Skírnir - 01.01.1889, Qupperneq 33
FRAKKLAND.
35
keisari hefur fyrirgefið honum framhleypni hans, því annars
hefði hann ekki leyft sendiherranum að þiggja boðið.
Nú risu ný blöð upp i Paris sem héldu Boulanger fram.
Ut um allt land var útbýtt almanökum með æfisögu hans og
spáð fyrir honum að hann mundi sigra þýzkaland 1890. Hinn
8. apríl fékk hann í Dordogne 59,500 atkvæði, en tók ekki
við kosningu, því hann hafði boðið sig fram i norðurfylkinu.
þjóðveidismenn sáu að hér var farið að grána gamanið, eink-
um þegar sást að allir Napoleonssinnar (Bonapartistar) og
flestir konungssinnar greiddu atkvæði með Boulanger. þjóð-
veldismenn sögðu kjósendum, að þessi maður ætlaði að leggja
út i ófrið, þegar hann kæmist höndunum undir og eyðileggja
Frakkland. Boulanger sat kyr í París og gaf sig ekki að því,
þó þeir segðu að hann ætlaði sér að verða harðstjóri, að myrða
frelsið og þjóðveldið o. s. frv. Hann var valinn með 172,528
atkvæðum og hafði 100,000 atkvæðum meir en sá sem flest
fékk næst honum. það dugði þannig ekkert að tveir helztu
mótstöðumenn hans, Floquet og Ferry héldu langar ræður
gegn honum sama dags morgun, Ferry i Epinal austur við
landamæri og Floquet i Paris. Ferry sagði að ættjörðinni væri
hætta búin af þessum Katilina (níðing); það væri svívirða fyrir
Frakkland, ef það léti nú aptur mann á borð við Napóleon
þriðja múlbinda sig. þjóðveldismenn yrðu að vera samtaka og
samlyndir. Floquet sagði, að Frakkland þyrfti hvorki harð-
stjóra i friði né alræðismann í ófriði. I París voru nú seldar
myndir, sem sýndu Boulanger krossfestan, ráðaneytið fyrir neðan
krossinn og Bismarck i Júdasarliki, nokkuð fjær. Hinn 17.
april sendi Boulanger kjósendum sínum opið bréf og kvaðst
heimta auk nýrra kosninga og endursltoðunar á stjórnarskránni,
frumlagaþing (Constituante), sem gæfi þjóðinni meira vald.
þannig voru skoðanir hans og kröfur allar teknar fram i hin-
um þrem orðum, sem hann lætur festa upp í hvert skipti og
kosningar fara fram: Dissolution, Revision, Constituante. Hinn
19. apríl kom hann á þing. Lögregluliði var raðað í göturnar
sem hann fór um, en samt heyrðust heillaóp fyrir honum.
Stúdentar ýmsir reyndu að andæfa Boulanger, en það tókst
ekki.
3*