Dagblaðið Vísir - DV - 17.11.1988, Blaðsíða 30

30
FIMMTUDAGUR 17. NÓVEMBER 1988.
Lífsstm i>v
næsta sumar. Þær minna um margt á tisku charleston-tíma-
bilsins. Hárið á að vera frjálst með náttúrlegt útlit og úðarnir
og túperingin verða nánast úr sögunni.
DV-myndir KAE
í miðju hártískuhringiðunnar:
íslendingar með ferskar
hugmyndir frá París
Tveir ungir hárgreiöslumeistarar,
Aöalsteinn Aöalsteinsson hjá Salon
VEH og Kristín Hákonardóttir hjá
Dúdda, brugðu sér til Parísar á dög-
unum til að kynna sér nýjustu tísku
í hárgreiðslu frá Intercoiffuresam-
tökunum. Þar hittu þau fyrir Alex-
andre, alþjóöaforseta Intercoiffure-
samtakanna og einn þekktasta hár-
greiöslumeistara heims. Hann hann-
ar greiðslur fyrir nokkur frægustu
tískuhús heims, merki eins og Chan-
el, Yves Saint-Laurent, Ungaro, Karl
Lagerfeld, Hanne Mori, Valentino og
fleiri.
íslenska hárgreiðslufólkiö fór á
Þessi greiðsla hentar konum sem
klæðast aðskornum fatnaði. Hún
gerir það að verkum að línurnar
verða enn skýrari. Hárgreiðsla kem-
ur beint í æð frá Ungaro.
vegum Elsu Haraldsdóttur, sem er
forseti þessara samtaka hér á landi,
en hún fór í sumar aö vinna meö
Alexandre á sýningu sem nefndist
hátískan. í leiöinni athugaði hún
hvort möguleiki væri á aö senda
unga hárgreiðslumeistara utan til
hans og fékk við því jákvætt svar.
Þau Aðalsteinn (Alli) og Kristín
dvöldust ásamt fleirum hjá honum í
viku og unnu með honum aö greiðsl-
um fyrir tískusýningar.
Að sögn Aöalsteins var mjög fróð-
legt að dveljast hjá Alexandre. „Þetta
er allt öðruvísi en maður hefur van-
ist hér heima. Þetta er allt mjög
Greitt frá andlitinu með hárið krullað
út að aftan er stefna sem tískuhönn-
uðurinn Valentínó boðar næsta
sumar. Hér mun vera áframhaldandi
þróun á hártisku haustsins.
klassískt. Við vorum raunar bara
þarna sem aðstoðarfólk enda voru
þarna eldri og reyndari menn í fag-
inu sem voru meistararnir. Við lærð-
um mjög mikið á því að taka þátt í
þessu.“
Aðalsteinn og Kristín unnu í París
að hárgreiöslum tengdum tískusýn-
ingum fyrir sumartísku. næsta árs
en það eru Ready-to-wear tískusýn-
ingar eins og þær heita á fagmáli.
Hvað kom þar helst í ljós, hver
verður tískan næsta sumar?
„Toppmódelin úti eru öll með frem-
ur sítt hár. Mest áberandi var hve
hárið var náttúrlegt og mjúkt og
bylgjur, sem minntu á charleston-
tímabilið, voru mjög áberandi í hári
kvennanna. Hvað varðar fatnaðinn
er ljóst að pilsin eru að síkka aftur,
litadýrðin hefur aldrei verið eins
mikil, mynstrin voru ótrúleg og bux-
urnar mjög víðar. í raun sá maöur
þarna allt sem hægt er að hugsa sér.
Aðalsteinn greiddi nokkrum ís-
lenskum fyrirsætum til að sýna fyrir
hvaða áhrifum hann heföi orðiö í
París. Meðal annars greiddi hann
stúlku með mjög sítt og slétt hár. Hár
hennar var bylgjað með venjulegu
krullujárni en ekki bylgjujárni og til
þess notaði hann sérstaka aðferð sem
hann lærði þarna úti.
„Þessi aðferð er nokkuð tímafrek.
Þaö tók mig um klukkustund setja
bylgjumar í hárið á fyrirsætunni
enda er hún með mikið hár. í hárið
er notað lítið af hárúðunarefnum
enda er það stefnan að hárið verði
sem náttúrlegast útlits næsta sumar.
Þess vegna er fremur notaður glans-
úði í hárið,“ sagði Aðalsteinn.
Háriö fellur nú niður eins og það
kemur fyrir, því er ekki lyft eins
nokkuð hefur verið um hingað til,
það er að segja túperingin er úr tísku.
Valentínó var með línuna þar sem
stúlkan ér með hárið greitt aftur og
það krullast út að aftan. Franska
línan, sem kynnt var nú fyrir vetur-
inn, var einmitt eins og þessi stúlka
er með nema hún var með topp. Hins
vegar þykir hentugra yfir sumartím-
ann að greiða frá andlitinu. Þessi
tíska minnir um margt á tískuna eins
og hún var á árunum milli 1950 og 60.
Stúlkan, sem tekur hárið upp í
hnakkann, er með línu frá Ungaro.
Aðalsteinn tjáði okkur að Ungaro
væri alltaf með greiðslur sem lægju
sleiktar að höfðinu því hann er sér-
fræðingur í að hanna fót þar sem lín-
ur konunnar koma vel fram. Formið
á fatnaðinum kemur betur fram ef
hárið er allt að höfðinu.
Alexandre teiknar upp hárgreiðsl-
ur fyrir hvert tískuhús fyrir sig, um
það bil tvær til þrjár greiðslur fyrir
hver 20 til 30 módel.
Hvað varðar hti á hári næsta sum-
ar sagði Aðalsteinn aö þeir kæmu
ekki í ljós fyrr en í febrúar. Það sem
viö höfum greint frá hér að ofan eru
sem sagt greiðslur fyrir næsta sumar
en klippingarnar og litirnir munu
líta dagsins ljós rétt eftir jól.
-GKr
Aöalsteinn, sem sá um greiðslu stúlknanna þriggja, sést hér vinna við að
setja bylgjur í siðhærðu dömuna. Það tók um klukkustund.