Dagblaðið Vísir - DV - 27.03.1991, Blaðsíða 17

Dagblaðið Vísir - DV - 27.03.1991, Blaðsíða 17
T MIDVIKUDAGUR 27. MARg 1,991. 17 Meruung Mannlíf á myndum Um Islensku ljósmyndasýninguna 1991 Um margra ára, jafnvel áratuga, skeiö hafa íslenskar sjónmenntir lið- iö fyrir vöntun á gróskumikilli Ijós- myndahefö. Tæplega er um aö kenna skorti á íslenskum ljósmyndurUm, eins og sést á því að fyrir nokkrum dögum voru uppihangandi myndir eftír hartnær fimmtíu spreMfandi ljósmyndara á öllum aldri, mest- megnis atvinnumenn, á tveimur sýn- ingarstöðum í bænum. Þess utan eru nokkur íslensk ljós- myndaraefni í þann mund að ljúka námi við virta skóla úti í löndum, svo ekki sé minnst á álitlegan hóp efni- legra leikmanna um land allt. Einhverra hluta vegna hefur þessi skari ljósmyndara ekki náð aö gera sig gildandi innan íslenskra sjónhsta. Margir þeirra. hafa að vísu komið frá námi með ferskar hugmyndir í ljós- myndatöskunni, haldið sýningar á ljósmyndum, jafnvel stofnað ljós- myndatímarit, en koðnað niður í ófrjórri peningavinnu fyrir auglýs- ingastofur, fjölmiðla eða iðnfyrir- tæki. Nokkrir þeirra hafa að vísu unnið skapandi ljósmyndavinnu þess á milli, en ekki nógu samfellt til árangurs. Stöðnun/endurnýjun Saga íslenskrar ljósmyndunar hin síðari ár er að sönnu vörðuð stökum úrvalsmyndum en í hana vantar hrygglengjuna, heildstæða ljós- myndavinnu nokkurra svipmikilla einstaklinga sem er frumskilyrði þess að lifvænleg „hefð" geti mynd- ast. Þetta ástand mála hefur ekki síð- ur komið niður á öðrum myndmiðl- um en ljósmyndinni, hefur til dæmis torveldað nýskapandi víxlverkun þeirra. Er fróðlegt að bera íslenska ljós- myndun saman við ljósmyndun frænda vorra á Norðurlöndum sem einkennist af stöðugri og þróttmikilli endurnýjun, einkum og sérílagi í Finnlandi. Sjálfsagt hefur eitthvað skort á metnað og festu íslenskra ljósmynd- ara. Hefðu þeir staðið fyrir regluleg- um sýningum á ljósmyndum og~ skoðanaskiptum um þær værum við betur á vegi stödd. Sjálfsagt hefur einnig skort talsvert á skilning ís- lensks menningarsamfélags á eðli og gildi Ijósmyndunar, enda eru ís- lenskar sjónmenntir svo ungar að árum að við erum tæplega búin að venjast forvera hennar, málaralist- inni. Yfirbót og endurreisn En hverjar sem ástæður þessarar Ijósmynaarlegu ládeyðu eru gefst nú gullvægt tækifæri til yfirbótar og endurreisnar. Ljósmyndaþjónustan Skyggna/Myndverk hf. hefur nú sýnt af sér það lofsverða framtak að stofna til mikillar samsýningar og úttektar á íslenskri nútímaljósmynd- un að Kjarvalsstöðum í von um að „hér sé upphafið að reglubundnum sýningum af þessu tagi og að þær yerði vettvangur fyrir það besta í ís- lenskri ljósmyndun sem ljósmyndar- ar stefna á og miða vinnubrögð sín við í framtíðinni" eins og segir í efn- isrnikilli sýningarskrá. Ljósmynda- safn Reykjavíkur hefur og gengið til samstarfs við aðstandendur syning- arinnar og kynnir fallegt úrval gam- alla ljósmynda á vesturgangi Kjar- valsstaða. Á ljósmyndasýningunni eru 190 myndir eftir 43 ljósmyndara, valdar úr 650 innsendum myndum. í hópi þessara 43 ljósmyndara eru grun- samlega fáar konur, 4 talsins. Hvað veldur? Með þessari fyrstu samsýningu sinni færast aöstandendur æði mikið í fang því henni er ekki einasta ætlað að sýna ástand og horfur í „frjálsri" eða „skapandi" ljósmyndun á Islandi heldur einnig í iðnaöar- og atvinnu- ljósmyndun, tískuljósmyndun og auglýsingaljósmyndun, en hver og einn þessara ílokka kallar á sérstaka sýningu. Auk þess eru allnokkrar myndir af þessum toga að finna með- al „Listrænna ljósmynda" og í svo- kölluðum „Frjálsum ílokki". Björn Torfi Hauksson - Valdimar Örn Flygening. Verktakaljósmyndir Flokkun ljósmynda á sýningunni er í rauninni 'A vandræðaleg, hugs- anlega vegna þess að þátttakendur fengu sjálfir að hafa áhrif á hana. Meðal „listrænna" mynda eru hrein- ar auglýsingamyndir, íþróttamyndir fylla flokk sem heitir „Daglegt líf' o.s.frv. Allt um það lætur nærri að fjórð- ungur sýndra ljósmynda sé gerður í þágu annarra en ljósmyndaranna sjálfra sem gefur örugglega ekki rétta mynd af þeim sem um linsurn- • ar halda. Þessi fjöldi tækhilega óað- finnanlegra „ verktakaljósmynda", Myndlist Aðalsteinn Ingólfsson þar á meðal uppstilltra barna- og portrettmynda, gefur sýningunni í heild sinni áferöarfagurt en um leið yfirborðskennt svipmót. Og þegar við bætist fyrirferöarmikill flokkur fágaðra „Landslags- og náttúrlífs- mynda" er ekki trútt um að maður sakni lýsandi og spurulla mannhfs- ljósmynda úr daglega lífinu, helst í svart/hvítu, en margir telja þær hornstein og kjölfestu þessa mynd- miðils. Ljósmyndum af þeirri gerð er vissulega til að dreifa á sýning- unni, en ekki nægilega mörgum fyrir minn smekk. Nokkur dæmi Ég nefni til dæmis „Eggert Magn- ússon við eitt verka sinna" eftir Gunnar Gunnarsson, „Gunnar Sverrisson" eftir Braga Þ. Jósefsson, „Bóndi er bústólpi" eftir Björn Rú- riksson (í flokki atvinnuljósmynda), „Gústa" eftir Jóhannes Long, „Por- trett í heita læknum" eftir Sigurgeir Sigurjónsson, „Dans" og „Ay! Madre mia" eftir Marisu Arason, „Valva" eftir Sigurgeir Sigurjónsson, „Heim- urinn er forvitnilegur" eftir Eirík Jónsson, „Heimsókn í klaustur Karmelsystra" eftir Brynjar Gauta Sveinsson og „Veiðimenn á norður- slóð" eftii>Ragnar Axelsson. Tvö síðastnefndu verkin eru raun- ar myndraðir en nokkrir þátttak- enda virðast hafa þroskað með sér frásagnargáfu sem vert er að fylgjast með í náinni framtíð. Meðal annarra sögumanna eru þeir Þorkell Þorkels- son og Grímur Bjarnason með nekt- armyndir sínar ög Sigurþór Hall- þjörnsson með mótorhjólasvítu sína. (Ein aðfinnsla: Ártöl ættu undan- tekningarlaust að fylgja ljósmynd- um.) Nýsköpun „íslenska ljósmyndasýningin 1991" á eflaust eftir að verða aðstandend- um jafnt sem þátttakendum gott veganesti upp á sambærilegar sýn- ingar í framtíð. í þeirri framtíð mundi ég telja heppilegast að láta alla „verktakaljósmyndun" lönd og leið og ganga út frá nýsköpun. HIRTU TENNURNAR VEL — en gleymdu ekki undirstöðunni! * er jinnig f auðug af próteini, fosfóri.ýmsum B - vítamínum og gefurzink, magníum, natríum og fleiri efni sem eru líkamanum nauðsynleg. "mjólkurdagsnefnd

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.