Tölvumál - 01.10.1991, Blaðsíða 7
Október 1991
saman í flokk og jafnframt að
freista að fá fyrirlesaraúr röðum
íslenskumanna. Því má e.t.v.
kenna grandvaraleysi okkar að
ekki tókst, þrátt fyrir margar og
snarpar tilraunir, að fá fyrirlesara
á þessu sviði þar sem við áttum
ekki von á að það myndi reynast
eins erfitt og raun bar vitni.
Ákveðið var því í samráði við
forráðamenn móðurmálskennara
að leita til Helga Þórssonar,
sérfræðings hjá Reiknistofnun
Háskóla íslands, um að kynna
vinnuna við gerð forritsins
Ritvöllur sem er í gerð og ætlað
til íslenskukennslu. Það er hins
vegar einlæg von undirbúnings-
nefndarinnar að umræður í hópi
um móðurmál og erlend mál,
hvort sem menn kjósa að vera í
einum hópi eða tveimur, verði
kröftugar og leggi grunn að styrku
starfi á þessu sviði. Vakin skal
athygli á erindi ritstjóra
Tölvumála en næsta hefti þeirra
er helgað viðfangsefni þessarar
ráðstefnu og er opið þeim sem
vilja leggja fram efni. Tölvumál
hafa reyndar þegar lagt drýgst
allra tímarita til þessa málaflokks
síðasta ár en þar hafa alls birst
a.m.k. sex greinar um tölvu-
notkun í námi og kennslu.
Stöðugt verður að halda áfram ef
málefni eiga að þróast til framfara
í skólakerfmu en hyggilegt er að
gefa jafnan gaum að því sem
þegar hefur verið gert og forðast
að eyða tíma í að frumvinna á
nýjan leik áður fram komnar
hugmyndir og tillögur. Mig langar
því til að minna hér á nokkrar
tillögur og samþykktir sem full-
yrða má að þurfi að gefa betri
gaum en gert hefur verið og ætla
má að skilningur sé meiri á nú en
þegar þær komu fyrst fram. Ég
vel tillögur sem lagðar voru fram
á ráðstefnu menntamálaráðuneyt-
isins Tölvur og grunnskóli sem
haldin var í febrúar 1986:
"Þriggja til fimm manna hópi,
sem skipaður verði mönnum sem
gjörþekkja grunnskólastarf svo
og mönnum með góða tækniþekk-
ingu og þekkingu á gagnameð-
ferð, verði falið að skoða grund-
vallaratriði í lögum og námskrám
með tilliti til tæknimöguleika.
Nefnd þessi hafi ekkert
ákvörðunarvald en hlutverk
hennar sé einvörðungu að opna
umræðuna með skýrslu sinni."
"Unnið verði að því að koma af
stað fréttabréfi er komi reglulega
út um það sem er að gerast á sviði
tölvufræðslu f skólum. Reynt
verði að fá samvinnu mennta-
málaráðuneytis og fleiri aðila
um slíkt fréttabréf."
Varðandi síðari tillöguna var
reyndar bent á, þegar hún var
lögð fram, að hún væri úrelt,
skynsamlegra væri að nota
rafpóst. Þaðmáttitilsannsvegar
færa en hálfu sjötta ári síðar er
ástandið þó enn svo að rafþóstur
er ekki veruleiki nema hjá mjög
litlum hluta kennara og þótt
skriður sé nokkur á málinu nú
þarf enn að hyggja að fréttum í
hefðbundnum farvegi.
Samtök kennara hafa einnig
ályktað um þessi mál þótt langt
sé nú orðið síðan. Mig langar að
benda á stefnumarkandi ályktun
þeirra 1984.
"3. þing Kennarasambands
íslands haldið 1.-4. júnf 1984
telur það grundvallaratriði að
tölvufræði og notkunar-
möguleikar tölva verði hluti af
skyldunámi fyrir nemendur
grunnskóla og framhaldsskóla og
þar með eðlilegur þáttur í
skólastarfinu."
Mikið vantar á að þessi ályktun
þingsins hafi fengið nægan
hljómgrunn og að henni hafi verið
fylgt eftir af fullri alvöru í þeim
skrifum sem síðar hafa komið út
svo sem námskrá grunnskóla,
stefnuskrá KÍ og fleiri
mikilvægum ritum.
Máli skiptir að gefa kennurum í
venjulegum skólastofum, þar sem
námið fer fram, kost á að nýta
tölvur í starfi með nemendum
sínum. Athuga þarf vel breyttar
áherslur í starfi kennara við aukna
nýtingu tækninnar. í menntun
kennara og undirbúningi skyldi
ekki rugla saman þekkingu á
ritvinnslu og frágangi texta eða
mynda og svo því að nota tölvur
með nemendum sínum í námi
þeirra. Þetta er tvennt ólíkt og
hæpið að telja að annað sé
nauðsynlegur undanfari hins.
Máli skiptir einnig að viðurkenna
að tækniþekking þarf að vera til
staðar í skólum þótt ekki þurfi
allir kennarar að búa yfir henni.
Rétt er að fagna þvf þegar
skólayfirvöld viðurkenna slíkt í
verki og veita þannig stuðning
kennurum sem vilja nota tölvur í
kennslu eða á annan hátt.
Á ráðstefnunni verður margt um
að vera. Auk 11 fyrirlestra og
umræðuhópa í kjölfar þeirra
kynna stofhanir og samtök starf
sitt í rituðu máli og leggja fram
mikilvægar upplýsingar hér í
næsta sal. Þar eru einnig
kynningar frá nokkrum fyrir-
tækjum sem hafa á boðstölum
vöru sem hentar skólum. Og
loks gefst þar kostur á að sjá
nánar það sem sumir fyrir-
lesaranna leggja fram.
Um leið og ég fel þeim Sigríði
Sigurðardóttur og Lars Andersen
fundarstjóm langar mig persónu-
lega að þakka undirbúningsnefhd
góða og vandaða undirbúnings-
vinnu og sérlega ánægjuleg
samskipti.
7 - Tölvumál