Gefn - 01.01.1872, Page 2

4
alþýðu. Orsök þessa hlutar er sú, að slíkar ritgjörðir eru
að öllutn jafnaði samdar af þeim mönnum, sem raunar opt
hafa laungun til að fræðast og fræða, en ekki nógu mikla
menntun til að skygnast inn í hlutina sjálfa.
Forn fræði vor eru sá fjársjöður sem vér höfum geymt
um aldirnar og sem enginn hefir enn getað svipt oss, þótt
sí og æ sé verið að leitast við það og rýra oss og vísa oss
allstaðar frá, eptir að vér erum búnir að kenna öðrum að
þekkja og meta ágæti fornaldar norðurlanda. Vér leiðum
hjá oss þessar tilraunir, þennan óm og ys. sem hvaðanæfa
gjálfrar og gnýr fyrir eyrum vorum; þar á móti er það
skylda vor að fegra og fága þennan fjársjóð vorn svo sem
oss er framast unnt og geyma hann vel, svo vér getum
notið hans og glaðst af honum, og fengið af honum þrótt
og þrek til að standast andstreymi lífsins.
Vér höfum nú ekki tækifæri til að rita framhald af
ritgjörðinni semvér hófum í síðasta hepti rits þessa, envér
vonum að geta það í næsta sinn. Vér tökum hér fram það
sem oss hefir yfirsést og gleymst í ritgjörðinni.
Á bls. 26, athugagr. stendur, að í 0rvaroddssögu sé
Bólm látin vera í austri (o: á Smálöndum); hér við bætist,
að það stendur líka i Hyndluljóðum í útg. Búgges, sem hann
sjálfur hefir raunar breytt eptir 0rvaroddssögu.
Bls. 36 stendur um Attacorana, að þeir hefði átt að
verða þúsund ára gamlir; hér við má bera saman Hervarar-
sögu kap. 1, þar sem stendur að menn Goðmundar konúngs
á Glæsisvöllum lifðu marga mannsaldra.
Bls. 38 í athugagr. hef eg sagt að »diabolus« komi
ekki fyrir í Septuaginta, en þetta er rángt, að því er Sig-
urður Jonassen ýngri hefir sagt mér; það kemur þar fyrir.
Eg lét tælast af Grimm, því hann segir (Mythol p. 939)
að diabolus komi ekki fyrir í Sept., en eg mundi ekki eptir
eða hafði ekki hugfest, að hann segir einmitt hið gagnstæða
á bls. 937.
Bls. 48 ath. 3 er getið um »olíuviðarfjötur« sem Her-