Tölvumál - 01.10.1991, Blaðsíða 27

Október 1991
Kennsluleiðbeiningar eru ítar-
legar enda veitir ekki af þegar
um svo margbreytilegt efni er að
ræða. Fjölbreytilegum aðferðum
er beitt, s.s. þankahrfð, skil-
greiningu hugtaka, umræðum,
verklegum æfingum, mælingum,
könnunum, söfnun og skráningu
gagna, skoðun og samanburði
þeirra, m.a. í tölvuforriti, og
síðast en ekki síst samvinnu við
nemendur í öðrum löndum.
Hugbúnaður
Forrit það sem hér er notað
byggist á fimm aðalþáttum. Sá
þáttur þess sem mesta athygli
vekur hjá nemendum í upphafi
námsins er samskiptaþátturinn
en táknmynd hans er sími. Þarna
er einfalt og þægilegt að senda
og sækja pöst sem hverjum og
einum er ætlaður, engum tfma er
söað og forritið tjáir notandanum
jafnóðum hvað er að gerast.
Aðgengilegur ritill er f forritinu,
þar skrá nemendur bréf og kann-
anir, íá bréf frá öðrum nemendum
og geta lesið og prentað texta.
Mynd af sendibréfí er tákn
ritilsins.
Gögn eru skráð í forritinu en
táknmynd þeirrar aðgerðar er
stflabók. Þar er hnattstaða skóla
skráð og þangað berast upplýsing-
ar um hnattstöðu hinna skólanna.
Þar eru einnig skráðar niður-
stöður mælinga og þangað berast
niðurstöður að utan. Nemend-
um finnst oft spennandi að leita
þama að niðurstöðum frá öðrum.
Hnattlíkan er ein valmynd forrits-
ins og geymir hún kort þar sem
nemendur merkja hnattstöðu
hinna skólanna. Heildarniður-
stöður birtast síðan á korti í lok
hverrar námseiningar.
Innangengt er úr gagnaþætti for-
ritsins yfir í tölfræðiþáttinn. Þar
gefst nemendum kostur á að skoða
niðurstöður í súluritum eða köku-
ritum, prenta út og bera saman.
Kostir og gallar
Ýmsir kostir eru við þetta efni.
Þar má nefna kennslufræðina sem
að baki liggur, fjölbreytilega
kennslutækni, hversu skilmerki-
legt efnið er og frágangur góður.
Notendur fá aðstoð símleiðis ef
eitthvað bjátar á varðandi tölvu-
samskiptin og getur þessi hjálp
riðið baggamuninn um þátttöku í
verkefninu.
Ákveðin tímasetning er einnig
kostur vegna skipulags skóla-
starfsins. Þessi tímasetning er
forsenda samvinnunnar við
erlendu nemendurna. En hún
getur verið ókostur ef kennari
forfallast eða vinnan tefst af
einhverjum öðrum orsökum.
Kennurunum við Melaskóla þótti
mikil vinna fólgin í þessu verk-
efni. Þess ber að geta að um
frumraun þeirra var að ræða.
Trúlega þætti þeim vinnuálagið
ekki eins mikið ef þeir kenndu
sömu námseiningu öðru sinni.
Það er óverjandi að hafa alla
texta á erlendri tungu sem bornir
eru fyrir grunnskólanemendur í
námi sem þessu. Alþjóðlegur
gagnabanki hlýtur þó að þurfa
eitt sameiginlegt tungumál.
Undirbúningsvinna er hafín að
þýðingu efnisins.
Askja með nemendahefti,
kennsluleiðbeiningum og kort-
um og fleiru kostar nú á þessu
hausti ýmist 19500 kr. eða 22500
kr. eftir námseiningum. Þarna er
um að ræða gögn sem endurnýta
má. í þessu verði eru jafnframt
fólgin kaup á öskju með gögnum
sem ætluð eru til ýmissa mælinga.
Aðgangur að gagnabanka sem
kaupa þarf fyrir hverja 6 vikna
námslotu nemur 8250 kr. Ef
endurnýja á öskju með mæli-
tækjum kostar hún 2010 kr. Við
þennan kostnað bætist aðgangur
að gagnaneti Pósts og síma, kr.
2600 svo og annar símkostnaður.
Vangaveltur
Óvenju sólrfkt og hlýviðrasamt
sumar er að baki. Sunnlendingar
þyrptust ekki í sólarlandaferðir
þegar líða tók á sumarið, aldrei
þessu vant. Blikur voru þó á
lofti. Einstakri sumarbllðu íylgdi
mistur. Það kom fyrir að Reyk-
víkingar sáu vart grilla í Esjuna
þótt bjartur dagur væri.
Hvaðan berst þetta mistur? Hvaða
áhrif hefur það? Hvernig er hægt
að mæla þessi áhrif? Frá hvaða
löndum væri fróðlegt að fá gögn
til samanburðar? Hversu gott er
drykkjarvatn landsmanna?
Hvernig getum við stuðlað að
því að halda lofti og vatni tæru?
Ef verkefnið sem lýst var hér að
ofan hefur opnað augu nemenda
fyrir því sem er að gerast í kring-
um þau og vakið löngun í brjósti
þeirra til að fá svör við ýmsum
spurningum sem vaknað hafa
varðandi umhverfi þeirra þá var
til einhvers barist.
Tilgangurinn með Kid's network
er margþættur. Hann er m.a. sá
að leyfa nemendum að njóta þess
að fá að kanna, rannsaka og
skoða, fá niðurstöður sem eru
fróðlegar, ekki bara íyrir þá sjálfa
heldur hugsanlega einnig fyrir
aðra, og bera þær saman við
niðurstöður annarra. Ætlunin er
að nemendur fái að komast í tæri
við tölvutæknina á þann veg að
hún þjóni þeim en leiki ekki
aðalhlutverkið. Eitt af markmið-
unum er að gefa þeim tækifæri á
að kynnast skoðunum jafnaldra
sinna í öðrum heimsálfum á brenn-
andi spurningum varðandi um-
hverfi okkar allra - að fenginni
rannsókn þeirra sjálfra.
27 - Tölvumál