Óðinn - 01.07.1920, Blaðsíða 30

Óðinn - 01.07.1920, Blaðsíða 30
78 ÖDINN svo sem þeim, er bæru mesta ábyrgð á tilveru þeirra. Að vera leiðtogi slíkra safnaða var því síður en áhællu- laust fyrir hlutaðeigendur. Til þess þurfti bæði mikið áræði og sterka trú og lifandi áhuga á málefni kristnu trúarinnar. Pegar því höfundur brjefsins brýnir fyrir lesendum sínum að vera minnugir leiðtoga sinna, sem guðs orð hafa til þeirra talað, þá hefur hann vafalaust fyrst og fremst í huga þakklætisskuldina, sera söfnuð- irnir sjeu i við þessa menn fyrir það, sem þeir hafi í sölurnar lagt fyrir trúna, fyrir þrif safnaðarins og fyrir málefni Jesú Krists. Og þegar hann hvetur þá til að »virða fyrir sjer hvernig æfi þeirra hafi lokið«, þá er lítill vafl á, að átt er við píslarvættisdauða, er hafi orðið hlutskifti þessara manna — að þeir að lokum haíi stað- fest vitnisburð sinn með blóði sínu. En jafnframt hefur höfundur brjefsins vitanlega í huga þá þakkarskuld, sem söfnuðurinn er í við leiðtoga sína fyrir þann boðskap, sem þeir hafa flutt þeim, fyrir það orð hjálpræðisins frá guði, sem þeir hafa prjedikað fyrir þeim og fyrir þá svölun alla, þá huggun og upphvatningu og leiðbein- ingu til guði helgaðs lífs, sem þeim hefur hlotnast við prjedikun þeirra, að ógleymdri þeirri fyrirmynd, sem þessir menn hafa söfnuðinum gefið með staðfestu trúar sinnar og óbifanlegri djörfung í lífi og dauða. En þessi fyrirmæli hins óþekta kristna höfundar ná lengra en til kristinna safnaða þeirra tíma. Pau ná til kristinna safnaða á öllum timum. Þótt tímarnir hafi breytst, svo að það sje nú sjaldnast samfara nokkurri áhættu að hafa á hendi leiðtogastarf innan kristins safnaðar, þá er það þó ávalt kristi- leg skylda safnaðanna að minnast með þakklátum hug leiðtoga sinna, sem verið hafa það i sannleika, fyrir þann áhuga, sem þeir sýndu á andlegri velferð safnaðarins, hversu þeir helguðu líf sitt umhyggjunni fyrir andlegum framförum hans og fluttu honum guðs góða orð honum til styrk- ingar, viðrjettingar og andlegrar svölunar — í fæstum orðum, hversu þeir miðluðu söfnuðinum því besta, sem þeir áttu til í eigu sinni. Einnig söfnuðir þessa lands hafa margir hverjir átt leiðtoga, sem bæði er maklegt og skylt að minnast fyrir lifandi áhuga þeirra á málefnum guðs ríkis og á frelsun sálnanna, sem þeim var trúað fyrir, skyldu- rækni þeirra i starfi sínu og ósjerhlífni, og fyrir lifandi, hreinan og djarfan vitnisburð þeirra um hjálpræðið í drotni vorum Jesú Kristi, — um synd og um náð, um sekt og um fyrirgefningu. Nöfn flestra þessara manna, sem með vorri þjóð helguðu líf sitt starfinu að frelsun sálnanna, eru nú að vísu gleymd á jörðu, þótt þau að sjálf- sögðu sjeu geymd í Hfsins bók á himnum. Mörg þeirra lifa þó enn þá í þakklátri endurminningu íslenskrar kristni og munu Iifa þar einnig á komandi timum. í fremstu röð þessara manna, sem islensk kristni telur sig í þakkarskuld við, er Jón biskup Vidalin, sem vjer í dag minnumst i kirkjum vorum víðsvegur um land í tilefni þess, að á morgun eru liðnar tvær aldir fullar síðan er hann andaðist í tjaldi sínu að Sæluhús- um við Kvígindisfell. En þvi fremur er ástæða til að minnast þess manns sjerstak- lcga sem hann hefur með rjettu verið talinn öndvegishöldur islenskrar kenni- mannastjettar fyr og síðar og getið sjer þann orðstír í sögu kirkju vorrar, sem um margar aldir mun varðveita nafn hans frá gleymsku. Með guðsorðabókum sínum helur hann verið höfuðkennifaðir íslensks kristnilýðs kynslóð eftir kynslóð og haft meiri áhrif en nokkur einstakur kennimaður á trúarlíf og hugsunarhátt þjóðar vorrar á síðari öldum. Pess vegna cr oss bæði rjett og skylt, meðal allra þeirra leiðtoga, sem guðs orð hafa til vor talað, fyrst og fremst að halda uppi minningu hans og láta hana knýja oss til þakklætis við drottin, sem uppvakti þjóð vorri slíkan kennimann á einhverjum

x

Óðinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Óðinn
https://timarit.is/publication/205

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.