Dagblaðið Vísir - DV - 05.06.1987, Blaðsíða 4

4
FÖSTUDAGUR 5. JÚNÍ 1987.
Fréttir
Milljónatjón á Selfossi
Hitaveituvatnið tærir upp ofna í húsum
Kristján Einaissan, DV, SeHbssi;
Ofnar leka og skemma innbú vegna tæringar sem hitaveituvatnið veldur.
íbúar Selfoss hafa orðið fyrir millj-
ónatjóni vegna þess að ofnar í húsum
þeirra tærast og göt koma á þá. Dæmi
eru um að þurft hafi að skipta um alla
ofha í 10 ára gömlu íbúðarhúsi.
Hitaveituvatnið á Selfossi inniheld-
ur mikið magn súrefnis og salts sem
valda tæringu. Forráðamenn hitavei-
tunnar hafa allt frá 1970 haldið því
fram að vatnið sé nægilega gott til að
tengja það beint í hitakerfi húsa. Ann-
að hefur komið í ljós þvi þeir einir sem
hafa svokallaðan forhitara sleppa við
skemmdir af völdum tæringu. For-
hitari gerir það að verkum að það er
alltaf sama vatnið sem er í hitakerfi
húsa. Án forhitara er stöðugt inn-
streymi á vatni sem veldur tæringu.
Um það bil 500 hús á Selfossi eru
án forhitara og getur kostnaður við
endumýjun ofna og uppsetningu for-
hitara numið allt að 170 þúsund
krónum á hús. Samtals gerir þetta 85
milljónir króna. Þá eru skemmdir á
innanstokksmunum vegna leka ekki
teknar með í reikninginn. Trygginga-
félög á Selfossi hafa ekki farið var-
hluta af kröfúm um bætur á
innanstokksmunum.
Rætur vandans
Kunnugir telja að rætur vandans
liggi i borholu sem tekin var í notkun
á hitaveitusvæðinu við Laugardæli
fyrir um það bil þremur árum. Úr bor-
holunni er tekið vatn sem inniheldur
þetta salta og súrefnisríka vatn sem
tærir ofnana.
Forráðamenn hitaveitunnar hafa
allan tímann vitað af þessu og tvisvar
hefur málið verið tekið fyrir í veitu-
nefnd en einhverra hluta vegna hafa
húseigendur ekki verið aðvaraðir.
Nokkur urgur er í fólki vegna þess
að ekkert hefúr heyrst frá hitaveitunni
og em nú þegar í gangi umræður
manna á milli um að setja fram bótakr-
öfúr. Telur fólk að því sé seld gölluð
vara sem valdi tjóni á eigum þeirra.
Að sögn pípulagningamanna er eina ■
örugga leiðin til að forðast tæringar-
skemmdir að setja upp forhitará. Sú
fi'amkvæmd, ásamt nýjum ofnum, get-
ur kostað allt að 170 þúsund krónur
fyrir venjulegt hús.
Fyrrverandi staifsmaður embættis byggingafulltrua:
~í
Forhitari, sem nauðsynlegur er til að komast hjá tæringu, kostar 70 þúsund
krónur uppsettur. Ijósm; KE
Byggingafulltrúi taldi
heppilegra að menn
tækju sjálfir út eigin hús
Björgvin Víglundsson, fyrrverandi
starfsmaður hjá embætti byggingafull-
trúans í Reykjavík, segir að Gunnar
Sigurðsson byggingafulltrúi hafi sagt
við sig og fleiri að hann teldi heppi-
legra að þeir starfsmenn sem hönnuðu
hús sæju sjálfir um úttekt á þeim hús-
um.
Björgvin sagði líka að Gunnar hefði
ekki viljað að menn sæju sjálfir um
að stimpla eigin teikningar, það gerði
hann sjálfur en í forfollum Gunnars
sá skrifstofustjóri embættisins um
stimplunina en hann er ekki tækni-
menntaður.
Varðandi grein í DV á þriðjudag,
þar sem rakin var byggingarsaga húss-
ins númer 18 við Eldshöfða, vildi
Björgvin koma að athugasemd en
Björgvin annaðist teikningar að hús-
inu. Varðandi reikninginn sem
lögmaður sinn hefði sent húsbyggjend-
unum sagði Björgvin að hann hefði
verið sendur einfaldlega til að reyna
að fá greitt. Björgvin sagði að vissu-
lega væru deilur á milli aðila um
upphæðir, því hefði hann talið nauð-
synlegt að reyna þessa leið í inn-
heimtunni. Reikningurinn hefði verið
settur upp samkvæmt gjaldskrá. Taf-
imar, sem orðið hefðu á byggingunni,
vildi Björgvin ekki kenna sér um og
sagði að aldrei hefði verið haft sam-
band við sig vegna styrkingar á húsinu
og auk þess taldi hann að ekki þyrfti
að styrkja húsið. Sagðist hann ætla
að telja svo vera þar til einhver af-
sannaði það með haldbærum rökum.
-sme
Húsin falla í verði
Það var skoðun þeirra sem álits var
leitað hjá að eftir að kunngert hafði
verið á hvaða tíu byggingum burðar-
þol var kannað að viðkomandi hús
gætu orðið erfið í sölu ef á það yrði
reynt.
Þórólfúr Halldórsson, formaður Fé-
lags fasteignasala, sagðist reikna með
að erfitt gæti reynst að selja húsin,
að minnsta kosti fyrst um sinn eða þar
til gerðar hefðu verið nauðsynlegar
endurbætur á húsunum.
Stanley Pálsson verkfræðingur tók
að nokkm leyti undir skoðun Þórólfs.
Stanley sagði að ef sú yrði raunin yrði
fjárhagslegt tap eigenda húsanna mik-
ið. Sem dæmi má nefúa að hugsanlegt
söluverð hússins númer 50C við Skip-
holt er rétt um eitt hundrað milljónir.
Nú er verið að byggja hús við hlið
þess fyrmefnda eftir sömu teikningum.
Ef söluverð hvors húss fellur um tíu
til tuttugu prósent falla þessar eignir
í verði um tuttugu til fjörutíu milljón-
ir króna.
Halldóra Viktorsdóttir hjá Frjálsu
framtaki sagði að eftirspum eftir leigu
í hinu nýja húsi við Skipholt hefði
ekki minnkað þrátt fyrir niðurstöður
burðarþolsskýrslunnar. En Frjálst
framtak á stóran hluta í húsunum
Skipholti 50B og 50C og hefur auglýst
að undanfomu húsnæði til leigu í öðru
húsinu.
í máli Þórólfs Halldórssonar, for-
manns Félags fasteignasala, kom fram
að þegar hús væri selt og ágallar
kæmu fram síðar væri um leyndan
galla að ræða. Það er að segja ef selj-
anda hefði ekki verið kunnugt um
ástand hússins. Hins vegar væru það
hrein svik ef seljandi vissi um galla
húss en segði ekki frá þeim við sölu.
-sme
Viðtaliö 13 v
,Ætli ég dundi ekki við
uppboðsréttinn um helgar"
segir Már Pétursson, nýskipaður bæjarfógeti í Hafnarfirði
Már Pétursson, bæjarfógeti í Hafnarfirði, á skrifstofu sinni.
DV-mynd KAE
„Bæjarfógetaembætti, dómstólar
og stjómsýslustofnanir taka sem
betur fer ekki stökkbreytingum en
þar er jafnan um nokkra þróun að
ræða. Ég hef ekki hugsað mér að
gera neinar umbyltingar á embætti
bæjarfógetans í Hafnarfirði," sagði
Már Pétursson, nýskipaður bæjar-
fógeti í Hafnarfirði, í samtali við DV
þegar hann var spurður að því hvort
breytinga væri að vænta á embætt-
inu með skipan hans í það.
„Skyldur, eða hlutverk, embættis
bæjarfógeta em í raun tvíþættar.
Þær felast annars vegar í því að
hann er umboðsmaður ríkisvaldsins
í héraðinu og hins vegar er bæjarfóg-
eti umboðsmaður fólksins gagnvart
ríkisvaldinu. Síðustu áratugina hef-
ur tilhneigingin verið sú að valdið
hefur verið flutt frá bæjarfógeta- og
sýslumannsembættunum til annarra
stofnana ríkisvaldsins, valdið hefur
með öðrum orðum verið flutt úr hér-
aði til miðstjómarvaldsins í Reykja-
vík,“ sagði Már.
„Nú em menn hins vegar famir
að sjá að raunhæfasta leiðin til
stofnanaflutnings er sú að flytja
yerkefnin til sýslu- og bæjarfógeta-
embættanna en ekki að setja upp
nýjar ríkisstofnanir utan Reykjavík-
ur. Á þessu áttuðu menn sig fúrðu
seint,“ sagði Már.
„Embætti bæjarfógetans í Hafhar-
firði hefúr verið vel rekið undanfarin
ár og em þar flestir hlutir í góðu
lagi. Hér stendur yfir tölvuvæðing
og hún tekur yfir æ fleiri svið emb-
ættisins og auðveldar störfin. Nú er
öll innheimtan orðin tölvuvædd,
uppboðsrétturinn er kominn á tölvu
og rekstrarbókhaldið fer á tölvu um
áramótin. Þó em mikilvægir þættir
eftir, svo sem þinglýsingar, skipta-
réttur og málaskrár. Síðasta verk
fráfarandi bæjarfógeta var að taka
í notkun nýja lögreglustöð hér í
Hafriarfirði sem menn em sammála
um að sé með þeim glæsilegustu hér
á landi," sagði Már.
„Bæjarfógetaskrifstofan er þó enn
í of þröngu húsnæði en fyrir liggur
nýtt aðalskipulag fyrir Hafnarfjarð-
arbæ og samkvæmt því er bæjarfó-
getaembættinu ætluð lóð á
glæsilegum stað í miðbænum. Við
getum gert okkur vonir um að innan
örfárra ára verði hafin bygging nýs
húss fyrir bæjarfógetaembættið,“
sagði Már.
„Ég hef verið bæjarþingsdómari í
20 ár og margir í þessari stétt gera
það sér til gamans að setja saman
lausavísur, líta í bók, labba á fjöll
og renna fyrir fisk. Mér skilst að
fógetamir héma á suðvesturhominu
dundi sér aðallega við uppboðsrétt-
inn um helgar - ætli það fari ekki
eins með mig,“ sagði Már Pétursson
að lokum. -ój