Skírnir - 01.01.1889, Blaðsíða 35

FRAK&LAND.
37
hans. Tvisvar hefði Napóleon dregið þjóðina á tálar, en fyrir
þessum manni þyrftu þingmenn ekki að bera kvíðboga. Á
hans aldri hefði Napóleon mikli verið dáinn. það væri ósvífið
af manni, sem væri að jeta sig upp við hertoga og klerka, að
bregða gömlum þjóðveldismönnum um skylduræktarleysi o. s.
frv. Boulanger varð reiður, og sagði að Floquet hafði talað
ósvífna lygi fjórum sinnum i ræðunni, en hitt hefði verið tómt
orðagjálfur. Nú ætlaði forseti að reka Boulanger út úr þing-
salnum, en hann varð fljótari til, lagði niður þingmennskuna og
gekk út með sínum tólf mönnum. Floquet skoraði hann á
hólm og háðu þeir einvígi næsta morgun. Floquet er mjög
æfður í skilmingum og særði hann Boulanger með sverði sinu
mikið sár í hálsinn, en fékk sjálfur skinnsprettur. Sama dag
hélt Floquet ræðu við afhjúpun minnisvarða Gambettu og var
hróðugur eptir þenna sigur. Daginn eptir, 14. júlí hélt Carnot
ræðu á Marsvellinum fyrir 1700 bæjarstjórum, sem höfðu komið
hvaðanæfa frá öllu Frakklandi. Boulanger var fárveikur og leit
út fvrir, að nú væri úti um hann. F.n óánægjan með stjórn
eða óstjórn þjóðveldisins varð ekki kæfð með þessu. Við
anlcakosningu í Ardéche, 22. júli, fékk Boulanger reyndar 26,000
atkvæði, en mótstöðumaður hans 42,000. En sama dag fékk
hann í Dordogne 5000 atkvæði og hafði þó ekki boðið sig
fram þar.
Boulanger hafði sagt af sér þingmennsku, svo nú var
aptur höfð aukakosning í norðurfylkinu. Kosningar áttu lika
að vera i öðru kjördæmi í norðurfylkinu, Charente Inférieure
og Somme. Boulanger bauð sig fram á þrem af þessum stöð-
um, en i öðru kjördæminu norðurfrá, bauð sig fram Koechlin,
embættismaður i París, sem hafði vígt Valdimar Danaprins og
Maríu af Orleans saman í borgaralegt hjónaband, en stjórnin
hafði nokkru siðar tekið af honum embættið. Nú var argað
i kjósendum með auglýsingum, fundum, mat og peningum
o. s. frv. En svo fór 19. ágúst, að Boulanger fékk 130,000
atkvæði norðurfrá, 58,000 i Charente Inférieure og 76,000 i
Somme. þetta var svo stórkostlegur sigur, að «Norddeutsche
Allgemeine Zeitung», blað Bismarcks, spáði að honum mundi
að likindum verða þess auðið að drottna yfir Frakklandi.