Dagblaðið Vísir - DV - 27.04.1991, Blaðsíða 22
22
LAUGARDAGUR 27. APRÍL 1991.
Sérstæð sakamál
Dawn og Geoff Huggins.
Sfeve og Cathy Banks.
Hún vildi að þau skildu
Þegar Amanda Cortes stóö ein
uppi af því maður hennar haföi
fengið skilnað til að geta kvænst
annarri konu varð hún bitur. Það
var henni þyrnir í augum að sjá
önnur ung hjón njóta hamingjunn-
ar. Þess vegna hóf hún herferð til
að eyðileggja hjónaband sem
flestra þeirra. En af því leiddi ekki
það sem hún hafði búist við.
Skilnaðurinn
Amanda Cortes var tuttugu og
íjögurra ára og hamingjusamlega
gift Allen, eða það hélt hún að
minnsta kosti. En skyndilega varð
hún aö horfast í augu við þá stað-
reynd að hann var orðinn ástfang-
inn af annarri konu og krafðist
skilnaðar til að geta kvænst henni.
Að Amöndu sóttu margar spurn-
ingar þegar henni varð ljóst hvern-
ig komið var. En efst í huga var
henni þó aö reyna að komast til
botns í hvers vegna svona hafði
farið. Hafði hún farið rangt að í
hjónabandinu? Hafði hún ekki ver-
ið manni sínum það sem hann hafði
vænst af henni? Svo virðist sem
henni hafi ekki tekist að finna við-
unandi svör.
Venjulega var frekar ópersónu-
legt samband milli íbúanna í fjöl-
býlishúsinu í Kidderminster þar
sem Amanda bjó. íbúðirnar voru
fjörutíu og sex og yfirleitt ræddust
íbúarnir ekki við, létu sér aðeins
nægja að kinka kolli hver til ann-
ars þegar þeir mættust í lyftunni
eða á göngunum. Skilnaðurinn
fékk þó fólk til að stinga saman
nefjum og brátt var mörgum í hús-
inu ljóst hvemig komið var fyrir
Amöndu. Vildu ýmsir sýna henni
samúð en þó fyrst og fremst þrenn
hjón.
Öfund
Hjónin voru, Geoff og Dawn
Huggins, bæði þrjátíu og tveggja
ára, Vince og Susan Wenban, tutt-
ugu og sjö og tuttugu og sex ára,
og Steve og Cathy Banks, tuttugu
og fimm ára og tuttugu og tveggja
ára.
Það voru fyrst og fremst Dawn,
Susan og Cathy sem reyndu að
aðstoða Amöndu. Eiginmenn
þeirra höfðu sig aftur ekki í frammi
nema sérstakrar aðstoðar væri
þörf við lausn einhvers vanda sem
Amanda réð ekki við sjálf.
í raun hefði Amanda átt að vera
þakklát fyrir þá umhyggju sem
henni var sýnd en í biturleika sín-
um fór hún að bera saman eigin
hag og ungu hjónanna þriggja. Og
niðurstaðan varð sú að hún hefði
orðið fyrir miklu óréttlæti í lífinu.
Jafnframt fór hún að öfunda hjónin
þrenn og ekki leið á löngu þar til
henni fannst að hún yrði að ná sér
niðri á þeim fyrir að njóta ham-
ingju sem henni veittist ekki leng-
ur. Ekki gat hún látið reiði sína
bitna á fyrrverandi manni sínum,
Allen, því hann var fluttur í annan
hluta í Englandi ásamt nýju kon-
unni sinni.
Gekk í gildruna
Þegar Amanda hafði tekið um
það ákvörðun að eyðileggja hjóna-
bönd unga fólksins sem hafði viljað
koma henni til aðstoðar í þrenging-
um hennar lét hún fljótlega til
skarar skríða.
Fyrsta fómardýr hennar var Ge-
off Huggins. Hún bað hann að
koma til að gera við lekan krana í
baðherberginu. Þegar Geoff kom í
íbúðina gat hann ekkert fundið aö
krananum, en meðan hann var að
huga að honum klæddi Amanda sig
úr hverri spjör og fór í gagnsæjan
náttkjól.
Geoff gekk í gildruna og var
skömmu síðar kominn upp i rúm
með Amöndu. Þetta varð upphaf
þess að hann tæki að annast „við-
gerðir og lagfæringar" í íbúö
Amöndu og urðu þær alimargar
ferðimar sem hann gerði sér inn
til hennar. Alitaf virtist eitthvað
vera að í íbúöinni sem krafðist
sterks og handlagins karlmanns og
það stóð aldrei á Geoff að bjóða
fram aðstoð sína. Þó var það svo
að hann var frekar latur að gera
við þegar eitthvað bilaði í hans eig-
in íbúð.
Dawn var ekki kjáni og gerði sér
fljótlega grein fyrir því að ekki var
allt með felldu með heimsóknir
manns hennar til Amöndu. Dawn
hafði hins vegar ekki í hyggju að
skilja við mann sinn og því sagði
hún honum dag einn að þyrfti
Amanda Cortes að láta laga eitt-
hvað fleira í íbúð sinni yrði hún
að fá einhvern annan til þess en
hann.
Næsta fórnardýr
Það ergði Amöndu mikið að
henni skyldi ekki takast að eyði-
leggja hjónaband þeirra Dawn og
Geoffs. Hún var þó ekki á þvi að
láta það koma í veg fyrir þá iðju
sem hún hafði tekið upp og nú sneri
hún sér til Vinces Wenban og bað
hann að hjálpa sér við lagfæringar
í íbúðinni. Vince komst svo í sömu
aðstöðu og Geoff hafði verið á und-
an honum.
Dawn, sem tekist hafði að bjarga
sínu hjónabandi, sá hvað'var að
gerast hjá Vince og Susan og ásetti
sér að bjarga hjónabandi þeirra.
Hún sagði því Susan frá reynslu
sinni og Susan fór eins að og Dawn.
Hún bannaði manni sínum að veita
Amöndu frekari aðstoð, en minnt-
ist ekki á skilnað.
Aftur varð Amanda að horfast í
augu við að tilraun hennar til að
valda hjónaskilnaði hafði mistekist
en hún gerði sér þó vonir um að
henni tækist að fá Steve Banks og
konu hans Cathy til að skilja. Og
Amanda Cortes.
nú ásetti Amanda sér aö ganga
þannig til verks að sér gæti ekki
mistekist.
Staðinn aó verki
Steve kom Amöndu til aðstoöar
þegar hún bað hann um að hjálpa
sér. Og eins og í fyrri tilvikurrum
endaði viðgerðin uppi í rúmi hjá
henni. En nú hafði Amanda undir-
búið aðgerð sína betur en í fyrri
skiptin. Og dag einn fór hún upp í
íbúðina til Bankshjónanna og
spurði hvort Steve gæti aðstoðað
sig um stund. Strokjárnið hennar
væri bilað.
Steve nær stökk á fætur og það
hefði átt að vekja grunsemdir hjá
Cathy en þá sagði Amanda við
Steve: „Farðu bara niður. Ég ætla
að spjalla dálítið við Cathy. Ég kem
svo á eftir. Hafðu dymar opnar.
Ég verð ekki lengi."
Steve fór inn í íbúð Amöndu, fór
úr hverri spjör og upp í rúm. Á
meðan , játaði" Amanda fyrir Cat-
hy að í einmanaleik sínum hefði
hún orðið hrifin af Steve og hefði
oftsinnis farið upp í rúm með hon-
um. Amanda sagðist hins vegar
skammast sín mikið fyrir fram-
komu sína og nú ætlaði hún að slíta
sambandinu. Bað hún Cathy að
koma inn til sín rétt á eftir sér svo-
hægt væri að leysa vandann í eitt
skipti fyrir öll.
Þegar Amanda kom inn í íbúðina
sína sparkaði hún af sér skónum
og kastaði sér í fangið á Steve. En
í stað þess að fara að eins og venju-
lega sagði hún nú, Steve til mikillar
undrunar: „Nei, ekki gera þetta,
Steve! Cathy er vinkona mín og ég
get ekki gert henni þetta.“
Stóð á hleri
Þetta heyrði Cathy, sem var nú
komin í ibúðina enda hafði
Aamnda gætt þess að láta sér þessi
orð ekki um munn fara fyrr en
Cathy gat heyrt þau. Steve stóð
þarna eins og illa gerður hlutur.
Hann klæddi sig í skyndi og fór
með konu sinni. Amanda sat ein
eftir og gladdist yfir því að loks
hefði henni tekist að koma því til
leiðar sem hún hafði ætlað sér.
En í þetta sinn sem hin fyrri hafði
hún rangt fyrir sér. Cathy fannst
að hún yrði að ræða vanda sinn
við einhvern áður en hún tæki
ákvörðun um framtíð hjónabands-
ins. Og konan sem hún sneri sér
til var Dawn Huggins.
Síðdegis næsta dag komu þær
saman, Dawn, Susan og Cathy, og
báru saman bækur sínar. Þá kom
í ljós að bæði Geoff og Vince höfðu
sagt konum sínum hvernig þeir
höfðu tekið upp ástarsamband við
Amöndu og bar frásögnum þeirra
saman. Þegar konunum þremur
var orðið ljóst að Amanda hafði
gert tilraun til að eyðileggja hjóna-
bönd þeirra allra þriggja tóku þær
ákvörðun um aö kenna henni lexíu
sem hún gleymdi ekki.
Áfund Amöndu
Fáum dögum síðar héldu eigin-
konurnar þrjár á fund Amöndu.
Hvað gerðist í íbúðinni verður lík-
lega aldrei að fullu ljóst en þegar
hringt var á sjúkrabíl og lögreglu
lá Amanda Cortes í blóði sínu á
gangstéttinni fyrir framan fjölbýl-
ishúsið. Annað hvort haföi hún
fallið fram af svölum íbúðarinnar
á þriðju hæð eöa verið kastað fram
af þeim. í íbúðinni fundust ýmis
merki um að þar hefði komið til
átaka.
Yfirheyrslur leiddu í ljós hvað
Amanda hafði gert til að reyna að
eyðileggja hjónabönd kvennanna
þriggja. Þær héldu því fast fram að
þær hefðu aðeins ætlað sér að
kenna Amöndu lexíu sem hún
gleymdi aldrei. Hins vegar hefði
hún fyrir slysni fallið fram af svöl-
unum.
Sáksóknarinn krafðist þess að
þær yrðu dæmdar fyrir manndráp
en dómarinn var ekki á sama máli
og lét þær lausar gegn tryggingu
sem var jafnvirði tæplega þúsund
krónur. Þótti upphæðin beinlínis
hlægileg og gaf það strax til kynna
að ekki yrðu kveðnir upp þungir
dómar í þessu máli.
Þær eru líka aUar á heimilum
sínum hjá eiginmönnunum sem
hafa fengið fyrirgefningu fyrir að
hafa látið tælast af Amöndu. Og
hún fékk á endanum að greiða dýru
verði fyrir að hafa í biturleik sínum
ætlað að eyðileggja þrjú hjóna-
bönd.