Dagblaðið Vísir - DV - 22.04.1989, Side 16

16
LAUGARDAGUR 22. APRÍL 1989.
Helgi Óskarsson hefur lengst um 40 sm
Lokameð -
ferðin
er hafin
Helgi Óskarsson var mikið í frétt-
um fyrir sex árum en ári áður fór
hann i fyrsta skipti til Síberíu í leng-
ingu hjá sérfræðingnum Ilizarov sem
heimsfrægur er fyrir störf sín. Helgi
er ennþá hjá Ilizarov en nú er hann
að ganga í gegnum lokameðhöndlun.
Það er lenging á handleggjum. Helgi
á von á að útskrifast frá sjúkrahús-
inu fljótlega á næsta ári. Ef taldir eru
Allt niður í átta ára börn eru á
sjúkrahúsinu í Kurgan. Hér er Óskar
Einarsson, faðir Helga, að aðstoða
við þjálfunina á lítilli telpu.
saman þeir mánuðir, sem Helgi hefur
dvalið á sjúkrahúsinu hjá Ilizarov,
eru þeir orðnir að þremur og hálfu
ári.
Þegar Helgi fór fyrst til Kurgan í
Síberíu, þrettán ára gamall, var hann
aðeins 114 sm. í fyrstu aðgerðinni var
hann lengdur um átján sentímetra.
Síðan hefur hann verið lengdur enn
meira og í dag er hann 154 sm.
Það var fyrir algjöra tilviljun að
foreldrar Helga uppgötvuðu sovéska
lækninn á sínum tíma. í DV árið 1983
segir móðir Helga, Ingveldur Hösk-
uldsdóttir, svo frá: „Eg kaupi alltaf
dönsku blöðin en svo var prentara-
verkfall í Danmörku haustið 1981.
Þá fór ég að kaupa norsk blöð. í einu
þeirra, Norsk ukeblad, sá ég grein
um þennan lækni. Faðir Helga hafði
samband við rússneska sendiráðið.
Það skrifaði út og að sex mánuðum
liðnum var allt komið í kring.“
Helgi var fyrsti Norðurlandabúinn
sem lagðist inn á sjúkrahúsið í Kurg-
an. Núna dvelja þar sjúklingar frá
flestum löndum, t.d. margir Italir.
„Þetta hefur gengið alveg feikilega
vel. Helgi er búinn að vera í aðgerð
síðan í október og það er lokastigið,"
sagði faðir hans, Óskar Einarsson,
en hann er á förum til Síberíu eftir
hálfan mánuð til að aðstoða Helga í
lokaslagnum.
„Þegar búið er að lengja handlegg-
Sovéski læknirinn getur allt, gæti
maður haldið. Hér er verið að lengja
fingur á litilli stúlku sem hafði misst
framan af þeim.
ina þarf aðeins að rétta leggina og
laga þá til. Óskar segir að drengurinn
kvarti ekki þrátt fyrir aö þetta hafi
verið honum erfitt. „Hann vill verða
eins og við hin. Það er mikill munur
fyrir hann að vera nú kominn yfir
150 sentímetra frá því að vera 114 sm.
Maður getur sjálfur ímyndað sér
hveraig þaö er með þvf að ganga á
hnjánum í viku,“ segir Óskar.
Faðir Helga hefur verið meö hon-
um meira eða minna allan þann tíma
sem aðgeröimar hafa staðið í Síber-
íu. Óskar og Ingveldur eru skilin og
það hefur því verið auðvelt fyrir
Óskar að vera langdvölum erlendis.
„Þetta hefur veriö mjög þroskandi
fyrir mig og ég hef lært mikið á því
'að vera.svona mikið á sjúkrahús-
inu,“ segir hann. „Ég hugsa þannig
að það sem maður ér að gera daglega
og það sem því fylgir, íbúð, bíll og
aðrir dauðir hlutir, skiptir engu máh
Eins og sjá má er prjónum stungið
inn í handlegginn og síðan er teygt
á. Helgi fór í aðgerðina í október
sl. en býst við að losna við prjónana
í lok þessa mánaðar. Þá þarf að
rétta fætur hans sem eru lítið eitt
bognir.
þegar maður hefur kynnst hinu,“
segir Óskar.
„Skólanám Helga hefur farið for-
görðum enda ekki hægt að gera hvort
tveggja í einu. En drengurinn er al-
talandi á rússnesku og það getur
hann nýtt sér í starfi hér heima þeg-
ar að því kemur.“
Óskar segir að hann kunni vel við
Rússana. „Þetta er gott fólk sem má
vera að því að tala við mann.“ Óskar
býr fyrir utan sjúkrahúsið og aðstoð-
ar Helga við þjálfun, auk þess sem
hann útvegar honum betra fæði en
hægt er að fá á sjúkrahúsinu.
Á sjúkrahúsinu í Kurgan fara fram
alls kyns aðgerðir - ekki bara leng-
ingar. Ilizarov hefur einnig stytt fólk,
lagað fætur eftir slys og hjálpað fólki
sem er með annan fótinn styttri en
hinn, svo eitthvað sé nefnt.
Tryggingastofnun ríkisins hefur
greitt dvöl Helga en fyrstu aðgerðina
þurfti ekki að greiða þar sem sjúkra-
húsið gaf hana.
Óskar segir að þessar aðgerðir
muni gjörbreyta lífi Helga. Nú sér
hann fyrir endann á þessari löngu
baráttu sem oft hefur verið hrein
pína og ákaflega kvalafull.
-ELA
Hér má sjá hvernig Helgi hefur vaxiö eftir aðgerðirnar frá 114 sm upp í 154.,
Það er mjög sársaukafullt að bera prjónana í sér og oft þarf að taka á
honum stóra sínum til að hafa það af. Helgi hefur því sýnt óvenjulegan styrk
í öllu því sem hann hefur mátt þola.
Hér eru læknar að skoða röntgenmyndir af handleggjum Helga en þeir
hafa alltaf verið ánægðir með framfarir hans.
Hér er gömul mynd af þeim feðgunum frá því Helgi fór í aðra aðgerð sína
sem var lenging á lærum. Það var erfiðasta aðgerðin og Helgi missti
mörg kíló á meðan á henni stóð.