Dagblaðið Vísir - DV - 21.12.1981, Side 12

DAGBLAÐIÐ& VÍSIR. MÁNUDAGUR 21. DESEMBER 1981.
Neytendur Neytendur Neytendur Neytendur
Skatan fyrir
heilagan Þóriák
Nú er að snúa sér að skötunni
fyrir heilagan Þorlák. Við höfðum
samband við nokkra fisksala í
bænum og höfðu allir sömu sögu að
segja að nóg er til af skötunni. Kostar
kilóið krónur 33.- Flestir borða
skötuna soðna með kartöflum og;
hamsatólg. En þeir sem eru að vestan
vilja líklega helzt vestfirzkani
hnoðaðan mör með skötunni sinni. 1
tveimur fiskbúðum, þar sem við átt-
um tal við fisksalana, var til vest-
firzkur mör. Það var í Sæveri við'
Háaleitisbraut og Fiskmiðstöðinni,
Fellagörðum og sjálfsagt fmnst
mörinn á fleiri stöðum. Þó að það
hafi færzt í aukana að fólk snæði
skötu á Þorláksmessu, er ekki víst að
Mörgum þykir skata herramanns
matur.
margir þekki skötustöppu, jú auðvit-
að Vestfirðingar. En skötustappan er
lostæti með rúgbrauði og smjöri.
Hvernig væri að reyna?
Þið bræðið hnoðaðan mör,
þennan að vestan, setjið út í hann
örlítið vatn, soðnar kartöflur og
soðna skötu. Hrærið eða stappið öllu
vel saman. Setjið síðan stöppuna i
jólakökuform eða skál og þar
harðnar hún. Skerið síðan kökuna í
sneiðar og borðið með rúgbrauði og
smjöri. Þetta er öndvegis matur. Og
þó að lyktin komi óþægilega við lykt-
artaugar viðstaddra þegar skatan er
soðin og mörinn bræddur, gleymist
hún við fyrsta bita.
-ÞG.
KÆST OG ÞURRKÆST
SKATA í SÆBJÖRGU
Meira um skötuna. Þegar við
höfðum samband við Guðmund
Óskarsson fisksala hjá Sæbjörgu
kom í ljós að hann ■ selur bæði
venjulega kæsta skötu og eins
þurrkæsta skötu. Sú síðasttalda er
þurrkuð og kæst en ekki söltuð.
Kílóið af þurrkæstu skötunnni í
Sæbjörgu kostar kr. 30,- og
venjulega kæst skata kostar aðeins
kr. 24,- sem er níu krónum ódýrara
en annars staðar. Hvers vegna
spurðum við Guðmund Óskarsson?
„Þegar skötuhátíðin gengur í garð
viljum við gjarnan að fólk eigi völ á
því að fá a.m.k. eina máltíð í
kringum jólin á gamla verðinu. ”
-ÞG.
Þegar kaupin hafa faríð fram, er fótki ráðiagt að geyma jóiatrón á köldum stað. Og sólarhring áður en tróð er
sett inn i stofu er það lagt í bleyti eða sprautað yfirþað. O V-mynd/FH
GEYMIÐ JÓLATRÉÐ
Á KÖLDUM STAÐ
— og vökvið það vel þegar það er sett upp
Nú eru flestir farnir að huga að
jólatréskaupum, hafi þau ekki þegar
verið gerð. Eins og áður eru nokkrar
tegundir jólatrjáa á boðstólum á mis-
munandi verði. DV leitaði til Land-
græðslusjóðs til að grennslast fyrir
um þessi mál.
Samkvæmt upplýsingum sem þar
fengust eru nú einkum þrjár
teg. jólatrjáa fáanlegar. Fyrst skal
nefna rauðgreni, sem mikið eru
keypt. Meðaltré er 1.50—1.75 metra
hátt og kostar 210 krónur. Allra
stærstu trén kosta 320 krónur.
Furutrén eru einnig mikið keypt.
Kosturinn við þau er sá, að þau fella
ekki barrið. Trén kosta í venjulegri
stærð 270 krónr, en verðið er annas á
bilinu 180—420 eftir stærð. Þynur
eða eðalgreni er einnig mikið keypt.
Þessi tegund fellir ekki barrið og er
eftirsótt fyrir þær sakir. Gallinn er
hins vegar sá, að eðalgrenið er all-
miklu dýrara en fyrrnefndu
tegundirnar. Kostar 1.50—1.75 m tré
630 krónur, sem þýðir að það er
meira en helmingi dýrara en fura og
rauðgreni. Hæstu eðalgrenitrén kosta
890 krónur.
Loks er hægt að fá sitkagreni „á
rót”, sem kallað er. Tréð'er þá
lifandi í potti. Méðalstærð kostar 270
krónur.
Jólatrén eru yfirleitt innflutt frá
Dannmörku, en þó er einnig hægt að
fá íslenzk tré, er flutt hafa verið úr
Þjórsárdal, Haukadal og Skorradál.
Von er á sendingu af jólatrjám frá
Hallormsstað.
Margir eru í vafa um hvernig bezt
muni að geyma jólatré þessa dagai
sem eftir eru til jóla. Lángbezt er að
géyma þau á köldum stað, annað
hvort úti á svölum eða i bílskúrnum.
Sólarhring áður en tréð er sett upp, á
að taka það inn. Þá þarf helzt að
leggja það í bleyti eða sprauta yfir
það. Með því móti getur tréð drukkið
i sig raka um leið og það er að þiðna.
Þegar það er sett upp, er gott að
saga neðan af bolnum. Þá myndast
nýtt sár, er auðveldar trénu að sjúga
í sig vatn úr fætinum. Fyrstu sólar-
hringana þarf svo að athuga vel, að
alltaf sé nóg vatn í jólatrésfætinum.
Tréð þarf nefnilega heilmikla
vökvun, meðan það er að taka hita-
breytingunum, sem er fyrstu þrjá
sólarhringana eftir að það hefur
verið tekið inn. -JSS.
1
1
1 ^ 1 s I 1

Valborg Htia komin iJólakjólinn, sem kostar360krónur.
VALBORG
LITLA VELUR
JÓLAKJÓLINN
Vöruúrvalið í verzlunum höfuð-
borgarinnar er aldrei fjölbreytt-
ara en nú fyrir jól. Börnin sem
flest verða stóreygð yfir glæstum
leikföngum og öðru sem hugurinn
girnist, láta sig dreyma stóra drauma.
Sum hver rölta á milli verzlana og
verða stóreygðari eftir því sem fleira
ber fyrir augun og óskalistinn lengist.
Fæstir fá allar sínar óskir og
drauma uppfyllta um jólin, en það
sakar ekki að láta sig dreyma, ekki
kostar það peninga.
Tæplega fjögurra ára gömul
hnáta, Valborg Karlsdóttir, á sinn
óskalista, á honum er jólakjóll. Við
vorum henni samferða um daginn er
hún fann það sem henni líkaði. Hún
valdi kjól i verzluninni Sísi við
Frakkastíg, bómullarkjól með beru-
stykki og pífum. Svo bíður hún
spennt eftir mjúkum pakka á
aðfangadagskvöld.
-ÞG.
í eldhúsinu
Heilagfiski
með aspargus
Til að gefa mönnum nokkra hug-
mynd um matreiðslubók Kristínar
Gestsdóttur, 220 gómsætir sjávar-
réttir, birtum við hér eina uppskrift
úr henni. Uppskriftin er valin af
jhandahófí.
Heilagf iski með aspargus
handa 6—8
1 kg heilagfiski
safi úr einni sitrónu
salt/pipar
1 hálfdós niðursoðinn aspas í bitum
(helzt grænn)
20 g smjör til að setja saman við
aspassoðið
1/2 tsk. basilíkum (krydd fæst víöa)
2 msk. smjör eða smjörliki
2 msk. hveiti
soð af fiskinum + aspassoð
1/2 dlrjómi.
1. Skerið uggana af fiskinum, hellið
sjóðandi vatni yfir roðið og skafið
vel.
2. Hellið sítrónusafa yfir
sneiðarnar, stráið á þær salti og
pipar.látiðbiðaí 10—15 mínútur.
3. Smyrjið eldfast fat. Leggið
sneiðarnaráfatið.
4. Bræðið smjörið, bætið soðinu af
aspasnum og basilíkum út í og hellið
yfir sneiðarnar.
5. Setjið lok á fatið eða stingið því
inn í steikarpoka og sjóðið í heitum
bakarofni (eða mínútugrilli) 1 15—20
mínútur.
6. Bræðið smjör í potti, hrærið
hveiti út í það, þynnið með soðinu af
fiskinum og búið til uppbakaða sósu.
Setjið aspasinn út í sósuna og hitið
vel. Hellið síðan sósunni yfir fiskinn.
Meðlæti: Soðnar kartöflur, með
klipptri steinselju (persille).