Dagblaðið Vísir - DV - 01.08.1986, Blaðsíða 32

44
FÖSTUDAGUR 1. ÁGÚST 1986.
Sviðsljós
Joan Collins
á i mesta brasi meö eiginmann-
inn Peter Holm. Hann er vitlaus
af afbrýðisemi vegna George
Hamilton sem leikur aðalhlut-
verk á móti Joan í sjónvarps-
myndaflokknum Monte Carlo.
Peter stendur eins og refsiengill
almaettisins yfir leikendunum
þegar upptökur á ástarsenum
standa yfir og fylgist með hverri
hreyfingu. Joan og George eru
aldavinir en samt er þessi gamli
sjarmur að verða uppgefinn á
vinnuaðstöðunni - viðstaddir
segja hann hlaupa til hliðar eftir
hverja töku og úða i sig gulrót-
um og kamillutei til þess að róa
taugarnar.
„Akkuru hefurðu svona
stóran munn, amma?“
Meðfylgjandi mynd gerir hvort tveggja í senn - minnir á háls-
bólgu og kvef sem hefur verið að ganga hér á höfuðborgarsvæð-
inu að undanförnu en vekur líka gamlar minningar um
ógnvekjandi ævintýrasögur, sérstaklega ætlaðar litlum börnum.
Rauðhetta er þar efst á blaði.
Annars er þetta fjölbragðakappinn Sanan að kvelja og hæða
andstæðing sinn fyrir keppni. Sanan starfar í Thailandi og sér-
hæfir sig i baráttu við krókódíla sem hafa verið þjálfaðir í fjöl-
bragðaglímu. Þess skal getið að ennþá hefur Sanan unnið allar
sínar keppnir - krókagreyin falla yfirleitt á rangri tækni.
Ölyginn
sagði...
Taukrílin seldust grimmt hjá hönnuðinum Svövu Guðmundsdóttur.
Grjótið hennar Oddnýjarfrá Fáskrúðsfirði vakti mikla athygli vegfarenda.
■»
Stefanía
af Mónakó
talaði í fyrsta skipti opinberlega
um dauða móður sinnar í við-
tali við franskan blaðamann fyrir
skömmu. Hann er persónulegur
vinur prinsessunnar og fékk
hana til þess að tjá sig um slys-
ið og baráttuna fyrir því að ná
sér andlega eftir þetta mikla
áfall. Meðal annars er hún á leið
í dáleiðslumeðferð til þess að
reyna að hætta að naga negl-
urnar en það hefur verið mikið
vandamál síðustu árin.
Vsinn
í Austurstræti
Austurstræti - ys og læti - sagði
spekingurinn. í þessari göngugötu
höfuðborgarbúa er núna ennþá
meiri ys og læti en áður, ekki síst
þegar sólin skín. Undanfarna daga
hefur veðrið einmitt leikið við vel-
flesta landsmenn og fjöldi manna
leggur leið sína um göngugötuna
dag hvern.
Þegar Sviðsljósið heimsótti
göngugötuna einn góðviðrisdaginn-
var létt yfir mönnum, enda sólskin
og blíða. Alþingismenn, ferðaskrif-
stofukóngar og skrifstofufólk var
þarna, ekki síður en ferðamenn,
verslunarfólk og listamenn. Við-
skipti af ýmsu tagi með líflegra
móti og hún Svava Guðmunds-
dóttir seldi taukríli af krafti.
„Ég hef gert þessar fígúrur í
nokkra mánuði en ekki komið
hingað áður,“ sagði Svava. „En
salan gengur ágætlega hérna.“
Auðug af grjóti?
Umkringd forvitnum áhorfend-
um sat Oddný Guðmundsdóttir
innan um steina úr holtum og hæð-
um austanlands. Ferðamenn sýndu
mikinn áhuga en landinn vildi líka
vita hvaðan grjótið kæmi og hverr-
ar tegundar það væri.
„Þetta er líklega fyrsta steinasal-
an á torginu sjálfu,“ segir Oddný.
„Og túristarnir kaupa aðallega,
spyrja um gerðimar og sumir vita
jafnvel meira en maður sjálfur.
Efnið er mestmegnis frá mínum
heimaslóðum - Fáskrúðsfirði - en
það er erfitt að safna þessu. Mikill
burður og erfiðar göngur og ég
verð örugglega ekki rík af þessu.“
Við Djúsbarinn var kvenmaður i
sumarkjól að snæða miðdegisverð
af góðri lyst. Reyndist vera einn
eigenda staðarins Margrét Ponzi
- og kom vart upp orði fyrir ánægju
með máltíðina. Meðeigandinn,
Olga Olgeirsdóttir, sagði þetta
enga uppgerð, mikil sala væri í
veitingunum, einkum þó ávax-
taflippinu sem selst betur en heitar
lummur. Og útibúið í Hlaðvarpan-
um við Vesturgötuna blómstrar
líka.
Eftir hádegið fækkar yfirleitt að-
eins á torginu en glæðist að mun
þegar líður að kaffitímanum. Og
um fjögur er líklega fjölmennast
enda menn að byrja að streyma frá
vinnu. Sú var líka raunin þennan
dag, trúðurinn á torginu pakkaði
saman og sama gerðu trúboðarnir
sem höfðu alllengi boðað fagnaðar-
erindið með fjölda áheyrenda.
Til hliðar við allan ysinn sátu
þeir rólyndustu i bakgarðinum á
Hressó, hlustuðu á flugnasuð, fugl-
atíst og fjarlægan kliðinn frá
göngugötunni, skrifuðu bréf,
ræddu saman lágróma mjög - sum-
ir nýttu tímann til lestrar. Flestir
fundu eitthvað við sitt hæfi á sama
blettinum í borgarmiðju og skín-
andi sólin hafði mýkjandi áhrif á
mannsandann.
Hreyfill býður sætaferðir til Keflavíkur
Ef þú ert á leið til útlanda er þægilegt að fara fyrsta spölinn í Heyfilsbíl.
Hringdu i okkur með góðum fyrirvara og greindu frá áætluðum flugtíma. Við vekjum þig
með hressilegri símhringingu, óskir þú þess.
68 55 22