Skírnir - 01.08.1908, Side 88

280
Stikukerfið.
þegar þumlungarnir (»tommurnar«) eru úr gildi gengnir,
og þeir fá sér kvarða með stíku lengd, (mœlistiku) mark-
aða með skorum og strikum. Alþýða vor er svo námfús,
að hún mundi ekki verða lengi að átta sig á hinum nýju
heitum stikukerfisins og taka þau upp, ef eigi skorti for-
gangsmenn og samtök. Dæmin sýna, að ýms útlend orð
hafa á vorum dögum horfið úr daglegu tali, sem voru þó
orðin býsna algeng, t. d. »höndlun«, er íslenzka orðið
»verzlun« hefir útrýmt að rnestu, án þess að nokkrum
samtökum hafi þar verið til að dreifa. Allar líkur eru
því til, að almenn samtök gæti haft mikinn og góðan
árangur í þá átt, að vernda tungu vora og bæta hana í
öllum greinum.
Stafafelli 27. d. maím. 1908.
JÓN JÓN8SON.