Eimreiðin - 01.09.1902, Page 28

188
Furðu gegnir, að foss þessi skuli svo lengi hafa verið nafn-
laus, þar sem mörgum hefir verið um hann kunnugt og hann
sést jafnvel að langar leiðir neðan úr Landsveit. Að vísu er það
nú ekki nema stúfur af honum sem sést.
Hvað fossinn hefir þótt merkilegur, má ef till vill marka af
því, hvað mörg örnefni eru af honum leidd: Fossá, Fossheiði,
Fossalda.
Nálægt fossinum er hið afarstórgerða jarðfall, sem nefnt er
Hraunið (eða Hrunið), og má telja það einhverja síðustu viðbót við
Suðurlandsundirlendið; undirlendið færir út kvíarnar, er saxast á
hálendið. Og yfirleitt munu fossgljúfrin að jarðsögunni til vera
með allra fróðlegustu stöðum á íslandi.