. júní 1923. Hann
hóf sjómennsku 1937, þá 14 ára, á
síldveiðum á m.b. Bjarka frá Akur-
eyri. Þá á ýmsum fiskibátum ýmist
sem háseti eða matsveinn. Síðar á
togurum Siglfirðinga, m.a. á b.v.
Hafliða. 1962 sneri Jón sér að far-
mennsku sem matsveinn á Arnar-
fellinu. 1965 hóf hann störf hjá
Eimskip á m.s. Lagarfossi síðar
bryti á m.s. Skógarfossi og síðast á
m.s. Dettifossi 1993, en hann lét af
störfum 70 ára eftir rúmlega 50 ára
sjómannsferil.
Jón er kvæntur Margréti Sigur-
pálsdóttur frá Svarfaðardal í Eyja-
firði og áttu þau 6 börn.
TölvuMyndir selja Wise-
Fish til Þýskalands
TÖLVUMYNDIR hf. skrifuðu ný-
lega undir samning um sölu á Wise-
Fish heildarupplýsingakerfi sjávar-
útvegs til Ocean Fish, sem er
útgerðarfyrirtæki í Þýskalandi. Þetta
er íyrsta sala á WiseFish til Þýska-
lands og þriðji nýi markaðurinn á
jafnmörgum mánuðum.
Að sögn Kára Þórs Guðjónssonar,
markaðsstjóra TölvuMynda hf., hefur
sala á WiseFish gengið mjög vel á síð-
ustu misserum. Alþjóðleg markaðs-
setning og uppbygging á erlendum
mörkuðum hófst íyrir aðeins einu og
hálfu ári og árangurinn er mun fyrr
að skila sér en áætlanir gerðu ráð fyr-
ir. „Fyrsta árið fór í það að kynna vör-
una á alþjóðavettvangi, en það var
ekki fyrr en við fórum að sækja sýn-
ingar annað árið í röð sem boltinn fór
almennilega að rúlla. Þegar fyrirtæk-
in sáu okkur í annað sinn, þá vissu
þau að okkur var alvara,“ segir Kári.
WiseFish hefur á einu ári verið selt
til Bandaríkjanna, Kanada, Færeyja,
Bretlands og Þýskalands og starf-
rækja TölvuMyndir nú starfsstöðvar
í Halifax í Kanada, Seattle í Banda-
ríkjunum og í Færeyjum, útflutni-
ngnum til stuðnings.
TölvuMyndir hf. eru eitt stærsta
hugbúnaðar- og þekkingarfyrirtæki
landsins með um 200 starfsmenn.
Tekið verði mið
af fiskifræði
sjómannsins

Morgunblaðið/Þorkell
Árni M. Mathiesen sjávarútvegsráðherra flytur
ræðu sína á sjómannadeginum í Reykjavík.
ÁRNI M. Mathie-
sen, sjávarútvegs-
ráðherra, sagði í
ávarpi sínu á sjó-
mannadag að móta
þyrfti að nýju ferl-
ið frá því að mat
vísindamanna í
sjávarrannsóknum
liggur fyrir þar til
reglugerðir eru
gefnar út um fisk-
veiðistjórnun á
grundvelli þess.
Hann sagðist engu
að síður staðráðinn
í að byggja áfram
á bestu vísindalegu
þekkingu hverju
sinni en minnist þó
á takmarkanir í því
samhcngi. „Við vit-
um í rauninni ákaf-
lega lftið um það
hvernig náttúran
bregst við. Komi
fram óvæntar upp-
lýsingar á vísinda-
sviðinu er afar
mikilvægt að missa
ekki flugið eða
trúna á að megin-
kúrsinn, sem við
höfum tekið, sé
réttur. Þá ber okk-
ur fyrst og fremst
skylda til að taka því og vera op-
in fyrir því að laga okkur að
nýrri þekkingu, breyta vinnu-
brögðum þar sem þess er þörf og
svo að styrkja rannsóknirnar sem
byggja þarf á.“
Aðhald nauðsynlegt
Árni sagði nauðsynlegt að veita
visindamönnum aðhald i sjávar-
rannsóknum þeirra. Vísindamenn
veiti hver öðrum aðhald með
skipulagðri gagnrýni og niður-
stöður íslenskra sjávarrannsókna
séu lagðar fyrir Alþjóðahafrann-
sóknaráðið. Einnig benti Árni á
að óháðir aðilar væru oft fengnir
til að fara í saumana á því sem
vcrið er að vinna. „Hér á landi
búum við við þá sérstöðu að lærð-
ir sem leikir hafa áhuga á sjávar-
útvegsmálum og rannsóknum sem
þeim tengjast. Þeir hika ekki við
að segja vísindamönnunum skoð-
anir sínar og lífieg skoðanaskipti
um hvaðeina er snertir sjávar-
útveg er daglegt brauð í fjöl-
miðlum.“
Árni sagði Hafrannsóknastofn-
unina fram til þessa hafa haft
mikið samráð við sjávarútveginn,
auk þess sem samráð stjórnvalda
og hagsmunaaðila í íslenskum
sjávarútvegi hafi verið mikið og
mikilvægt væri að svo yrði
áfram. Hann sagðist þannig hafa
áhuga á að freista þess að flétta
fiskifræði sjómannsins í auknum
mæli inn í vinnu Hafrannsókna-
stofnunar.
Mikil áhrif á sjómenn
„Sjómenn búa við það að
ákvarðanir stjórnvalda hafa meiri
áhrif á atvinnumöguleika þeirra
en flestra annarra stétta. Það
brennur fyrst á þeim þegar draga
þarf úr veiðum, jafnframt njóta
þeir þess fyrr en aðrir þegar bet-
ur gengur,“ sagði Árni.
Salan á 50% í Sealord á Nýja-Sjálandi
Hindra erlenda
fjárfesta
RÍKISSTJÓRN Nýja-Sjálands til-
kynnti í síðasta mánuði að hún
myndi hindra öll tilboð erlendra
fjárfesta í 50% hlut í Sealord útgerð-
arfélaginu á grunvelli þess að það
væri ekki þjóðhagslega hagkvæmt
og er það talsverð breyting frá fyrri
stéfnu nýsjálenskra stjórnvalda.
Sealord er stærsta útgerðarfélag
Nýja-Sjálands og hefur yfir að ráða
fjórðungi kvóta landsins. Helmings-
hluturinn í Sealord sem málið snýst
um er í eigu Brierley fjárfestingar-
fyrirtækisins en það hefur tilkynnt
að ef aðgerðir nýsjálenskra yfir-
valda verði til þess að verð hlutarins
lækki muni fyrirtækið ekki selja.
Mikill áhugi hefur verið á Sealord
og hafa jafnt innlendir sem erlendir
fjárfestar sýnt málinu áhuga en alls
óvíst er hvernig þetta útspil nýsjá-
lenskra stjórnvalda muni hafa á
þann áhuga. Sealord þykir góður
fjárfestingarkostur og hefur verð-
mæti hlutarins hækkað stöðugt síð-
ustu árin en áætlað verðmæti hlutar
Brierley fjárfestingarfyrirtækisins
er um átta milljarðar króna.
Nýsjálensk stjómvöld hafa verið
undir miklum þrýstingi vegna þessa
máls og segir í Worldfish Report að
Michael Cullen fjármálaráðherra og
Pete Hodgson sjávarútvegsráð-
herra hafi tekið það í sínar hendur
að samþykkja söluna ef af henni
verður. Segja þeir að mikilvægt sé
að völdin yfir auðlindinni séu í hön.d-
um Nýsjálendinga en reglum sam-
kvæmt mega erlendir aðilar ekki
eiga meira en fjórðungs hlut í nýsjá-
lenskum fyrirtækjum sem eiga
kvóta.
Fréttir herma að Brierley fjár-
festingarfyrirtækið sé nú að reyna
að selja japanska fyrirtækinu Nissui
24,9% hlut í Sealord og 25,1% til
þeirra sem eiga hin 50% í fyrirtæk-
inu.