Dagblaðið Vísir - DV - 18.11.1985, Side 16

16
DV. MÁNUDAGUR18. NÖVEMBER1985.
Sptirningin
Hvað finnst þér um sýning-
arsalina á Kjarvalsstöðum?
Trausti Traustason nemi: Húsiö lítur
út fyrir aö vera hálfklárað eins og það
eigi að vera sérstakur stíll.
Sólveig Eggertsdóttir nemi: Mér hefur
alltaf þótt gott að koma þar. Þó yrðu
salirnir betri ef loftið væri lagað.
Björgvin Sigurgeir Haraldsson
kennari: Loftið væri best komið úti í
garði sem sandkassi fyrir börn og þaö
sem fyrst. Auk þess er ýmislegt aö
athuga við aðstöðuna fyrir myndlistar-
fólkiö.
Ragnhildur Ragnarsdóttir nemi: Mér
finnst þetta mjög skemmtilegur
sýningastaöur meö ýmsa möguleika.
Rikey Ingimundardóttir myndlistar-
maður: Eru þeir ekki ágætir. Loftið
mætti þó sjálfsagt vera betra. Lýsing-
unni fylgir svo mikill hiti.
Birgir Jóakimsson nemi: Loftið er
hræðilegt. Hitinn af lýsingunni er alltof
mikill og birtan ekki nógu góð.
Lesendur Lesendur Lesendur Lesendur
Niðurstöður Hagvangskönnunar:
Álitshnekkir
fyrir þingmenn
„Hvað með tóma sali Alþingis á fundartíma?“ spyr bréfritari.
Hér er svipmynd frá störfum á Alþingi: Flestir stólarnir auðir.
Kjósandi skrifar:
Almenn vantrú á íslenskum
stjórnmálamönnum er niðurstaða
skoðanakönnunar sem kynnt var
nýlega.
Áreiðanlega er það-nær sanni að
flestir landsmenn telji að .stjórn-
málamenn segi yfirleitt ekki sann-
leikann. í könnuninni kemur fram
að fjórði hluti aðspurðra heldurþví
fram.
Aðeins þriðji hluti aðspurðra
álítur að stjórnmálamenn takist á
við þau vandamál sem brýnust eru.
Og helmingur þeirra sem tóku af-
stöðu í könnuninni segir það betri
kost að velja ráðherra úr hópi
sérfróðra manna utan þings en úr
hópi þingmanna.
Það hefur svo sem komið fram
áður að margir álíta þingmenn
ekki vera í hópi þjóðhollustu þegn-
anna.
í einkar athyglisverðri grein, sem
birtist í Morgunblaðinu hinn 5.
þ.m., er vikið að þessari könnun
og niðurstöðum hennar undir fyrir-
sögninni: „Hvað segja alþingis-
menn um niðurstöður könnunar
Hagvangs?"
Þar er leitað álits sex alþingis-
manna á þessum dómi almennings.
í svörum þeirra kemur berlega í
ljós eina ferðina enn - hjá öllum
nema einum að þingmenn hafa
engu gleymt og ekkert lært þegar
að því kemur að þurfa að mynda
samstöðu gegn almenningsálit-
inu.
Svör þeirra eru öll eða langflest
út í hött og langt frá því að falla
almenningi í geð. Þeir ýmist gefa
fólki „langt nef ‘ með svörum sínum
eða þeir fela svör sín í gamalkunnu
og „klisjukenndu" slagorðunum:
Þetta er ekkert nýtt - fólk er alltaf
óánægt með stjórnmálamenn -
þetta er lenska hér á landi, og
ýmislegt annað í þessum dúr.
„Þingmenn eru ekki verri þjóð-
flokkur en sá næsti,“ segir einn
þingmaðurinn, hvað svo sem það
nú þýðir.
Einn þingmaðurinn viðurkennir
þó, mig minnir að hann sé þing-
maður Bandalags jafnaðarmanna,
að þessi skoðanakönnun og niður-
staða hennar sanni að almenning-
ur hafi mjög heilbrigðar skoðanir
á stjórnmálamönnum og störfum
þeirra. „Fólki finnst þetta vegna
þess að þetta er allt satt og rétt,“
sagði þessi þingmaður.
Aðeins einn þingmaður viður-
kennir að eitthvað sé að í störfum
og tali þingmanna þegar almenn-
ingur lætur svo berlega í ljósi
andúð sínaáþeim.
Og það er mergurinn málsins.
Skoðanakönnunin hefur valdið
álitshnekki á þingmönnum og
hann verður ekki burtu hrakinn.
Ábyrgðin lætur á sér standa í verki.
Hvað með tóma sali Alþingis á
fundartíma? Hvað með utanferðir
þingmanna og langdvalir erlendis
með mökum sínum? Eru þessar
ferðir ekki kostaðar af skattgreið-
endum?
Sýndarmennskan og hræsnin í
málflutningi í Kastljósi sjónvarps
frá umræðum á Alþingi er auðsæ.
Of langt bil milli þings og þjóðar?
Má til sanns vegar færa. En sann-
mæli er hitt að þingmenn eru að
verða eins konar þröskuldur þjóð-
arinnar í mörgum skilningi.
Sjúklegt
ofstæki
Athugull skrifar:
Það skal tekið fram í upphafi að
hvorki er ég kommúnisti né hlið-
hollur Rússum á nokkurn máta. En
mér .blöskrar hve Morgunblaðið er
ofstækisfullt í skrifum um Rússa og
allt sem lýtur að væntanlegum leið-
togafundi. Morgunblaðið er búið að
gera því skóna að ekkert komi út
úr þeim viðræðum sem standa fyrir
dyrum milli austurs og vesturs.
Hvaðan hefur blaðið þetta fyrirfram
gerða álit? Er það kannski ekki
meiningin hjá Bandaríkjamönnum
að semja um afvopnun? Mun hag-
kerfi þeirrar þjóðar hrynja ef ekki
verða framleidd vopn? Nú er tekin
við völdum ný stjórn i Sovétríkjun-
um, skipuð yngri mönnum en áður.
Er ekki ástæða til að ætla að þessir
menn hafi önnur sjónarmið en hinir
gömlu leiðtogar? Er ekki rétt að
kanna þau sjónarmið áður en þau
eru dæmd? Veit h'tið ofstækisblað
uppi á íslandi allt um hug þessara
manna?
Þeir sem eru komnir yfir miðjan
aldur muna skrif Morgunblaðsins
um Hitlers-Þýskaland fyrir síðari
heimsstyrjöldina. Skrif þessa blaðs
núna minna á það ofstæki sem þá
var borið á borð fyrir okkur Islend-
inga. Þá var Þýskaland drauma-
landið.
Að lokum: Það skyldi þó aldrei
vera að koma hollenska hersins til
Keflavíkurflugvallar sé undanfari
þess að þýski herinn fái þar aðsetur.
Þá rætist eflaust draumur „sumra“,
en skyldi þjóðin vera búin að gleyma
„miskunnsemi" þýska hersins í síð-
asta stríði? Skyldu ráðamenn Sjálf-
stæðisflokksins lifa í þeirri villutrú
að mið-evrópskur her á Islandi sé
búinn að læra af reynslunni? Ef svo
er þá bið ég Guð að hjálpa íslending-
um að losa sig við allt ofstæki í
þessum málum.
Refsið
eiturlyfja-
smyglurum
harkalega
Magnús Guðmundsson skrifar:
Við hin válegu tiðindi um eitur-
lyfjasmygl til íslands að undanförnu
hlýtur hver einasti íslendingur, sem
á annað borð hugsar eitthvað, að
fyllast skelfingu og kreíjast stórað-
gerða.
Sú staðreynd að íslensk stjórnvöld
gæla við morðingja og glæpamenn'
vekur hrylling og ótta. Eru forráða-
menn þessa lands með fullu viti eða
eru þeir bendlaðir við þennan hryll-
ing?
Því ber að fagna að við höfum
eignast duglega og örugga löggæslu-
menn sem hafa náð mörgum þessara
glæpamanna sem ég kalla morðingja
af versta tagi vegna þess að það er
Útboðá
snjómokstri
Sunnlendingur spyr:
Hvers vegna hefur snjómokstur
ekki verið boðinn út í Rangárvalla-
sýslu eins og gert hefur verið í öðrum
sýslum á Suðurlandi?
Þórhallur Ólafsson, tæknifræðing-
ur hjá Vegagerðinni á Selfossi, sagði
að snjómokstur í Rangárvallasýslu
yrði boðinn út svo fljótt sem tími
ynnist til. Sagði hann að búast mætti
við að það yrði í haust. Verið væri
að taka upp nýtt kerfi við útboð á
snjómokstri. Á meðan það væri að
komast á yrði að raða verkefnum í
forgangsröð.
Hættum að
kaupa Svala
Hildur Bjarnadóttir hringdi:
Forráðamenn Miklagarðs sýndu
mikið geðleysi að láta einn við-
skiptavin njóta þess sem allir áttu
að fá þegar verslunin veitti afslátt
af Svala í tilefni tveggja ára afmælis
hennar. Það mátti skilja að afsláttur-
inn ætti að koma öllum neytendum
til góða. Einnig er það ósvífni af
Davíð Sch. Thorsteinssyni að hafa
af mér og mínum börnum það sem
verslunin ætlaði að bjóða okkur. Við
munum ekki neyta þessa drykkjar
framar.
hver maður sem tekst að tæla mann
til þess að neyta eiturs og kvelur
fórnarlambið til dauða. Samfélagið
verður um leið fyrir ómældum þján-
ingum og skaða.
Nei, þeir menn, sem stuðla að eitur-
lyíjaneyslu eða eru uppvísir að því
að smygla og dreifa eitri í íslensku
þjóðina, skulu dæmast til þyngstu
refsingar sem er ævilangt fangelsi.
Það þýða engin vettlingatök á slíkan
glæpalýð, það er krafa þjóðarinnar.
Núna fyrir nokkrum dögum var eit-
urlyfjasmyglari erlendis dæmdur í 30
ára fangelsi og sérstaklega tekið
fram að maðurinn yrði ekki náðaður.
Þetta sýnir að eiturlyfjasmyglarar
eru settir á bekk með morðingjum
víðast hvar erlendis.
Ef stjórnvöld á þslandi taka ekki
eiturlyfjasmyglarainnrásina í fsland
föstum og alvarlegum tökum eru þau
ekki stöðu sinnar verð og verða þau
talin samsek.
Margar spurningar vakna um
þessa voðalegu starfsemi sem menn
eru farnir að stunda hér á landi en
ég geymi þær að sinni.
Bréfritari telur að eiturlyfja-
smyglarar séu í raun og veru
ekkert annað en morðingjar.
Símaþjónusta á
heilsuhælinu í
Hveragerði verri
en á Litla-Hrauni
Kona utan af landi hringdi:
Ég vil vekja athygli á afgreiðslu
í sambandi við að hringja í sjúkl-
inga á Heilsuhælinu í Hveragerði.
Mér finnst alveg ömurlegt að ekki
skuli vera hægt að hringja í fólk
þar á kvöldin. Ég bý úti á landi og
reyni að nota mér að hringja á
kvöldin þegar skrefatalning er
ekki. En á heilsuhælinu er síma-
tíminn aðeins á milli kl. 9 og 12
og kl. 14 og 18. Þetta er verra held-
ur en á Litla-Hrauni, þangað er þó
hægt að hringja á kvöldin.