Dagblaðið Vísir - DV - 19.10.1985, Blaðsíða 4

4
DV LAUGARDAGUR19. OKTÖBER1985.
Lögreglan í Reykjavík
þarf 40-50 nýja menn
— „Meira um uppsagnir en áður,” segir William T. Möller,
fulltrúi lögreglustjórans í Reykjavík
— Nei, þaö eru engar fjöldaupp-
sagnir í gangi hjá lögreglunni í
Reykjavík. Ef viö horfum 10—20 ár
aftur í tímann þá er kannski meira
um uppsagnir tiu en áöur, sagöi
William T. Möller, fulltrúi lögreglu-
stjórans í Reykjavík. — Undanfarin
ár hefur verið mikið um þaö að stúd-
entsmenntaðir menn hafi sótt um
starf í lögreglunni. Þeir hafa viljað
mennta sig meira, sem eðlilegt er, og
hafa þá horfiö í ný störf.
— Það er alltaf slæmt að missa
unga og dugmikla menn í önnur
störf. Þarna spila laun inn í en það er
orðið meira um það nú að menn séu
óánægðir með laun sín. Þar eru fleiri
en lögreglumenn sem eru óánægðir
með launin, sagöi William.
Það hefur lengi verið vitað að álag-
ið hefur verið mikið á lögreglumönn-
um í Reykjavík. Borgin hefur stækk-
að, bílum hefur fjölgað og afbrot
hafa aukist. Þrátt fyrir það hefur
engin fjölgun orðið á starfsmönnum í
lögreglunni. Ofan á þetta bætist við
mikil vinna og lág laun.
— Já, föst laun hjá lögreglumönn-
um eru ekki nægileg. Þeir þurfa að
vinna mikið og þreytandi starf til að
fá þokkaleg laun, sagði William.
„Þurfum 40—50 nýja menn"
— Þarf ekki að fjölga í lögregluliði
Reykjavíkur?
— Jú, þaö hefur veriö ósk lögreglu-
stjóra í mörg ár að fá fleiri menn til
löggæslu. Nú vinna 240 menn í lög-
reglunni í Reykjavík. Með réttu þurf-
um við 40—50 nýja jnenn til starfa.
Það hefur ekki fengist fjárveiting til
að hægt sé að fjölga lögreglumönn-
um.
Meira er nú um uppsagnir hjá lögreglunni i Reykjavik en áður. Talifl er
að nú þurfi 40 — 50 lögreglumenn til viflbótar.
Reksturinn endurskoðaður
Að undanfömu hafa menn frá
norsku ráðgjafarfyrirtæki verið hér
á landi til að endurskoða reksturinn
á starfsemi lögreglunnar í Reykja-
vík. Sú úttekt miðast við að allur
rekstur og fyrirkomulag verði betra.
— Það mun koma í ljós í næsta mán-
uði hvernig úttektin hefur gengið fyr-
ir sig í stórum dráttum, sagði Willi-
am. -SOS
„FYRSTA,
ANNAÐ 0G..."
— DV fylgist með nauðungaruppboði
áAkureyri
Frá Jóni G. Haukssyni, blaðamanni
DV á Akureyri:
„Tuttugu þúsund! Tuttugu og fimm
þúsundhéma! Þrjátíuþúsund!”
Þrjátíu þúsund, já. Fyrsta, annaö
og . . . „Fjörutíu þúsund! Fimmtíu
þúsund! Fimmtíuogsjöþúsund!”
Fimmtíu og sjö þúsund, já. Fyrsta,
annað og þriðja.
Það reyndist lokatilboðið í gamlan
krana á nauðungaruppboði sem fram
fór á lausamunum trésmíðaverkstæðis
á Akureyri laugardag einn fyrir
skömmu.
Fyrr um daginn var uppboð í gangi
við lögreglustöðina. Margmenni var
þar og svolítill múgæsingur í mönnum,
enda var hægt að gera góð kaup, ef
nota má þau orð þegar veriö er að ræða
um uppboð á eigum einstaklinga og
fyrirtækja.
Það er alkunna aö mikill sam-
dráttur hefur verið í byggingariðnaði á
Akureyri undanfarin ár. Það hefur
sorfið nokkuö að fyrirtækjunum — og í
þetta skipti var nauðungaruppboð ó-
umflýjanlegt.
Sigurður Eiríksson, fulltrúi sýslu-
mannsins í Eyjafirði og
uppboöshaldari, stjórnaði uppboðinu.
Að sögn hans hefur beiðnum um
greiðslustöðvanir og gjaldþrot hjá
einstaklingum og fyrirtækjum f jölgað.
„Þessar beiðnir voru samtals 21
árið 1984 en eru orðnar 37 það sem af er
þessu ári. Varðandi beiðnir um lausa-
fjáruppboð voru þær 304 í fyrrá en eru
orðnar fleiri á þessu ári, eða 305
talsins,” sagði Sigurður.
Þessi fókk stólinn sem á vafalaust eftir afl þjóna hlut-
verki sinu enn um sinn.
Kraninn umrœddi fór á 57.000 sléttar.
Sigurflur Eiriksson uppboflshaldari býflur upp stól sem
síflan var sleginn á 2.200 krónur.
Þessar forláta reiknivélar fóru á samtals 1700 krónur.
Ljósritunarvélinni komifl fyrir í skotti jeppans eftir að hún
hafði verifl slegin hœstbjóflanda á 1500 krónur. „Ég vona
afl hún sé i lagi," sagfli kaupandinn.
Það er ekki nóg afl bjófla í, þafl þarf líka að borga.

0PI1I TIL KL.4IDA0
.PVer»«ö
’ r ^iörio^- J
V/SA

Jón Loftsson hf. Hffnft

Hringbraut 121 Simi 10600