Óðinn - 01.07.1920, Page 43

ÓÐINN
91
Thor E. Túlinius.
Fyrir rúmum 15 úrum, í júlí 1905, íluUi »Óð-
inn« mynd af Thor E. Túliníus, og er þar getið
helstu æfiatriða hans fram til þess tíma. En alla
tíð síðan hefur hann rekið óslitna starfsemi í
verslun og viðskiftum hjer við land, annaðist m.
Tlior E. Túliníus.
a. strandferðir hjer um nokkur ár, — eða Thore-
fjelagið, sem hann veitti þá forstöðu, — á skip-
unum »Austra« og »Vestra«, sem smíðuð voru í
þeim tilgangi. En eflir að hann Ijet af forstöðu
Thorefjelagsins stofnaði hann stórt verslunarfjelag,
»Hinar sameinuðu íslensku verslanir«, og runnu
inn í það bæði eldri verslanir hans og svo allar
verslanir »Gránufjelagsins«. Nú er hann fram-
kvæmdastjóri þess fjelags, og rekur það verslun
víða á Austfjörðum, svo sem Fáskrúðsfirði, Reyðar-
firði, Eskifirði, Norðfirði, Seyðisfirði og Borgarfirði,
og viða á Norðurlandi, svo sem á Akureyri og
Oddeyri, Siglufirði, Ivolkuósi, Sauðárkróki og
ef til vill víðar. Og nú fyrir skömmu hefur það
keypt hina stóru, gömlu verslun Ásgeirs heitins
Ásgeirssonar á ísafirði. Lýsir sjer jafnan hinn
mesti dugnaður og áhugi í öllum athöfnum Túliníus-
ar. Hann er og í miklu áliti, bæði hjer á landi
og í Danmörku, og kom það fram í ummælum
inargra danskra blaða nú í sumar, er hann varð
sextugur, en það var 28. júlí. Var hann þá á leið
liingað til lands á skipinu »ísland«, ásamt frú
sinni og tveimur dætrum, og var afmælið haldið
þar hátíðlegt og margar ræður fluttar, því fjöldi
farþega var með skipinu. Rilstj. »Óðins«, sem var
með í förinni, orti þá eftirfarandi kvæði til
Túliuíusar:
Við tölum ekkert um tímans flug,
Túliníus.
En við minnumst á dáð og dug,
Túliníus,
hjá dreng, sem erlendis ungur fór
á eigin spýtur og varð þar stór
Túliníus.
Þú mundir æ þína móðurjörð,
Túliníus.
Og æskubólið við Eskifjörð,
Túliníus.
Úr rústum alt vildir reisa þú,
og rækla Iandið og stækka bú,
Túliníus.
Og bráðum fleyin þín flutu’ um dröfn,
Túliníus.
Og íluttu vörurnar heim í höfn,
Túliníus.
Við skildum þig ekki alla tíð,
þú áttir stundum við þjark og stríð,
Túliníus.
En nú er unnin mörg erfið þraut,
Túliníus,
og mörgum hugsjónum brotin braut,
Túliníus.
Þú segist nú vera sextugur,
en sýnist vart meir en fertugur,
Túliníus.
Og hvar sem fley ber þig Fróns að strönd,
Túliníus,
þig biður velkomin vinar hönd,
Túliníus.
Menn bjóða velkominn víkinginn
og virða drenglund og kjarkinn þinn,
Túliníus.
Og lifðu enn þá um langa tíð,
Túliníus.
Og enn sem fyrri við starf og stríð,
Túliníus.
Og færðu þjóð þinni gæða gnægð
og græddu sjálfum þjer auð og frægð,
Túliníus.