Ársrit Hins íslenska fræðafjelags í Kaupmannahöfn - 01.01.1918, Side 71

Frá írlandi
7l
gerði konungur frið við hann, og lofaði honum að setjast
aftur að ríki sínu í Leinster með þeim skilmála, að hann
sendi útlendingana heim til sín og kæmi eigi með fleiri
af þeim til írlands; en þessum skilmála var haldið leynd-
um fyrir útlendingunum. Hins vegar seldi Dermót stór-
konunginum Conor son sinn, sem var uppáhaldssonur
hans, í gislingu og tvo aðra frændur sína. Að því búnu
hjelt Roðrekur konungur heim til sín.
Rjett eftir þetta kom Maurice Fitzgerald með lið til
írlands. Dermót rauf þegar sætt sína og fór með Eng-
lendingana til Dyflinnar á móti Höskuldi (Hasculf Mac
Turkill) konungi. Teir fóru með báli og brandi og eyddu
svo landið í kringum Dyflinn, að bæjarmenn gáfust upp,
en konungur þeirra forðaði sjer undan á flótta.
Dermót fyltist nú ofmetnaði og ætlaði að gerast sjálf-
ur stórkonungur á Irlandi. Hann sendi menn til Stróng-
bows, og bað hann um að koma sem fyrst. Strongbow
sendi 800 hermanna til írlands undir forustu Raymonds
Fitzgeralds, og tóku þeir land i. maí 1170. f*eir reistu
herbúðir á ströndinni skamt frá Veðrafirði og víggirtu þær.
Kom þá frá Veðrafirði mikill her á móti þeim, en Raymond
vann sigur og feldi 500 manna. Eftir bardagann ljet hann
drepa 70 hina helstu af bæjarmönnum, sem handteknir
höfðu verið.
23. ágúst kom Strongbow sjálfur með 3000 hermanna
og tók land rjett hjá Veðrafirði. Hann sameinaði lið sitt
við það, sem áður var komið til írlands, og fór með 5000
manna til Veðratjarðar, en bæjarmenn vörðust vel; að
lokum tókst þó Strongbow að komast inn í borgina, og
drápu þeir þá fjölda bæjarmanna. Síðan fekk hann Evu
dóttur Dermóts konungs, og var brúðkaup þeirra haldið
þegar með mikilli viðhöfn, á meðan Norðmenn og írar
flutu í blóði sínu á götum bæjarins.
Á meðan þetta gerðist hafði Höskuldur konungur
safnað liði; hjelt hann aftur til Dyflinnar á móti Dermót