Dagblaðið Vísir - DV - 22.11.1985, Qupperneq 16

16
DV. FÖSTUDAGUR 22. NOVEMBER1985.
Spurningin
Fylgdist þú með heimsmeist-
araeinvíginu í skák?
Magnús Ingþórsson: Eg fylgdist með
síöustu skákunum og er ánægður með
úrslitin. Eg er samt ekki viss um að
Kasparov haldi titlinum lengi.
Kristmundur Magnússon: Mjög lítiö,
en ég er ánægður með úrslitin. Ég held
að Karpov geti náð titlinum aftur, þeir
eru svo jafnir.
Þórunn Lúðvíksdóttir: Nei, ég fylgdist
ekkert með því og veit ekki hver er
heimsmeistari.
Almar Eiríksson: Já, ég fylgdist vel
með einvíginu og er mjög sáttur við
nýja heimsmeistarann. Hann á eftir aö
halda titlinum lengi.
Guðmundur Aðalsteinsson: Eg fylgd-
ist ekki með einvíginu og kann sjálfur
varla mannganginn.
Maria Blrgisdóttir: Já, það geröi ég og
nú vona ég bara að Kasparov haldi titl-
inum lengi.
Lesendur Lesendur Lesendur Lesendur
EITURLYFJASMYGLARAR
SVÍFAST EINSKIS
Bergljót Þórðardóttir hringdi:
Ég vil taka undir skrif Magnúsar
Guðmundssonar um eiturlyfjasmygl-
ara. Það er alveg ljóst að hinn al-
menni borgari verður að láta í sér
heyra um þetta. Mér fmnst að yfir-
völdin taki of vægt á þessu máli.
Það er margbúið að sýna sig að
þetta fólk heldur alltaf áfram sinni
fyrri iðju þó það sé tekið og fangelsað
um tíma. Sektir og varðhöld hafa
engin áhrif. Það verður að loka þetta
fólk lengi inni. Þetta fólk eyðileggur
líf annarra til lífstíðar og svífst
einskis í þeim efnum. Virðist það
vera alveg samviskulaust gagnvart
fórnarlömbum sínum.
Því er eina ráðið að beita þetta
fólk alveg sömu aðferðum og það
beitir aðra, svo sem að fjötra það
fyrir lífstíð í fangelsi.
Ef yfirvöld fara ekki að gera eitt-
hvað róttækt hið bráðasta endar það
með því að hinn almenni borgari
tekur réttinn í sínar hendur.
Þjóðfélagið er ekki orðið eins
gegnumsýrt hér og víða erlendis af
þessum vágesti. Því er hægt að koma
í veg fyrir sama tjón og orðið hefur
erlendis svo fremi að rétt sé brugðist
við þessu. Það verður að gerast áður
en vandamálið verður verra. Og það
er eins gott að fólk geri sér grein
fyrir því að þetta er mál sem varðar
alla landsmenn.
Það er greinilegt að fólk óttast aukin umsvif eiturlyfjasmyglara og krefst hertra aðgerða áþví sviði.
„Ekki flótta-
„ fólk til
íslands”
Halldór Sigurðsson, Vesturb. 78,
skrifar:
Danir og Svíar eru orðnir þreyttir
á svokölluðu flóttafólki úr Suður-
löndum, en sumir kalla þetta fólk
letilýð, hvort sem það er rétt eða
ekki. A-Þýskaland hleypir þessu
fólki gegnum land sitt án vegabréfs.
í þessu „passalandi“ lokar lögreglan
augunum og hleypir öllum yfir til
Norðurlanda. Mér finnst að stöðva
eigi þessa flutninga. Norðurlöndun-
um ber engin skylda til að taka við
þessu fólki. Hvers vegna taka ekki
A-Þjóðverjar og önnur sæluríki í
A-Evrópu við þessu fólki, þar er sagt
að ekki sé atvinnuleysi né verðbólga.
Maður talar þá ekki um aðalsælurík-
ið, Sovétríkin, land hinna vinnandi
stétta.
Danir hafa orðið að þola ýmislegt
af þessu svokallaða flóttafólki, t.d.
morð, nauðganir og rán. Vart kemur
maður svo í veitingahús í Kaup-
mannahöfn að þessi Suðurlandalýð-
ur vaði ekki uppi með frekju og
ruddaskap. Danir hafa sagt sjálfir
að ástandið sé þannig að almenning-
ur sætti sig alls ekki við meiri fjölg-
un. Svo sennilega er engin lausn að
vísa flóttafólki til annarra Norður-
landa.
Island má alls ekki verða ösku-
tunna fyrir arabalöndin. Veit ég að
ísland mun ekki taka við úrhraki
annarra landa.
ÓÞ. skrifar:
Eins og flestir, ef ekki allir, muna
sem aka um Hvalfjörðinn eru á þeirri
leið þrír veitingastaðir, Botnsskáli,
Þyrill og Ferstikla. Ekki er ólíklegt
að tveir þessara staða, sem menn
koma fyrst að úr hvorri átt, taki
drjúgan ef ekki drýgstan hlut við-
skiptanna, enda hefur mér virst svo
sem vegfaranda mörgum sinnum á
sumri. En nú er það ekki lengur þar
sem búið er að loka, fyrirvaralaust
og án þess að auglýst sé, bæði í
Ferstiklu og í Botnsskálanum. Tæp-
lega verður það talið stórmannlegt
að hirða sumargróðann, sem vitan-
lega skiptir öllu með heildarafkom-
una, en loka svo þegar vetur er
kominn eða í nánd og hlaupa burt
með peningapokann. Og þá, á vetrar-
dögum, hafa vegfarendur miklu meiri
þörf fyrir þjónustuna en á sumrin.
Ef sú flugufregn er sönn sem ég
heyrði á ferð minni um Hvalfjörð
helgina 2.-3. nóv. sl. að Ferstiklu -
skálinn væri kominn „á hausinn"
gegnir að vísu dálítið öðru máli. Það
er nauðvörn ef svo er og sannar það
að veitingarnar hafa verið seldar á
of lágu verði ef önnur atriði starf-
seminnar hafa verið í lagi. Þyrill á
Miðsandi við olíustöð Essó er enn
opinn og vegna þeirra fjölmörgu sem
leið eiga um Hvalfjörð á komandi
vetri er vonandi að svo verði áfram.
Það er ómetanlegt á þessari stundum
erfiðu leið að hafa afdrep og þjónustu
þó ekki væri nema til að rétta úr sér
og safna kjarki til áframhalds ferðar.
Og þegar vorar á ný og lokur verða
væntanlega dregnar frá dyrum í
Botnsskála og í Ferstiklu er ekki úr
vegi fyrir vegfarendur að hafa í huga
þennan „kúltúr" ferðamannaþjón-
ustunnar. Og hvað um olíufélögin?
Frjáls verð-
lagning hjá
leigubflum
J. G. hringdi:
Mig langar að koma með þá fyrir-
spurn til verðlagsstjóra; af hverju
taxti leigubíla og sendibíla sé ekki
gefinn frjáls því næg samkeppni virð-
ist ríkja í þessari stétt.
Jóhannes Gunnarsson, upplýs-
ingafulltrúi Verðlagsstofnunar:
Það er Verðlagsráð sem tekur
ákvarðanir um slíka hluti og getur
gefið verð frjálst ef réttar forsendur
og aðstæður eru fyrir hendi.
Um þessa grein má segja það að
ákveðnar samkeppnishömlur eru
fyrir hendi, s.s. takmörk á það hverjir
mega vinna við leigubílaakstur. En
ef þetta yrði gefið frjálst væri bannað
að hafa samræmda taxta milli leigu-
bíla.
Hvalfjörðurinn er langur og það er seinlegt að keyra um hann.
Því er þægilegt fyrir ferðamenn að geta stoppað einhvers staðar.
Yfir vetrarmánuðina fækkar áningarstöðum mjög.
Hvalfjörður:
Veitingastöðum lok-
að að vetri til
Hafnarfjörður:
„Vottagjöldin renna í vasa starfsfólksins hjá fógeta”
Lesandi hringdi:
Mér fmnst það dálítið skrítið að
starfsfólkið hjá bæjarfógetanum í
Hafnarfirði skuli sjálft fá vottagjöld
í eigin vasa. Þetta fólk fer a.m.k. eina
utanlandsferð á ári auk þess að fara
nokkrum sinnum út að borða.
Hjá bæjarfógetanum í Hafnar-
firði varð Hlöðver Kjartansson
fyrir svörum:
Samkvæmt lögum á þingvottur rétt
á þóknun og það er dómari sem
ákveður hve hún er há. í stað þess
að vottagjöldin fari í vasa viðkom-
andi starfsmanns fara þau í félags-
sjóð sem er notaður á ýmsa lund.
Það má vera að viðkomandi ætti
að fá upphæðina í eigin vasa. En
með þessu fyrirkomulagi fá allir
starfsmenn jafnt úr þessum sjóði.
Ekki er það rétt að sjóðurinn kosti
utanlandsferðir, hann kemur aðeins
upp í þær að litlum hluta.