Dagblaðið Vísir - DV - 27.03.1991, Blaðsíða 52

F R ÉTTASKOTIÐ
Hafir þú ábendingu eða vitneskju um frétt, hringdu Fyrir besta fréttaskotið í hverri viku greiðast 5,000
þá í síma 62-25-25. Fyrir hvert fréttaskot, sem birt- krónur, Fullrar nafnleyndar er gætt. Við tökum við
ist eða er notað í DV, greiðast 2.000 krónur. fréttaskotum allan sólarhringinn.
é
Ritstjórn - Augiýsingar - Áskrift » Dreifing: Sími 27022
MIÐVIKUDAGUR 27. MARS 1991.
Páskaveðrið:
Hvassttilfjalla
Veðurstofan spáir umhleypinga-
sömu veðri á landinu öllu fyrir pásk-
ana. Veðurfræðingur tók þó fram að
veðrið yrði þess eðlis að spár gætu
allar farið í vaskinn.
Á morgun, skírdag, er spáð suðlæg-
um áttum með slyddu eða rigningu
um sunnan- og vestanvert landið en
.þurru norðaustanlands fram eftir
degi. Hlýnandi veður verður í bili.
A föstudaginn langa bendir flest til
að lægð nái að dýpka fyrir austan
landið þannig að hann fari yfir í
norðan- eða norðaustanátt. Getur þá
orðið mjög hvasst sums staðar, sér-
staklega á Norður- og Austurlandi,
með snjókomu eða éljagangi. Það
gæti orðið snarpur hvellur, alvöru
páskahret.
Þetta veður líður hjá seint á föstu-
deginum eða laugardeginum og verð-
ur þá komið skaplegra veður um allt
land. Þá verða suðvestlægar áttir
með súld sunnanlands og vestan og
léttir til austantil. Það veður gæti
staðið fram á páskadag. Veðurfræö-
ingur sagði einkennandi fyrir páska-
veðriö að mjög hvasst yrði í háloftun-
um yfir landinu sem þýddi mikið
hvassviðri til fjalla, á hálendinu, þar
sem spáð væri andstyggðarveðri.
-hlh
Færtáflestastaði
Útlit er fyrir aö flogið verði á flesta
ef ekki alla áætlunarstaði Flugleiða
og Arnarflugs innanlands/Flugtaks i
dag. Það er þá helst á Vestfjörðum
sem veðurútlit er slæmt. Flogið verð-
ur á morgun, skírdag, en ekkert á
föstudaginn langa. Síðan verður flog-
ið á laugardag og annan í páskum. -ns
Dollari við 60 krónur
Dollarinn lækkaði örlítið í morgun
en síöustu daga hefur hann hækkað
mjög skarpt og verið við 60 krónurn-
ar. Fyrir fáum vikum var hann kom-
inn niður fyrir 54 krónur. í morgun
var sölugengi dðllars skráð á 59,74
krónur en kaupgengi 59,58 krónur.
-JGH
Smáauglýsingadeild DV er opin í
dag, 27. mars, til kl. 18.00.
Lokað verður skírdag, föstudaginn
langa, laugardaginn 30. mars og
páskadag.
Annan páskadag verður smáaug-
lýsingadeildin opin frá kl. 18-22.00.
Síminn er 91-27022.
Afgreiðsla og áskrift er opin til kl.
20.00 í kvöld.
Næsta blað kemur út þriðjudaginn
2. apríl.
Gleðilega páska!
LOKI
Gleðilegt páskahret!
Höfuðpaurinn 1 stóra kókaínmálinu dæmdur í 4 ára fangelsi:
Þyngsti Hæstaréttar-
dómur í f íknief namáli
Hæstiréttur hefur dæmt Ólaf Þór
Þórhallsson, 27 ára Reykvíking, til
þyngstu fangelsisrefsingar sem
kveðinn hefur verið upp af þeim
dómi vegna fíkniefnabrots - fjög-
urra ára fangelsi. Ólafur Þór var
ákærður fyrir að hafa verið frum-
kvöðull i að skipuleggja öflun fíkni-
efna og flutning þeirra til landsins
í svokölluðu stóra kókaínmáli árið
1988.
í júni 1990 var Ólafur dæmdur í
4/t árs fangelsi i Sakadómi Reykja-
víkur. Hann neitaði alltaf sakar-
giftum þrátt fyrir aö tveir menn
sem voru viðriðnir málið hefðu
gengist við sínum brotum. Garðar
Bragason var dæmdur í 3 V/ árs
fangelsi en Kári Elíasson í 2 '/> árs
fangelsi. Þeir tveir greindu hrein-
skilnislega frá atvikum málsins og
var það virt þeím til hagsbóta við
refsiákvörðun. Tvímenningarnir
undu undirréttardóminum, þeir
áfrýjuðu ekki og fóru síðan í fang-
elsisafplánun. Ölafur Þór áfrýjaði
hins vegar sínum dómi til Hæsta-
réttar. Honum bar aldrei saman í
meginatriðum við hina sakborn-
ingana né vitni í málinu.
Ölafur Þór stofnaði bílaleigu
ásamt Garðari gagngert til að fjár-
magna fikniefnakaupin í Banda-
ríkjunum. Kókainið var flutt til ís-
lands falið í bíl. Hluta efnisins tókst
að selja en fikniefnalögreglan lagöí
hald á 437 grömm í bankahólfi í
Breiðholtsútibúi Landsbankans.
í dómi sakadóms segir að brot
Ólafs Þórs og Garðars hefði haft
langan aðdraganda, verið vel
skipulagt og lýsti þannig einbeitt-
um brotavilja. Auk þess sammælt-
ust mennirnir um brotið.
Sakadómur félist á kröfu ákæru-
valdsins um upptöku á lóðavog sem
notuð var við mælingu kókaínsins,
svo og Ford Fiesta bil sem keypt
var fyrir ágóða fíkniefnasölunnar.
Hæstiréttur féllst á upptöku lóða-
vogarinnar en ekki bilsins. Ólafur
Þór hefur neitað að eiga bílinn.
Fordinn, sem er í vörslu lögregl-
unnar, er því samkvæmt þessu eig-
andalaus.
Hæstiréttur dæmdi Ólaf Þór
einnig til að greiða 150 þúsund
krónur í sekt til ríkissjóðs. Til frá-
dráttar refsingu hans kemur 210
daga gæsluvarðhald. Hann var
einnig dæmdur til að greiða 150
þúsund krónur í málsvarnarlaun.
Skipaður verjandi mannsins var
Jón Oddsson hæstaréttarlögmað-
ur.
-ÓTT
Sjö skipverjum af Jósep Geir, 47 tonna bát sem gerður er ut frá Þorlákshöfn, var bjargað um borð i Fróða ÁR
33 þegar báturinn sökk eftir að leki kom að honum skammt fyrir utan Stokkseyri i gærmorgun. Á myndinni eru
þrír skipverjar af Jósep Geir að fara í land þegar Fróði kom með þá til Þorlákshafnar skömmu fyrir hádegi í gær.
Frá vinstri Hjalti Hafsteinsson matsveinn sem er skólaus enda missti hann allan sinn búnað þegar báturinn sökk,
Þórður Guðmundsson háseti og Guðjón Þór Pálsson stýrimaður. - Sjá nánar á bls. 2. DV-mynd Brynjar Gauti
Veðriðámorgun:
Þurrt og
bjart norð*
austanlands
Á morgun verður suðlæg átt og
heldur hlýnandi í bili. Víða verð-
ur slydda eða rigning um sunnan-
og vestanvert landið en þurrt að
mestu norðaustanlands og sums
staðar bjart veöur framan af degi.
Akranes varð
stjórnlaust
við Azoreyjar
- muíslendingarumborð
Akranes, eitt stærsta skip íslend-
inga, missti stýrið suður af Azoreyj-
um þegar það var á leið frá Noregi
til New Orleans i Bandaríkjunum.
Um borð eru níu íslendingar og fjór-
ir Pólverjar. Skipið er með 7.165 tonn
af járnblendi.
Atburðurinn varð 19. mars. Skipið
varö stjórnlaust og var ákveðið að
óska eftir aðstoð dráttarbáts. Bátur-
inn kom að Akranesi nokkrum dög-
um síðar og var búið að setja fasta
dráttartaug á milli skipanna síðast-
liðinn laugardag. Á sunnudeginum
gerði slæmt veður og slitnaði þá
taugin. Erfitt var að athafna sig með
svera dráttartaugina í miklum sjó-
gangi en á mánudag tókst að festa
hana aftur. Á hádegi á mánudag hélt
skipið áfram ferðinni.
Ferð Akraness og dráttarbátsins
sóttist sæmilega í gær. Akranes getur
keyrt báðar aðalvélar. Skipstjóri um
borð er Trausti Guðjónsson.
Að sögn Guðjóns Ármanns Einars-
sonar, rekstrarstjóra Nesskipa, er
vonast til að skipið komi til hafnar á
laugardag. Verið er að leita tilboða
vegna viðgerðar og er búist við að
gert verði við skipið í Portúgal eða á
Spáni.
-ÓTT
TVÖFALDUR1. vinningur