Dagblaðið Vísir - DV - 17.11.1988, Blaðsíða 36

36
FIMMTUDAGUR 17. NÓVEMBER 1988.
Sviðsljós
Ólyginn
sagði...
DebraWinger
er alveg vitlaus í kvikmyndaleik-
stjórann Costa-Gavras, þann
hinn sama og gerði Missing og
Z. Debra er enn gift leikaranum
Timothy Hutton en sagt er að
hjónaband þeirra sé ekki upp á
það besta. Costa-Gavras er líka
giftur, hefur verið það í 20 ár. Hún
er 33 ára, hann 55. Eiginkona
Costa-Gavras segir að hún viti
allt um ástarævintýri mannsins
síns og að sér sé alveg sama. Ti-
mothy Hutton, eiginmaður De-
bru, lætur ástand hjónabands
*' síns heldur ekki hafa nein áhrif
á tilhugalífið. Hann er núna kom-
inn með hina 20 ára gömlu Va-
leriu Golino upp á arminn. Hún
var áður kærasta furðustjörn-
unnar Pee-Wee Herman. Ekki
fylgir sögunni með hverri hann
er.
Díana
prinsessa
er bálreið út í mágkonu sína,
hana Fergie. Og ástæðan? Jú,
Fergie ákvað að fara í sex vikna
frí til Ástralíu án þess að hafa
nýja bamið meö sér. Díana hefur
dvalið langdvölum með bami
Fergie, svo lengi að hún segist
vera viss um að barnið telji hana
móður sína. Þegar Fergie fór til
Ástralíu var dóttir hennar aðeins
44 daga gömul. Þegar hún kemur
til baka segja reikningsglöggir
menn aö móðirin hafi verið íjarri
barni sínu helming lífs þess, eða
því sem næst. Það kann Díana
ekki að meta og kallar mág-
konuna heimska og eigingjarna.
Kurt Russel
kvikmyndaleikari og ástmögur
Goldie Hawn er aö gera dýravini
í Bandaríkjunum vitlausa. Kapp-
inn og kella hans ætla að efna til
veiðiferðar fyrir aðrar stjömur
og sá vinnur sem kemur með flest
hræin í bæinn. Þátttakendum
verður skipt upp í hópa sem í em
tveir venjulegir menn og ein
stjama. Veiðileyfið kostar tæpa
hálfa milljón krónur. Ekki ætlar
Kurt aö stinga öllum ágóðanum
í eigin vasa heldur á hluti hans
að renna til heimilislausra vestan
hafs.
Cher klæðir sig oft heldur naum-
lega, eins og vel sést á þessari
mynd.
Cher
kjaft-
ar frá
köll-
unum
Leikkonan naumklædda og
fyrrverandi söngkonan Cher hef-
ur sjaldan legið á skoðunum sín-
um um hitt og þetta. Nýjasta op-
inberun hennar er sú að hún
hafi sofið hjá leikaranum Warren
Beatty þegar hún var 16 ára og
fundist lítið til koma. Tæknin var
í lagi en neistann vantaði. „Ég er
bara ein af mörgum," segir hún.
Cher viðurkennir líka að hún
hafi eitt sinn verið bálskotin í
Robert Redford. „Meryl Streep
sagði mér að hann kyssti ofsalega
vel. Ég hef áhuga á öllum sem
kyssa vel.“
Áfram með smjörið. Hún var
líka skotin í Sylvester Stallone!
Ástfangin upp fyrir haus! Hún er
þó fljót að bæta því við að það
hafi verið sá Stallone sem lék í
fyrstu kvikmyndinni um Rocky.
„Ég var skotin í þeim Stallone en
ekki þeim sem nú er á kreiki."
Cher segir að henni yngri menn
veiti henni miklu meiri stuðning
og umhyggju en menn af hennar
eigin kynslóö. Hún lifir eftir
þeirri kenningu sinni því að nú-
verandi maður hennar er aðeins
24 ára. Cher er 42. En ætlar hún
þá aö giftast manninum?
„Hann hefur mjög sérstæðar
hugmyndir um hjónabandið. í
hans augum á það að vara að ei-
lífu. Samkvæmt mínum kokka-
bókum þýðir það fimm eða tíu ár.
Hann neitar því að giftast mér og
það hentar mér fullkomlega,"
segir Cher.
Amold er harðstjóri
Amold Schwarzenegger, maðurinn
með vöðvana, er búinn að gera eigin-
kona sína að taugahrúgu. Konan
heitir Maria Shriver, fræg sjónvarps-
fréttakona í Ameríku og náskyld
Kennedy-slektinu. Þau hafa ekki ver-
ið gift nema í tvö ár.
Góðvinir hjónanna segja að Arnold
hagi sér eins og versti harðstjóri þeg-
ar hann er heima. Einni segist svo
frá nýlegri heimsókn til þeirra: „Við
Maria vorum að lesa blaðið þegar
Arnold kom inn úr morgunskokkinu
sínu. Hann sagði Mariu hvað hann
vildi fá í morgunverð en hún svaraði
í gamansömum tón að hann skyldi
bara laga hann sjálfur. Hann þreif
þá blaðið úr höndunum á henni, reif
það í tætlur og sagði að hún skyldi
aldrei svara honum svona aftur. Þú
ert eiginkonan mín og ég vil fá morg-
unverðinn minn núna, sagði kapp-
inn.“
Aðrar heimildir herma að ef vöðva-
maðurinn var ekki ánægður með
hvernig eiginkonan vaskaði upp eftir
matinn hafi hann átt það til að sýna
henni hvemig hún ætti að gera það
og láta hana síðan vaska upp á nýtt
þar til hann var ánægður.
Fjölskylda konunnar er síöur en
svo ánægð með framvindu mála. En
hvað er hægt að gera? Þorir einhver
að biðja Arnold um að hypja sig?
Jessica Hahn
vill popparann
Jessica Hahn, sú hin sama og
fékk sjónvarpsprédikarann Jim
Bakker til aö losa um biblíubeltið
með hrikalegum afleiðingum er nú
á höttunum eftir Tommy Lee,
trommara rokkhljómsveitarinnar
Motley Crue. Þau léku nýlega sam-
an í rokkvídeói þar sem ungfrúin
kemur fram léttklædd og eggjandi.
Á meöan á upptökum stóð gerði
hún allt hvaö hún gat til aö tæla
manninn. En maðminn er ekki á
lausu.
Tommy Lee er kvæntur smá-
stirninu Heather Locklear sem
sumir munu kannast viö úr Dyn-
asty. Heather hefur sett Tommy
úrslitakosti: annað hvort er það ég
eða Jessica. Hún ætlar ekki að láta
Jessicu eyöileggja líf sitt eins og
hún eyðilagði allt fyrir Jim Bakker.
Ekki hefur Jessica þó alveg skilið
við prédikarana. Núverandi kær-
asti hennar heitir Sam Kinison.
Hann er klámfenginn og mjög vin-
sæll grínisti í Ameríku og fyrrum
prédikari.
tekin virtist allt vera eins og í ævintýri.
Joan Collins neitar
að borga meðlagið
Joan Collins er enn ekki farin að
borga fyrrum eiginmanni sínum eyri
af þeim 180 þúsund dollurum sem
dómarinn í skilnaðarmáli þeirra fyr-
irskipaði. Lögfræðingur eiginmanns-
ins hefur því lagt hald á bankareikn-
ing stjömunnar og segist jafnframt
ætla að taka af launum hennar fyrir
Dynasty sjónvarpsþættina.
Joan ætlar að draga það fram á
síðustu stundu að borga Peter Holm
en svo heitir sá sænskættaði fyrram
herra Collins. „Ég breytti honum í
prins en nú vil ég að hann fái að
reyna kjör betlarans um stund,“ á
leikkonan að hafa sagt við kunningja
sinn. Og hún sagði fleira: „Ég vil að
Peter viti að jafnvel þótt hann komi
skríðandi með betlibaukinn bundinn
á bakið myndi ég sjálfviljug ekki gefa
honum svo mikið sem eina baun.“
Náinn vinur leikkonunnar segir að
það sé vægt til orða tekið að segja
að leikkonan hati fyrrum elskulegan
eiginmanninn.