Óðinn - 01.07.1934, Blaðsíða 1

Óðinn - 01.07.1934, Blaðsíða 1
ÓÐINN 7.—12. BLAÐ ]ÚLÍ-DESEMBER 1934 XXX. ÁR Hindenburg og Hitler. Ferseti þýzka ríkisins, Paul von Hindenburg yfirhershöfðingi, andaðist 2. ágúst síðastliðinn, nær 87 ára gamall, fæddur 2. októ- ber 1847. Hann var fæddur í Posen og kominn af gömlum, prússneskum aðalsættum. Um eitt skeið bernskuáranna ólst hann upp hjá afa sínum á herrasetr- inu Neudeck í Vestur-Prússlandi. Sú jarðeign gekk síðar úr ætt- inni, en þegar Hindburg varð áttræður, skutu prússneskir að- alsmenn saman og gáfu honum herrasetrið. Var hann þá orðinn ríkisforseti. Hann bjó þar síðan það sem eftir var æfinnar og andaðist þar. Hindenburg var uppalinn til hermensku og var orðinn foringi í þýzka hernum, er Pjóðverjar tóku Paris og sömdu frið við Frakka í Versölum 1871. Hann var þar þá við staddur. En ekki vildi hann eiga þátt í friðarsamn- ingunum, sem gerðir voru í sama salnum að heimsstyrjöldinni lok- inni. Hann hafði frá æsku gegnt hernaðarstörfum í þýska hern- um og hermálaráðuneytinu, án þess að nafn hans yrði kunnugt út á við, þar til hann var 64 ára gamall, 1911, en sótti þá um lausn og ætlaði að eyða því, sem eftir væri æfinnar, í ró og næði. En það fór á aðra leið. Skömmu eftir að heimsstyrjöldin hófst, fjekk hann símskeyti frá Vilhjálmi keisara, er spurði, hvort hann Hindenburg. væri fáanlegur til þess, að taka við herstjórnar- störfum. Petta var 22. ágúst 1914. »Er tilbúinn«, svaraði Hindenburg samstundis með símskeyti, og eftir nokkra stund fjekk hann aftur skeyti, sem sagði að honum væri ælluð herstjórn á austurvígstöðvunum. Hindenburg bjó þá vestur í Hannover.

x

Óðinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Óðinn
https://timarit.is/publication/205

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.