Dagblaðið Vísir - DV - 27.03.1991, Blaðsíða 19

MIÐVIKUDAGUR 27. MARS 1991.
19
pv___________________________Popp
Bubbi í Höfn
S
- DV tók hús á Bubba í Skandinavíuferð
Án áheyrenda er tónlistarmaður-
inn, hversu góður sem hann er, í
hlutverki hrópandans í eyðimörk-
inni. Metnaðarfullir tónlistarmenn
eru meðvitaðir um þetta og leggja því
gjarnan land undir fót, heimsækja
aðdáendur sína og sýna með því
þakklæti sitt og virðingu. Bubbi
Morthens hefur verið duglegur að
þræða þorpin og flest þau pláss á ís-
landi sem hafa yfir samkomuhúsi að
ráða. Um miðjan yfirstandandi mán-
uð hélt Bubbi út fyrir landsteinana
til hljómleikahalds og setti stefnuna
á íslendingabyggðir á Norðurlönd-
unum. Ferðin, sem stendur enn, tek-
ur í allt tæpar þrjár vikur og á þeim
tíma fer Bubbi og gitarinn hans um
Danmörku, Svíþjóð, Noreg og Finn-
land auk þess sem tónlistarhátíðin í
Parnu í Eistlandi er heimsótt en þar
leikur Bubbi einmitt í dag. Poppsíð-
unni lék forvitni á að vita hvernig
stæði á Eistlandsferð í hljómleika-
reisu sem bæri yfirskriftina Skand-
inavíutúrné 1991. Er Bubbi Morthens
að slá sig til ridddara líkt og íslensk-
ir stjórnmálamenn með því að sækja
Eystrasaltsland heim ?
„Það er af og frá. Eistlendingar
buðu mér að koma, þannig að ég lít
á það sem móðgun að tala um að ég
sé að slá mig til riddara með því að
fara þangaö. Ég nota tónlistina til
annars.“
Tónleikar
í dælustöðinni
Fjórðu tónleikarnir í röð þeirra
fjórtán, sem Bubbi hélt í ferðinni,
voru í Pumpehúsinu í Kaupmanna-
höfn. Staðurinn er 130 ára gömul
dælustöð í miðborginni sem hætt er
að þjóna upphaflegu hlutverki sínu
en í staðinn hafa tónlistargyðjunni
verið haldin þar regluleg teiti síðan
1987 að húsið var opnað sem tónlei-
kastaður. Poppsíða DV var meðal
þeirra 200 gesta sem sóttu Bubba
heim í dælustöðina sunnudagskvöld
í mars og átti þar ánægjulega kvöld-
stund. t
Segulstöðvarblúsinn var upphafs-
lag tónleikanna og í kjölfarið fylgdi
ísbjarnarblús í hægari og blúsaðri
útsetningu en menn eiga að venjast.
Inn í lagið fléttaði Bubbi sögu Eif
Malagafanganum, hassferð til Amst-
erdam og þeim „félögum“ Þorsteini
Pálssyni og Davíð Oddssyni. Hvað
þessir aðilar eiga sameiginlegt með
frystihúslífinu er óráðin gáta en
áheyrendum líkaði vel og salurinn
rak upp hrifningarstunu að lagi
loknu. Bubbi hafði náð að stilla
áheyrendur inn á sitt eigið tíðnisvið
og virtist eiga salinn upp frá þessu.
Sögustundirnar áttu eftir að verða
fleiri og lengri. Ekki allar jafngóðar,
sumum var hægt að hafa gaman af
en aðrar máttu missa sig. Téð kvöld
voru dónalegar sögur í uppáhaldi hjá
trúbadornum og virtist áheyrendum
skemmt þó undirritaður hefði kosið
að heyra meira af lögum á kostnað
frásagnanna. Sögur af landi var
uppistaða tónleikanna þó að inn á
milli læddi Bubbi gömlum klassíker-
um eftir sjálfan sig og aðra. Mönnum
á borð við Led Bellie og Bob Dylan
var gert hátt undir höfði. Það var
einmitt í Burgeisar-blús eftir blökku-
manninn og tukthúsliminn Led
Bellie^em tónleikar Bubba í Kaup-
mannahöfn risu hæst. Hann gaf
röddinni lausan tauminn, tryllt fór
hún á svif og sannaðist þar með hið
fornkveðna; Bubbi er bestur. Annan
eins rokk- og blússöngvara hefur
Frón ekki alið.
Eftir rúmlega tveggja tíma spil og
sögur kvaddi Bubbi með þeim orðum
að viðstaddir ættu að láta sér líða vel
og víst var að sjálfur hafði trúbador-
inn lagt sitt af mörkum til að svo yrði.
Engin ný plata
frá Bubba í ár
Eftir tónleikana mælti undirritað-
ur sér mót við Bubba og innti hann
eftir því hvaða gildi slík tónleikaferð
sem yfirstandandi Skandinavíutúr
hefði?
„íslendingarnir gefa henni gildi.
Þeir eru mitt fólk og þess vegna þyk-
ir mér ljúft að spila fyrir þá. íslend-
ingar í útiöndum er þakklátir áheyr-
endur á svipaðan hátt og þakklátasta
fólkið sem ég spila fyrir á íslandi er
fólkið á litlu stöðunum úti á landi.
Viðtökur, hvort sem það er í þessum
túr eða einhverjum öðrum, fara allt-
af eftir manninum á sviðinu. Hann
hefur verið góður síðustu daga og
Umsjón
Snorri Már Skúlason
þess vegna hafa viðtökur verið góð-
ar. Raunar lít ég á þennan Skandin-
avíutúr núna sem hálfgerða gener-
alprufu þvi ég hef áhuga á að gera
slíkar ferðir að árlegum viðburði,
þ.e.a.s. ef þessi gengur þolanlega.
Auk þess kem ég til með að eyða
meiri tíma á þessum slóðum á næst-
unni því að útgefandinn minn hefur
ákveðið að ráðast í enska útgáfu á
Sögum af landi í Skandinavíu."
Eitthvaö annað á döfmni?
„Ég hef ákveðið að taka mér frí frá
plötuupptökum þetta árið og reyna
frekar að leggjast í skriftir auk þess
sem ég ætla gefa mér tíma til að
hlusta á tónlist sem aðrir hafa verið
að búa til. Reyndar kem ég til með
að semja lög á nýja rokkplötu sem
Rúnar Júlíusson ætlar að gera.
Rúnar er maðurinn sem dreif ís-
lenskt rokk upp á svið í kringum
1963. Hann er maður með „karisma"
og útgeislun sem hreif fólk með á
sjöunda áratugnum. Hann er einn
af frumherjunum og verðskuldar
virðipgu sem slíkur og því þykir mér
gaman að fá að semja lög fyrir hann.
Ég kem hins vegar ekki til með að
spila eða syngja á plötunni. Ég er í
fríi frá hljóðverum."
-SMS
UMBÚÐAPAPPÍR
Eigum fyrirliggjandi:
brúnan kraftpappír og
hvítan umbúðapappír í ýmsum
breiddum.
Jafnframt prentum
við fyrir þig
FÉLAGSPRENTSMIÐJAN HF.
Spítalastíg 10 - Sími 11640
Fax: 29520
Ritvélar
í úrvali
Verð frá kr. 19.800,- stgr.
EinarJ. Skúlasonhf.
Grensásvegi 10, sími 686933
KERRUR
til flutninga á
Búslóðum
Hestum
Vélsleðum
Farangri o.fl.
Einnig traustir jeppar
Allar kcrrur mcð löglegum
ljósabúnaði
interRent
Europcar
BÍLALEIGA AKUREYRAR
Skcifan 9, Rcykjavík.
Sími686915
F allnir í valinn
Tveir þekktir tónlistarmenn hafa
horfið á vit feðra sinna á síðustu
vikum. Fyrstan skal telja Frans-
manninn Serge Gainsbourg sem
vakti fyrst á sér athygli sem blóma-
barn á sjöunda áratugnum. Hans
frægasta lag er án efa Je T’Aime
sem hann söng og stundi ásamt
söngkonunni Jane Birkin árið 1969.
Lagið vann sér það til frægðar að
verða fyrsta popplagið sem BBC
setti á bannlista. Frygðarstunur
sem heyrðust í því fóru sem piss
fyrir hjarta forráðamanna hinnar
virtu stofnunar.
Gainsbourg hneykslaði landa
sína fáum árum síðar er hann til-
kynnti að hann ætlaði að flytja
franska þjóðsönginn í reggíútsetn-
ingu og hlaut í staðinn morðhótan-
ir frá ævareiðum þjóðernissinnum.
Steve Clark.
Serge Gainsbourg var ekki þekktur
fyrir að sækja bingó hjá templur-
um, hann misnotaði áfengi og aðra
vímugjafa og því kom kunnugum
ekki á óvart er Gainsbourg lést af
hjartaslagi á heimili sínu í París á
dögunum, 62 ára gamall.
Sergei Gainsburg.
Gítarleikari
DefLeppard
Steve Clark gítarleikari rokk-
sveitarinnar Def Leppard lést í
svefni á heimili sínu í Chelsea á
Englandi um miðjan febrúar.
Fregnir herma að Clark hafi tekið
inn óheppilega blöndu af áfengi og
öðrum fíkniefnum. Hljómsveitin,
sem var að vinna að sinni fimmtu
plötu, pakkaði þegar saman og hef-
ur frestað frekari upptökum.
Def Leppard komst í hóp hinna
stóru með plötunni Hysteria árið
1987 en Steve Clark samdi eipmitt
nokkur af vinsælustu lögum þeirr-
ar skífu. Söngvari Def Leppard, Joe
Elliott, sagði Clark hafa verið
„master of the riffs“ og eiga heiður
af nokkrum bestu lögum Def Lepp-
ard.
Blessuð sé minning þeirra.
-SMS