Dagblaðið Vísir - DV - 22.08.1990, Side 28

28
MIÐVIKUDAGUR 22. ÁGÚST 1990.
Ung stúlka kemur hundr-
að manns úr jafnvægi
Marta Guörún Halldórsdóttir sópransöngkona hélt
ljóðatónleika í Listasafni Sigurjóns Ólafssonar í gær-
kvöldi. Píanóleik annaðist GísÚ Magnússon. Á efnis-
skránni voru lög eftir Franz Schubert, Johannes
Brahms, Felix Mendelssohn og Richard Strauss.
Það varð ljóst þegar um miðjan dag í gær að eitt-
hvað óvenjulegt mundi gerast í Listasafni Sigurjóns
um kvöldið. Um kaííileytið voru alhr miöar uppseldir.
Um kvöldmat var búið að ákveöa aukatónleika. Gagn-
rýnendum var kurteislega bent á að mæta snemma,
annars væri ekki unnt að ábyrgjast stæði fyrir þá
hvað þá heldur meira.
Strax í upphafi eftir að þjálfaðir fingur Gísla Magnús-
sonar höíðu strokið fyrstu tónana úr píanóinu og söng-
konan unga hóf upp rödd sína var ljóst að rafmagn var
í loftinu. Fljótlega kom upp ágreiningur um klapp-
málefni. Það þegjandi samkomulag ríkir á ljóðatón-
leikum að listafólk fær að flytja þijú til fjögur lög í
striklotu ótruflað en milli þess er klappað að vild. Það
kom þegar í ljós að ýmsir áheyrendur áttu erfitt með
að virða þetta samkomulag, ekki vegna þess að þeir
vildu trufia gang mála heldur af ósjálfráöum við-
brögðum. Ein kona krafðist þess upphátt að samkomu-
laginu yrði þegar rift. Þegar loksins var heimilt að
klappa eftir að lokið var að flytja Gretchen am
Spinnrade voru viðbrögðin svo snögg að menn hrukku
í kút af eigin hávaða. Einn gamalreyndur tónleikagest-
ur brást svo harkalega við að við lá að gleraugun hrytu
fram af nefbroddinum og niður á gólf. Það sem eftir
lifði af tónleikunum mátti öðru hverju heyra hálfkæfð-
ar klapprokur. Þegar komið var fram í miðja tónleika
var ein konan farin að tauta við sjálfa sig milli laga
slitrur úr þýskum söngtextanum og varð að þagga
niður í henni. Þegar söngkonan brosti brostu allir
áheyrendur, þegar söngurinn varð dapur og dökknaði
yfir fogru andliti hennar glitruðu tár á hvörmum
hlustenda. Þegar söngkonan í látleysi sínu undir lokin
lét í ljós að sér hefði fundist gaman að syngja þama
komu viðstaddir hvorki upp oröi né klappi. Sumum
virðulegum borgurum varð ákaflega mál að sjúga upp
í nefið en mjúklyndari konur létu sig bara hafa það
að fela andlitið í vasaklút. Og allt var þetta aðeins út
af stúlku með mjúka rödd.
En þetta síðasta er raunar ekki alls kostar rétt því
að Marta Guðrún hefur töluvert meira til brunns að
bera en fagra rödd. Töfrar hennar felast jafnvel enn
frekar i óvenjulegum túlkunarhæfileikum sem hún
beitir af þroskaðri smekkvísi sem er áreiðanlega ekki
síður meðfædd en tileinkuð. Breidd hennar í túlkun
Marta Guðrún Halldórsdóttir sópransöngkona.
DV-mynd JAK
Tónlist
Finnur Torfi Stefánsson
er ekki síður undraverð hvort heldur sem hún syngur
í gleði eða sorg og áheyrendur hrífast með hvað sem
á gengur. Má mikið vera ef hún á ekki eftir að gera
garðinn frægan í framtíðinni.
Píanóleikur Gísla Magnússonar var mikilvægur
þáttur í því hve vel þessir tónleikar lukkuðust. Gísh
lék af miklum næmleika og nákvæmni og samvinna
þeirra var sem best verður á kosið. Stórtíðindin ger-
ast enn í íslensku tónUstarlífi.
Menning
Andlát
Helga Halldóra Helgadóttir, Álfa-
skeiði 4, Hafnarfirði, íést á Sólvangi
að morgni 21. ágúst.
Guðmundur Atlason, Hringbraut 3,
Hafnarfirði, andaðist í St. Jósefsspít-
ala, Hafnarfirði, laugardaginn 18.
ágúst.
Ámi Ámason, Lyngholti 5, Akur-
eyri, lést í Fjórðungssjúkrahúsinu á
Ákureyri sunnudaginn 19. ágúst.
Jarðarfarir
Erla Pálsdóttir, Geitlandi 5, andaðist
13. ágúst. Útfór hennar var gerð 21.
ágúst.
Jóhannes Guðnason, Hverfisgötu 58,
sem lést í Borgarspítalanum 18.
ágúst, verður jarðsunginn frá Frí-
kirkjunni í Reykjavík fóstúdaginn 24.
ágúst kl. 13.30.
Sigurjón Sigurðsson kaupmaður,
Akbraut, Akranesi, verður jarðsett-
ur fimmtudaginn 23. ágúst kl. 11 f.h.
frá Akraneskirkju.
Gunnar E. Bjarnason húsasmíða-
meistari, Suðurgötu 64, Hafnarfirði,
verður jarðsunginn frá Hafnarfjarð-
arkirkju fimmtudaginn 23. ágúst kl.
15.
Birna Þórðardóttir, Glitvangi 31,
Hafnarfirði, verður jarðsungin frá
Dómkirkjunni í Reykjavík mánudag-
inn 27. ágúst kl. 15.
Jóhann Friðrik Kárason lést 11.
ágúst. Hann fæddist á Siglufirði 18.
DV
maí 1944, sonur hjónanna Fjólu Jó-
elsdóttur og Kára Jónssonar. Jchann
lauk námi frá Vélskóla íslands. Eftir-
lifandi eiginkona hans er Amalía
Þórhallsdóttir. Þau hjónin eignuðust
fjórar dætur. Útfór Jóhanns verður
gerð frá Kópavogskirkju í dag kl.
13.30.
Tilkyimingar
Kattahótelið í Reykjavík
Minnir fólk á að bólusetja ketti áður en
það kemur með þá í gæslu og panta pláss
tímanlega. Sími Kattahótelsins er 641461.
Blóðugur blekkingaleikur
Almenna bókafélagið hefur gefið út bók-
ina Blóðugur blekkingaleikur eftir Ion
Mihai Pacepa í þýðingu Ólafs B. Guðna-
sonar. Pacepa var um árabil yfirmaður
rúmensku leyniþjónustunnar og einn
nánasti aðstoðarmaður Nicolaes Ceau-
sescus, hins fallna einrseðisherra í Rúm-
eníu. Hér leysir Pacepa frá sKjóðunni svo
um munar og greinir frá baktjaldamakki
Ceausescus og þjóna hans, hvemig þeir
skipulögðu morð og ofbeldisverk á rúm-
enskum andófsmönnum, studdu dyggi-
lega við bakið á ýmsum hryðjuverkasam-
tökum og stunduðu skipulagðar og víð-
tækar njósnir um gervallan Vesturheim,
Samtímis rak Ceausescu áhrifaríkar
blekkingaaðgerðir á Vesturlöndum til að
fegra ímynd sína. Hin íslenska útgáfa
Blóðugs blekkingaleiks hefur nokkuð
verið stytt með leyfi höfundar. Bókin var
mánaðarbók Bókaklúbbs AB í júlí.
Dansskóli Hermanns Ragnars
að hefja 33. starfsár sitt
Danskóli Hermanns Ragnars er að hefja
33. starfsár sitt hér í Reykjavík en stofn-
endur skólans eru þau Unnur Amgríms-
dóttir og Hermann Ragnar. Skólinn flyt-
ur nú í nýtt húsnæði í Faxafeni 14 og
heitir húsið Nútíð. Heimy Hermanns-
dóttir er sem fyrr aðalkennari skólans
en hefur sér við hlið valið starfshð með
langa reynslu að baki. í nýja húsnæðinu
að Faxafeni 14 verða tveir salir til um-
ráða alla daga vikurmar og verður þvi
nemendum boðið upp á fjölbreytta tíma-
töflu sem ætti að koma sér vel fyrir alla
aldurshópa. Kennsla hefst laugardaginn
15. september en innritun í skólann er í
símum 687580 og 687480 daglega. 10% af-
sláttur verður veittur þar sem fleiri en
þrjú skólagjöld koma frá einni og sömu
fjölskyldu. Kynningardagur veröur í
skólanum sunnudaginn 9. september og
verður opið hús frá kl. 13-19.
Kvenfélag Fríkirkjunnar
í Reykjavík
Fyrirhuguð er ferð 7. og 8. september.
Lagt verður af stað frá kirkjunni föstu-
daginn 7. september kl. 17. Ekið verður
að Flúðum. Þar verður snæddur kvöld-
verður og gist yfir nóttina. Næsta dag
verður farið að Gullfossi og Geysi og heim
um Laugarvatn og Þingvöll. Nánari upp-
lýsingar hjá Sigurborgu s. 685573, Ágústu
s. 33454 og Bertu s. 82933.
Nessöfnuður
Síðsumarferð inn Borgarfjörð nk. laugar-
dag. Lagt af stað kl. 10 frá Neskirkju.
Veitingar í Reykholti. Berjasprettan
könnuð. Nánari upplýsingar hjá kirkju-
verði í síma 16783 milli kl. 16 og 18.
Flóamarkaður Mæðra-
styrksnefndar
verður fimmtudaginn 23. ágúst milli kl.
16 og 18 í kjallara að Hringbraut 116
(Vesturvallagötumegin).
Fyrirlestur um Reykjavík
í fortíð og nútíð
í Norræna húsinu
Fimmtudaginn 23. ágúst kl. 20.30 verður
síðasti fyrirlesturinn í Opnu húsi í Nor-
ræna húsinu að þessu sinni. Páll Líndal
ráðuneytisstjóri segir frá Reykjavik fyrr
og nú og talar á dönsku en þessi dagskrá
er einkum ætluð ferðamönnum frá Norð-
urlöndunum. Að loknu kaffihléi verður
sýnd kvikmyndin Eldur í Heimaey. Bóka-
safnið og kaffistofan eru opin til kl. 22. í
bókasafninu Uggja frammi bækur um ís-
land og þýðingar íslenskra bókmennta á
öðrum norrænum málum.
Síðsumarferð Nes-
safnaðar
Nessöfnuður fer í sina árlegu síðsumar-
ferð nk. laugardag kl. 10 frá kirkjunni.
Að þessu sinni verður farið í Borgar-
fjörð. Sögufrægir staðir skoðaðir, ásamt
því sem berjasprettan verður könnuð.
Áð að Reykholti. Presturinn, séra Guð-
mundur Oskar Ólafsson, verður farar-
stjóri. AUar nánari upplýsingar um ferð-
ina er hægt að fá hjá kirkjuverði í síma
16783 milU kl. 16 og 18 á daginn.
Fyrirlestrar
Háskólafyrirlestur
Dr. Yukio Taniguchi, prófessor við Osaka
Gakuin-háskóla í Osaka í Japan. flytur
opinberan fyrirlestur í boði heimspeki-
deildar Háskóla islands í dag, miðviku-
daginn 22. ágúst 1990 kl. 17.15 í stofu 101
í Odda. Fyrirlesturinn nefnist „Rezeption
der islándischen Literatur in Japan“ og
íjallar um viðbrögð Japana við íslenskum
fombókmenntaþýðingum. Hann verður
fluttur á þýsku. Prófessor Taniguchi er
einn helsti forvigismaður íslenskra fræða
í Japan og hefur imnið mikilvægt kynn-
ingarstarf með þýðingum sínum á ís-
lenskum fombókmenntum á japönsku.
Hann var lengst af prófessor við háskól-
ann í Hiroshima en flutti sig um set á
síðasta ári og tók við nýrri stöðu í Osaka
Gakuin. Hann hefur m.a. þýtt Snorra-
Eddu á japönsku auk fjölda íslendinga-
sagna með skýringum. Þá hefur hann
samið tvö rit um norræn fæði, annað um
kenningar um rúnaletur og hitt um Eddu
og sögurnar. Þess má geta að hann er
einn af stofnendum japanskra samtaka
um íslensk fræði. Fyrirlesturinn er öllum
opinn.
Úti á vegum
verða flest slys
^ í lausamöl
.beyg|um
★ við ræsi
og brýr
★ við blindhæðir
YFIRLEITT VEGNA 0F MIKILS HRAÐA!
Fjölmiðlar
Ég er einn þeirra blaöamanna
sem skiija ekki tilgang þess að
kenna blaöamennsku við Háskóla
íslands.
Að sjálfsögðu markast þetta skiln-
ingsleysi mitt af því að ég treysti
ekki félagsfræðingum til að kenna
blaðamennsku og það jafn vel þó
þeir séu sérmenntaðir í félagsfræði
tjölmiöla. Mér finnst það álíka vit-
laust og félagsfræðingur sem skoðaö
hefur félagsleg áhrif heilbrigöi-
skerfisins í'ari að kenna skurðlækn-
ingar.
Þó ég hafi ekki verið blaöamaður
i mörg ár segir reynsla mín auk
þessaðþeirsem hafa lært blaða-
mennsku afijölmiðlafræðingum
séu engu betri blaðamenn en aðrir.
Fyrst þegar þeir koma úr námi eru
þeir jafnvel verri en almennt gengur
og gerist um fólk som hefur störf á
ritstjómum. Munurinn á þeim og
fólki sem kemur úr hinum ýmsu
geirum mannlífsins er kannski fyrst
og fremst sá að þeir hafa mjög
ákveðnar skoðanir á blaöa-
mennsku. Þeir eru því hrokafyllri
en hinir og eiga erfiöara með að taka
leiðsögn. En þetta er að sjálfsögðu
misjafnt eftir einstaklingum. Þeir
eru til sem taka hvorki sjálfan sig
né nám sitt þaö alvarlega að þeir eru
nánast jaftigóðir og ef þeir hefðu
aldrei farið í fjölmiðlaíræði.
Annað sem veldur skilningsleysi
mínu er aö ég sé ekto hvers vegna
ríkið á að mennta blaðamenn. Mér
finnst það vera hlutverk blaðanna.
Alveg á sama liátt og sælgætis-
framleiðandinn vandar til fram-
leiöslu sinnar þannig er það einnig
hlutverk blaðaeigandans aö tryggja
gæöi sinnar vöru. Hann þarf því að
mæta auknum kröfum neytenda
með sífellt vandaðri vöru. í því felst
meðal annars að hann þarf að halda
við og auka þekkingu og reynslu
starfsmannanna.
Þar fyrir utan veit ég ekki til þess
að til séu neinar rannsóknir á ís-
lenskum fjölmiðlum; hvorki efnis-
tokum þeirra, stíl eöa umfjöllunar-
efnum. Svo ég hef ekto hugmynd
hvað féiagsfræðingarnir ætla að
faraaðkenna.
Þaö er því ekki skrítiö að ég skilji
ekki.
Gunnar Smári Egilsson