Dagblaðið Vísir - DV - 14.11.1986, Blaðsíða 9

FÖSTUDAGUR 14. NÓVEMBER 1986.
9
Utlönd
Lífsafkoma glæpamanna
skiptir ekki máli
- segir Paul Watson um íslendinga og segir að skemmdarverk Sea Shepherd verði sem rothögg á íslenskar hvalveiðar
Paul Watson, forystumaöur Sea Shepherd, segist fullviss um aö það veröi of
dýrt fyrir íslendinga að ná hvalbátunum upp og koma þeim i gagnið á ný,
hagnaðurinn af hvalveiðunum sé einfaldlega ekki nógu mikill. Kaliforniubúinn
Rodney Coronado, til hægri, viðurkenndi ekki að hafa tekið þátt i skemmdar-
verkunum á íslandi, en kvaðst á sama tima koma til landsins að sumarlagi
næst, ef hann kæmi þá hingað aftur, því um þessar mundir væri of kalt fyrir
hann á íslandi. DV-mynd Ólafur Arnarson
Ólafur Amaisan, DV, New York;
Sea Shepherd samtökin ,sem um síð-
ustu helgi unnu spellvirki 4 eignum
Hvals hf., héldu í gær fund með blaða-
mönnum í New York.
Fundurinn var haldinn í húsakynn-
um bandarískra náttúruvemdarsam-
taka er nefnast Sjóður fyrir dýr, eða
„Fund for Animals" á frummálinu.
Þessi samtök hafa á undanfömum
árum átt mikil samskipti við Sea Shep-
herd samtökin um hryðjuverk á hafi
úti. Má í því sambandi meðal annars
minna á þegar hvalveiðiskipum var
sökkt undan ströndum Spánar og
Portúgals fyrir nokkrum árum.
Að þessu sinni munu samtökin ekki
hafa vitað um ráðagerðir Sea Shep-
herd manna.
Af hálfu Sea Shepherd sátu fyrir
svömm Paul Watson, formaður sam-
takanna, og Rodney Coronado, tvítug-
ur skipverji á skipi samtakanna, og
annar þeirra er unnu tjón á eignum
Hvals hf. um síðustu helgi.
Watson hóf fúndinn á því að til-
kynna að samkvæmt ráðum lögfræð-
inga myndi Rodney Coronado ekki
ræða atburðarásina á íslandi nema í
þriðju persónu.
Sagðist Watson hins vegar geta tal-
að fyrir hans hönd.
í viðtali sem DV átti við þá félaga
eftir fundinn sagði Watson að ástæða
þessa væri sú að samkvæmt banda-
rískum lögum bæri sakbomingi ekki
skylda til að játa sök sína og þar með
sakfella sig.
Watson sagði að samtök sín gripu
einungis til svona hörkulegra aðgerða
gegn Islandi þegar búið væri að reyna
allar friðsamlegar aðferðir. Er blaða-
maður spurði Watson út í ummæli el'
höfð voru eftir honum í New York
Times í gær um að hann hefði áhyggj-
ur af því að David Howard, Bretinn
sem tók þátt í spellvirkjunum á ís-
landi með Coronado um síðustu helgi,
yrði framseldur frá Bretlandi til Is-
lands, sagði Watson. „Við eigum við
vandamál að stríða í heiminum í dag.
Það er mikið um hræsni og mótsagnir
í stjómmálalífi Vesturlanda. Við erum
nú með konu eins og frú Thatcher sem
sagði ekki orð til að mótmæla er
bresku skipi var sökkt og eitt líf tapað-
ist í höfh í einu af ríkjum Breska
samveldisins. Hún taldi það ekki vera
hryðjuverk. En konan hatar náttúru-
vemdarsinna og ég held að hún sé vís
til að misnota vald sitt til að ná fram
hefhdum gegn þeim.“
Óttast ekki framsal Coronado
Er DV spurði Watson hvers vegna
hann hefði ekki samskonar áhyggjur
af kröfum íslendinga um hugsanlegt
firamsal Bandaríkjamannsins sagði
hann. „Bandaríkin em frjálst ríki og
ef bandarískur ríkisborgari verður
framseldur til lands þar sem hann er
ákærður fyrir afskipti gegn ólöglegu
athæfi skapar það ákaflega erfiða að-
töðu-fyrir bandarísk stjómvöld og ég
held að undir slíkum kringumstæðum
verði Coronado ekki framseldur. Hér
em mannréttindin heilög. Það hefði
rnikið auglýsingagildi fyrir okkur ef
réttarhöld fæm fram í slíku framsals-
máli. Þá gæfist okkur kostur á að sýna
fram á að Islendingar em að fremja
glæp“.
Watson lýsti þvi yfir að hann væri
hreykinn af því að geta skýrt frá því
að það hefðu verið Sea Shepherd sam-
tökin sem hefðu sökkt hvalveiðibátun-
um í Reykjavíkurhöfh og eyðilagt
hvalstöðina í Hvalfirði.
Sagði hann að samtök sín og ein-
stakir félagsmenn vildu fúsir taka alla
ábyrgð á gjörðum sínum og það væri
einmitt það sem verið væri að gera
með þessum blaðamannafundi. Sagði
Watson að Sea Shepherd samtökin
hefðu haft þá ábyrgð á hendi að fram-
fylgja reglum Alþjóða hvalveiðiráðs-
ins gegn ríki er bryti þær reglur og
stundaði sjóræningjahvalveiðar.
Watson sagði að það hefði orðið ljóst
á þessu ári að Islendingar og Norð-
menn ætluðu að virða að vettugi bann
Alþjóða hvalveiðiráðsins við hval-
veiðum er tók gildi um síðustu áramót.
Islendingar hefðu síðan, að sögn
Watsons, lagt fram umsókn í vísinda-
nefnd ráðsins um að fá að stunda
hvalveiðar í vísindaskyni. Þessari
umsókn hefði verið hafnað með þeim
dómi nefndarinnar að hún gæti ekki
stuðlað að vændi með vísindin með
því að styðja svokallaðar vísindaveið-
ar íslands.
Hvalaafurðir og leiðtogafundur
Watson sagði að íslendingar hefðu á
fundi Alþjóða hvalveiðiráðsins lýst því
yfir að þeir myndu halda hvalveiðum
áfram hvað sem tautaði. Undir slíkum
kringumstæðum hefði einungis ein
von verið eftir fyrir hvali og sú hefði
verið að bandarísk stjómvöld settu
viðskiptabann á Island.
Watson sagði ástæðu þess að við-
skiptabann hefði ekki verið sett á
Island þá að Reagan forseti hefði
ákveðið að hundsa bandarísk lög og
jafnframt lýst því yfir að ekki kæmi
til greina að setja viðskiptabann á
bandalagsríki í Nató.
Þannig hefðu ekki önnur ráð verið
tiltæk en vinna skemmdarverk.
Watson sagði á fundinum að ísland
væri helsti lögbrjóturinn í heiminum
í dag gegn reglum um bann við hval-
veiði. Hann sagði jafnframt að Reagan
hefði gert samning við íslensk stjórn-
völd um að selja mætti 49 prósent af
íslenskum hvalaafurðum til Japans,
og í staðinn fengið að halda leiðtoga-
fúndinn í Reykjavik.
Sagði Watson að þegar ofangreint
hefði verið ljóst hefði verið ákveðið
að senda sveit frá Sea Shepherd sam-
tökunum til Islands í október síðast-
liðnum. Einnig hefði skip þeirra Sea
Shepherd manna,-komið til Reykja-
víkur í ágúst 1985 til að taka vatn og
vistir.
Þá hefði gefist gott tækifæri til að
gera uppdrætti af höfninni. Með þau
gögn í höndunum hefðu liðsmenn sín-
ir eytt miklum tíma til athugunar á
aðstæðum. Annar mannanna fékk at-
vinnu á Islandi er gerði honum kleift
að fara allra sinna ferða um höfnina
og umhverfis hvalbátana. Þegar síðan
rétta tækifærið hefði gefist, að kvöldi
áttunda nóvember síðastliðins, hefðu
þeir farið að hvalstöðinni í Hvalfirði
með það meginmarkmið að valda eins
miklu efnahagslegu tjóni og unnt
væri.
Að þvi búnu hefðu þeir farið til
Reykjavíkur og að höfninni þar sem
hvalbátar lágu. Þar hefðu menn sínir
farið um borð í tvo af þrem hvalbátum
er þar voru og opnað botnlokur. Því
verki hefði verið lokið um klukkan
fimm tuttugu og um sex hefði skipin
verið sokkin.
Síðan hefðu tvímenningamir farið
rakleiðis út á Keflavíkurflugvöll. Á
leiðinni hefðu þeir verið stöðvaðir af
lögreglu er gerði á þeim ölvunarpróf,
en síðan verið sleppt og komist í tíma
fyrir flug frá íslandi.
Æðri lög en íslensk
Sagðist Watson telja að aðgerðin hefði
heppnast fuflkomlega og að hún yrði
rothögg fyrir íslenskar hvalveiðar. Er
Rodney Coronado var spurður þess
hvort það ylli honum ekki áhyggjum
að nú hefði verið gefin út handtöku-
skipun á hann á Islandi sagði hann.
„Ég er sakaður um að hafa brotið ís-
lensk lög. þeir eru hins vegar að brjóta
alþjóðalög. Ég tel að minn verknaður
hafi verið framinn undir mun æðri
lögum en þeim íslensku."
Coranodo sagði að báðir liðsmenn
Sea Shepherd sveitarinnar hefðu farið
um borð í hvalveiðibátana. Sagði hann
að engir Islendingar hefðu átt aðild
að málinu og engir íslendingar vitað
af vist sveitarinnar á íslandi, þrátt
fyrir að hún hefði verið þar í þrjár og
hálfa viku.
Watson sagðist þess fullviss að hval-
bátamir yrðu ekki lagfærðir vegna
þess hve dýrt það væri og að hagnað-
ur íslendingar af hvalveiðum væri
ekki nógu mikill til að mæta þeim
kostnaði. Watson sagði aðspurður að
sennilega hefði Sea Shepherd aldrei
áður tekist að valda jafnmiklu tjóni í
einni aðgerð. Aðspurður um það hvort
samtök sín bæru enga virðingu fyrir
lífsafkomu íslensku þjóðarinnar sagði
Watson að lífsafkoma glæpamanna
skipti ekki máli, þeir ættu engan rétt.
Watson sagðist geta staðfest að Cor-
onado væri annar spellvirkjanna. en
neitaði að gefa frekari upplýsingar um
Bretann er tekið hefði þátt, aðrar en
þær að hann héti David og notaði
dulnefnið Howard sem eftirnafn.
Kalt á íslandi
Hins vegar sagðist hann myndu stað-
festa upplýsingar eftir því sem íslenska
lögreglan gerði þær opinberar. Hann
sagðist ekki ætla að gera íslensku lög-
reglunni auðveldara fyrr en nauðsyn-
legt væri.
I viðtali DV við Coronado eftir fund-
inn neitaði hann að svara öllum
spurningum um það hvort hann hefði
. verið á íslandi, en aðspurður um hvort
hann hygðist fara aftur til íslands
sagði Coronado, að eins og málum
væri háttað þá væri það ólíklegt á
næstunni, en ef hann færi aftur þá
myndi hann gera það að sumarlagi því
það væri allt of kalt á íslandi á þessum
árstíma.
VAKTÞJÓNUSTA HEIMILISLÆKNA
Frá og með 15; nóvember nk. tekur Laeknavaktin sf. við rekstri sameiginlegrar vitjunarþjónustu laeknavakt-
arinnar í Reykjavik, Kópavogi og á Seltjarnarnesi. Samtímis fellur niður göngudeildarþjónusta heimilis-
lækna, sem áður var í húsnæði Landspítalans.
Læknavaktin mun frá þeim degi sameina upplýsinga-, vitjana- og móttökuþjónustu í húsnæði Heilsu-
verndarstöðvarinnar við Barónsstíg, þar sem tannlæknaþjónustan var áður.
Allar nánari upplýsingar verða veittar af hjúkrunarfræðingum og læknum vaktarinnar í síma 21230, frá
kl. 17.00-08.00 virka daga, en allan sólarhringinn á helgi- og stórhátíðardögum.
Læknavaktin sf. Sjúkrasamlag Reykjavíkur.
KOKUBASAR
Kirkjufélag DigranesprestakaUs heldur basar í Safnaöarheimilinu Bjamhólastíg 26 -
Kópavogi laugardaginn 15. nóvember kl. 14.00. Á boðstólum verða: kökur og margt fleira.
Komið og gerið góð kaup.
FJÁRÖFLUNARNEFNDIN.