Dagblaðið Vísir - DV - 14.11.1988, Qupperneq 41

41
• MÁNUDAGUR 14. NÓVEMBER 1988.
Sviðsljós
Hörður Ingimarsson. varaforseti bæjarstjórnar, afhendir Lilju Maríu áletrað-
an skjöld frá Sauðárkróksbæ.
Gullverðlaunahafan-
um frá Seoul fagnað
Þórhallur Ásmundsson, DV, Sauðárkróki
Það ríkti þjóðhátíðarstemning á
Sauðárkróki á dögunum þegar bæj-
arbúar íbgnuðu komu gullverð-
launahafans frá Seoul, Lilju Maríu
Snorradóttur. Móttökuathöfnin fór
fram við gagnfræðaskólann þar sem
fjölmenni var mætt til að fagna sund-
konunni miklu sem með þrautseigju
og dugnaði hefur unnið sigra sem
lengi verður minnst.
Lilju var afhentur fjöldi gjafa og
blóma við heimkomuna, m.a. áletr-
aður skjöldur frá bæjarstjórn Sauð-
árkróks, silfurskjöldur frá ung-
mennafélaginu Tindastóli og
orðabækur frá kvenfélagi Sauðár-
króks. Fjöldi ávarpa var fluttur og
blómin ásamt ámaðaróskum komu
úr öllum áttum.
Að lokinni móttökuathöfninni
héldu bekkjarfélagarnir Lilju mikla
veislu. Á körfuboltaleik Tindastóls
og Grindavíkur í Flugleiðadeildinni
um kvöldið var Lilja María heiðurs-
gestur ásamt foreldrum sínum og
heilsaði leikmönnum beggja liða. Að
leik loknum var skólaball henni til
heiðurs í Grettisbæli, félagsaðstöðu
gagnfræðaskólans. Það er því líklegt
að hún hafi verið orðin vel þreytt
eftir þennan fyrsta dag heima á
Króki að lokinni frækinni fór til Se-
oul.
„Þetta er búið að vera eitt samfellt
ævintýri síðan ég lagði af stað út og
ég er alveg í skýjunum af ánægju.
Bæði átti ég ekki von á þessum ár-
angri í keppninni og svo bjóst ég
ekki við svona miklum móttökum
við heimkomuna. Ég var búin að
frétta af því að þaö yrði eitthvað en
ég reiknaði ekki með svona rosaleg-
um móttökum," sagði Liíja María.
Aðspurð sagðist hún ekki hafa ver-
ið neitt stressuð fyrir keppnissundin
úti. Það hefði komið sér á óvart strax
í fyrsta sundinu að vera hársbreidd
frá verðlaunasæti. Þegar henni hefði
svo tekist að krækja í tvö brons hefði
hún hugsað að nú væri líklega toppn-
um náð og þetta væri í rauninni orð-
ið gott. En síðan gekk allt upp í síð-
ustu greininni, fjórsundinu, og gleð-
in yfir gullinu var mikil.
Lilja María var spurð hverju hún
vildi þakka þennan árangur sinn.
„Ingibjörgu Guðjónsdóttur þjálfara,
sem mætti sex sinnum í viku á bakk-
ann til mín, og svo Kristjönu Ara-
dóttur sundþjálfara sem kom mér í
sundið á sínum tíma.“
- Og á svo að halda áfram að æfa og
keppa?
„Já, já. Ég ætla að vísu að hvíla
mig í nokkrar vikur. En það þýðir
ekki að stoppa lengi þar sem fram
undan er mót í Svíþjóð í febrúar. Síð-
an verður Norðurlandamót í Vest-
mannaeyjum næsta sumar og svo
stefnir maður auðvitað á heims-
meistaramótið í Arsen í Hollandi eft-
ir 2 ár og á ólympíuleikana í Barce-
lona eftir 4 ár.“
Don Johnson með stelpu í London. Þessi mynd gerði kærustu kappans,
hana Börbru Streisand, alveg foxilla.
Don Johnson í kvennaklandri
Don Johnson, kvennabósinn úr
Undirheimum Miami, er búinn að
eyðileggja allar áætlanir um að
ganga í hjónaband með henni Börbru
Streisand. Og hvemig fór hann að
því? Jú, hann brá sér í frí til Evrópu
þar sem hann var síðan með hverri
fegurðardísinni á fætur annarri, m.a.
drulluglímukonu.
„Annaðhvort er það ég eða gær-
umar,“ sagði Barbra fokreið þegar
hún sá mynd af ástmanninum með
ljósku upp á arminn í London. Og
sjónvarpsstjarnan valdi gærurnar.
í New York fóru hjúin hvort í sínu
lagi til að hlýða á Stevie Wonder. Þau
neituðu að talast við, hvað þá að sitja
saman. Það er sagt að Barbra sé enn
slegin yfir því að maðurinn, sem átti
að ganga upp að altarinu með henni,
skuli ekki hafa lagt kvennastússið á
hilluna. Barbra mun þó vera til í að
giftast Johnson ef hann sér að sér.
Kvennastússið byijaði í Kanada.
Þaðan hélt Johnson til Stokkhólms
og fór á fjörurnar við fyrrum kær-
ustu Bjöms Borg. Loks var það Lon-
don og þá sauð upp úr.
HLJPMBÆR
HVERFISGÖTU 103 SÍMI 25999
SHARP Z-30, ljósritunarvélin
sem þú getur kippt með þér hvert sem er
SHARP Z-30 ljósritunarvélin er ákaflega nett og meðfærileg,
hún vegur aðeins 10,8 kg og skilar 5 Ijósritum á mínútu.
SHARP Z-30 kom einstaklega vel út úr prófunum hins virta
tímarits „What to Buy for business“.
Tímaritið sagði gæði SHARP Z-30 einstök enda skilar
ljósritunarvélin sérlega hreinum og skírum ljósritum.
SHARP FO-150 telefaxtækið — dvergvaxni risinn
Þetta ódýra og netta telefaxtæki er ákaflega hraðvirkt.
Fjöldi grátóna og tvær fínstillingar auðvelda sendingar á
ljósmyndum, nákvæmum teikningum, töflum og línuritum,
Innbyggður sími er í tækinu ásamt upplýsingabanka sem
geymir upplýsingar um send gögn og aðkomin.
Það er ekki að ástæðulausu að SHARP telefaxtækin eru
mest seldu telefaxtækin í Bandaríkjunum.
SHARR
Skímndi vömrástórgóðu verði
GOÐKAUP
Samkvæmt erlendum fagtímaritum
er tæpast hægt að gera betri kaup
en í SHARP Z-30 ljósritunarvélinni
og SHARP FO -150 telefaxtækinu.
Tækin eru ekki aðeins ódýr heldur
einnig í hæsta gæðaflokki!