Skírnir - 01.08.1908, Síða 69

Jónas Lie.
Á íslandi eiga allmargir menn og konur að þakka
Jónasi Lie, skáldsagnamæringnum norska, er andaðist í
sumar, margar ánægjustundir; er því skylt að minnast
hans og æflstarfs hans í íslenzku tímariti, og það því
fremur sem hann um 1870, er stjórnmál vor áttu einna
erviðasta aðstöðu hjá Dönum, lagði íslandi drengilega lið-
veizlu í norskum hlöðum, eins og skáldabróðir hans Björn-
stjerne Björnson og ýmsir aðrir mætir samlandar þeirra.
Jónas Lie átti að rekja ætt sína til norskra fjalla-
bænda frá Stóruhlíð norður undir Dofrafjöllum. Langafi
hans, ötull maður og vel gefinn, fiuttist búferlum til Þránd-
heims, af því að hann þoldi lítt stritvinnu og búskapar-
umstang. Hann varð þjónn á fógetaskrifstofu í Þránd-
heimi, en kom með dugnaði sínum og vitsmunum ár sinni
svo vel fyrir borð, að hann varð mesti atkvæðamaður í
borginni, er stundir liðu fram. En nokkuð þótti hann
einráður um málefni borgarinnar og mun hann með fram
af því hafa verið kallaður Þrándheimskonungur.
Faðir Jónasar lagði fyrir sig lög og varð dugandi og
samvizkusamur embættismaður, en móðir Jónasar var
kona stórgáfuð af Finnakyni í móðurætt, og sagði hann
svo sjálfur frá, að frá henni væri sér komið hugmynda-
fiug og orðgnótt.
Jónas var fæddur 6. nóv. 1833. Þegar hann var 5
vetra, fluttist faðir hans til Tromsö og varð þar bæjar-
fógeti.
Jónas litli ólst upp á hinum sagnauðgu og hrikalegu
stöðvum, sem nefndust Hálogaland í fornöld, og varð þegar