Dagblaðið Vísir - DV - 08.08.1986, Blaðsíða 9
FÖSTUDAGUR 8. ÁGÚST 1986.
9
Utlönd
Háttsettur njósnari
fær hæli hjá Rússum
„vesæll Irtill kart“, segir fyrrum yfirmaður CIA
Bandarískum njósnara hefur verið
veitt hæli í Sovétríkjunum. V ar þetta
gert af „mannúðarástæðum" að því
er segir í skeyti frá sovésku frétta-
stofunni Tass í gær. Þetta er í fyrsta
sinn sem erindreki bandarísku leyni-
þjónustunnar, CIA, leitar hælis í
Sovétríkjunum.
Njósnarinn sem hér um ræðir,
Edward Lee Howard, var rekinn úr
starfi hjá bandarísku leyniþjón-
ustunni árið 1983 fyrir eiturlyíja-
notkun. Einnig þótti hann hafa
staðið sig illa á lygaprófi.
Fram að þeim tíma hafði leyni-
þjónustan verið að búa Howard
undir stöðu í Moskvu og veitt hon-
um ýmsar mikilvægar upplýsingar í
því skyni. Þegar Howard var rekinn
sneri hann sér til Sovétmanna og
sagði þeim allt sem honum hafði
verið kennt. Að sögn bandarískra
embættismanna varð það til að grafa
mjög undir njósnaneti Bandaríkja-
manna í Sovétríkjunum. Einnig mun
það hafa leitt til þess að erindreki
bandarísku leyniþjónustunnar var
tekinn af lífi.
Bæði leyniþjónustan, CIA, og al-
ríkislögreglan, FBI, hafa orðið að
sæta harðri gagmýni í Bandaríkjun-
um vegna þessa máls. Grunsemdir
William Colby, fyrrum yfirmaður
CIA, segir að njósnarinn sem strauk
til Sovétríkjanna eigi ekki sjö dag-
ana sæla framundan.
vöknuðu í fyrra um að ekki væri
allt með felldu hjá þessum fyrrum
starfsmanni leyniþjónustunnar, og
var hann undir eftirliti bandarísku
alríkislögreglunnar þegar hann
slapp úr landi og hvarf í september
1985.
William Colby, fyrrum yfirmaður
CIA, sagði um Howard í gær að
hann væri „vesæll lítill karl sem
sveik þjóð sína“. Colby sagði að
Howard myndi eflaust enda í ein-
hveiju leiðindastarfi og lifa frekar
einmanalegu lífi það sem eftir væri.
„Það hefði varla getað hent betri
mann,“ sagði Colby.
Stærsti fiskur
sem veiðst
hefur á stöng
Stærsta fiski sem veiðst hefur á
stöng var slöngvað um borð í bát fyrir
utan New York í gær. Var.það rúm-
lega fimm metra langur hvítur hákarl
sem vó 1.565 kíló þegar komið var á
þurrt.
Skepnan náðist um fjöruíu kíló-
metra austur af Long Island, sem er í
New York fylki, og tók það veiði-
manninn hátt í tvær klukkustundir
að landa þeim stóra. Alþjóðleg veiði-
samtök munu í dag mæla fiskinn og
vigta, og jafhframt kanna veiðarfæri,
til að staðfesta að heimsmet hafi verið
sett.
Veiðikóngurinn var að vonum á-
nægður með feng sinn. I viðtali við
fréttamann sagðist hann ætla að fá sér
lúr en halda síðan aftur til veiða á
morgun.
Enn fjölgar atvinnu
leysingjum í Belgíu
Kristján Bemburg, DV, Lokeren;
Enn fjölgar þeim er ganga at-
vinnulausir hér í Belgíu. í síðasta
mánuði einum fjölgaði atvinnu-
lausum um 5800.
Bæði er fjölgunin hjá Flæmingj-
um og Vallónum. Aðeins í Brussel
minnkaði atvinnuleysið. 1 júlí síð-
astliðnum voru 437 þúsund Belgar
á atvinnuleysisskrá, þar af 179
þúsund karlmenn og 256 þúsund
konur.
Alls eru íbúar Belgíu rúmlega tíu
milljónir.
Hvítur hákarl eins og sá sem veiddist fyrir utan New York i gær.
Boesak
styður
Ingvar
Carlsson
GuraJaugux A Jcnæon, DV, Lundi;
„Það hefúr tekist með okkur
Carlsson náinn persónulegur vin-
skapur sem ég met mjög mikils.
Ég skil vel hvers vegna sænska
stjómin vill bíða átekta nú þegar
svo mikið er að gerast í málefnum
Suður-Afríku. Eg sfyð sænsku
stjómina og ber fyllsta traust til
hennar," sagði blökkumaðurinn
Alan Boesak, varaforseti kirkjur-
áðs Suður-Afríku í gær.
Boesak átti þá kíukkustundar-
fund með Carlsson, forsætisráð-
herra Svíþjóðar, í Mexíkó en
þangað var Boesak boðinn tii að
fylgjast með fundi fimm heimsálfa
klúbbsins svonefnda.
Þessi stuðningur Boesak við
Carlsson var vafalaust mjög dýr-
mætur vegna þeirrar gagnrýni er
sænska ríkisstjómin hefur sætt
upp á siðkastið og ekki síst Carls-
son persónulega sem sakaður
hefur verið um að hafa svikið
stefiiu flokks Palme gagnvart Suð-
ur-Afríku.
Boesak hefúr verið boðið til Sví-
þjóðar í október næstkomandi af
Jafnaðarmannaflokknum sænska.
„Þá munum við halda þeim við-
ræðum áfram sem við höfum átt í
dag,“ sagði Boesak.
írakskar
loftárásir
írakskar herþotur réðust í gær á
orkuver og olíuhreinsunarstöðvar
í íran. Talsmenn stjómvalda í írak
sögðu að árásimar hefðu verið
gerðar til að hefna fyrir nýlegar
árásir írana á fjölda írakskra borg-
ara.
Tvö olíuflutningaskip, sem stödd
vom skammt frá Kargeyju á
Persaflóa, urðu einnig fyrir tjóni í
þessum árásum. Skipin sigldu und-
ir fánum Láberíu og Panama.
Klerkurinn Khomeni sagði
írönskum pílagrímum á leið til
Mekka í gær að ekki kæmi til
greina að semja frið við íraka.
Slíkt væri brot gegn Islam og
myndi leiða til þess að stórveldin
legðu íran undir sig.
RALLY
CROSS
Rallycross- og Motocross-keppni á
sunnudaginn kl. 14.00 við Kjóavelli.
í síðustu keppni fylgdust 2000 manns með hörku
kappakstri á keppnisbraut BÍKR og nú endurtökum
við leikinn.
Miðaverð kr. 150 og ókeypis fyrir börn í fylgd með
fullorðnum.
IX/frTDAF
iVlrL 1 dUiV
Góð afkoma leyflr vaxtahækkun
Metbók hækkar um 1%
Ársávöxtun 16,1%
BÚNAÐARBANKINN TRAUSTUR BANKI