Dagblaðið Vísir - DV - 27.04.1991, Blaðsíða 24

24
LAUGARDAGUR 27. APRÍL 1991.
Myndbönd
Eftir miklar sviptingar á listan-
um að undanförnu ríkir stöðugleiki
þessa vikuna. Bird on a Wire sest
að vísu í toppsætið en Another 48th
Hours hrapar ekki langt, sest að í
öðru sætinu. Engin ný kvikmynd
kemur inn á listann þessa vikuna.
Myndin um Krays-bræðurnar kík-
ir inn aftur eftir að hafa dottið út
í síðustu viku en stendur varla
lengi við. Mikil útgáfa hefur verið
að undanförnu. Nú má búast við
þegar sumarið er gengið í garð að
eitthvað hægist á.
1 (2) Bird on a Wire
2 (2) Another 48 Hours
3 (3) Wild at Heart
4 (5) Impulse
5 (8) The Freshman
6 (6) Cadillac Man
7 (9) Bad Influence
8 (4) Heart Condition
9 (7) RoboCop II
10 (-) The Krays
★★★
WILD AT HEART
Útgefandi: Háskólabió.
Leikstjóri: David Lynch.
Aðalhlutverk: Nicolas Cage, Laura
Dern, Willem Dafoe, Isabella Rossellini
og Harry Dean Stanton.
Bandarísk, 1990-sýningartimi 115min.
Bönnuð börnum innan 16 ára.
Verðlaunamynd David Lynch,
Wild at Heart er ákaflega sérstök
kvikmynd þar sem siðspilltur
heimur birtist okkur í ýktri mynd.
Wild at Heart er einnig kvikmynd
um mikla ást sem ekki deyr hvað
sem á dynur.
Stílbragð Lynch leynir sér ekki
strax frá fyrsta atriði og víst er
þetta er kvikmynd sem hneykslar
marga og kvikmynd sem endalaust
er hægt að rífast um. Öllum þeim
sem sáu Blue Velvet ættu samt
ekki að koma á óvart allir öfgarnir
sem koma fyrir í myndinni.
Aðalpersónurnar eru elskend-
urnir Sailor Ripley og Lulu Pace.
Vegna tilverknaðar móður Lulu
verður Sailor manni að bana. Trú
sínum manni bíður Lulu þar til
hann losnar úr fangelsi og saman
fara þau á flakk óafvitandi um að
móðir Lulu sem ekki gat þolað það
að Sailor hafnaði henni hefur sent
atvinnumorðingja á eftir þeim.
Ferð þeirra endar í smáþorpi, Big
Tune, þar sem örlagaríkir atburðir
eiga sér stað.
Eins og ávallt í myndum Lynch
eru það persónurnar sem vekja
hvað mestan áhuga. Sailor og Lulu
eru þrátt fyrir mannlega breysk-
leika einu persónurnar sem hafa
eitthvað gott í sér. Allar aðrar per-
Villt líf
sónur koma úr sora mannlífsins
að undanskildum fJohnnie Farra-
gut sem er aumkunarverður þræll
móður Lulu.
David Lynch hefur fengið til liðs
við sig hóp góðra leikara. Nicholas
Cage og Laura Dern eiga mjög góð-
an samleik sem skilar sér best þeg-
ar neyðin er stærst. Af öðrum leik-
urum sem eftirminnilegir eru má
nefna Diane Ladd í hlutverki móð-
urinnar, Harry Dean Stanton í
hlutverk Farragut og Willem Dafoe
sem er sérlega ógeðfelldur í hlut-
verki skúrksins Bobby Peru.
Wild at Heart er ekki fyrir alla
og í raun er söguþráðurinn ekki
mjög merkilegur, en David Lynch
ræður yfir ógnarkrafti sem gerir
myndina mjög eftirminnilega þótt
maður sé langt frá því sáttur við
öll hans vinnubrögð.
. » -HK
★★★
Byssuglöð lög-
reglukona
IMPULSE
Útgefandi: Steinar hf.
Leikstjóri: Sondra Locke
Aöalhlutverk: Theresa Russell, Jeff Fa-
hey og George Dzunda.
Bandarlsk, 1990-sýnlngartiml 108 mín.
Bönnuð börnum Innan 16 ára.
Impulse er önnur kvikmyndin
sem Sondra Locke leikstýrir en
hún er sjálfsagt þekktust fyrir að
hafa verið sambýliskona Clints
Eastwood og leikið í nokkrum
myndum með honum. Hún er hér
á kunnugum slóðum og er ekki
laust við að áhrifa gæti frá fyrrver-
andi sambýlismanni.
Aðalpersóna myndarinnar er
lögreglukonan Lottie Mason sem
vinnur á götum Los Angeles. Hún
klæðir sig sem gleðikona og gómar
svo viöskiptavinina. Þegar myndin
byrjar hefur hún nýorðið manni
að bana og finnst yfirmanni hennar
hún vera orðin heldur skotglöö.
Lottie er hörkukvendi sem felur
sinn innri mann undir hrjúfri skel
lögreglukonunnar. Henni gengur
vel í starfi en á við mörg vandamál
að stríða í einkalífinu. Samskipti
hennar við karlmenn hafa öll end-
að með sárum skilnaði og fjármál
hennar eru í rúst og einu nánu
samskipti hennar utan vinnu eru
við sálfræðing. Lottie finnur einnig
að hún dregst meira og meira að
dimmum hugsunum um líf gleöi-
konunnar og þegar hún er yfir-
spennt fmnst henni jafnvel að það
sé eina lausnin fyrir sig sé að ganga
skrefið til fulls.
Theresa Russell leikur hina
flóknu persónu geysivel. Russell er
ekki óvön því að leika kvenmenn
sem eru á skjön við tilveruna. Hún
hefur leikið margar ólíkar persón-
ur á glæstum leikferli og oft undir
stjórn eiginmanns síns, Nicholas
Roeg. Lottie er margslungin per-
sónaog oft er ekki auðvelt að skýra
út athafnir hennar en Russell á í
engum vandræðum með að fá
áhorfendur til að fá áhuga á Lottie
þótt fortíðin sé ekki fógur. -HK
Ógleymanleg fjölskyldusaga
The Godfather og The Godfather part II
Útgefandi: ClC-myndbönd.
Lelkstjóri: Francis Ford Coppola.
Aöalahlutverk: The Godfather: Marlon
Brando, James Caan, Al Pacino, Robert
Duval og Dlane Keaton. The Godfather
part II: Al Paclno, Robert De Nlro, Ro-
bert Duvall og Diane Keaton.
Bandariskar, 1972 og 1974 - sýningar-
tími 168 mín og 190 mín.
Bönnuö börnum innan 16 ára.
Francis Ford Coppola er einn af
mestu kvikmyndagerðarmönnum
nútímans. Honum hefur að vísu
verið mislagðar hendur og stund-
um hefur hann skotið vel yfir
markið. En þegar honum tekst vel
upp þá er enginn meðaljón á ferð-
inni og meira að segja þegar honum
mistekst, þá er alltaf eitthvað í
myndum hans sem gleðja augu íjöl-
margra aðdáenda hans.
Guðfaðirinn 1 og 2 eru miklar
kvikmyndir í orðsins fyllstu merk-
ingu og listaverk sem halda munu
nafni Coppola á lofti um ókómna
framtíð. Þær hafa og verið skap-
andi fyrir aðra kvikmyndagerðar-
menn. Þriðja myndin í flokknum
um Corleone-fjölskylduna, sem
Coppola gerði í fyrra og hefur feng-
ið ágætar viðtökur, hefur óneitan-
lega gert það að verkum að áhugi
á fyrri myndunum hefur aukist.
Það var vel að verki staðið hjá CIC-
myndböndum að gefa þær út á
myndbandi um leið og nýja myndin
er enn sýnd í Háskólabíó.
Það tekur rúma sex klukku-
stundir að horfa á þessi tvö stór-
virki sem segir sögu Corleone-
ættarinnar frá aldarbyrjun. End-
urkynnin við myndirnar gefa kvik-
myndaunnendum ekkert nema
aukna ánægju. Myndirnar voru
gerðar 1972 og 1974 og hafa þær
staðist tímans tönn og eru jafn
áhrifamiklar og áður um leið og
þær eru aðgengilegar fyrir alla.
Hér verður ekki farið náið út í
söguþráðinn, enda kunnugur flest-
um. Fylgst er með Corleone-fjöl-
skyldunni í gegnum súrt og sætt. í
fyrri myndinni er Marlon Brando
ríkjandi í hlutverki Don Corleone
og er þessi aldni guðfaðir meistara-
lega túlkaður af Brando. Önnur
aðalpersónan er yngsti sonur hans
Michael sem A1 Pacino leikur. Það
er sú persóna sem við fylgjumst
með í öllum þremur myndunum. í
lok þeirrar fyrstu hefur hann tekið
við af föður sínum. A1 Pacino er
frábær í öllum þremur myndun-
um. Það er Michael Corleone sem
tengir tríólógíuna saman sem end-
ar með dauða hans. í annarri
myndinni kemur einnig Don Cor-
leone aftur til sögunnar en er þá
er rakinn aðdragandi að Ameríku-
ferð hans og byjunin á ferli hans í
glæpaheimi New York borgar. Ro-
bert De Niro túlkar hann eftir-
minnilega.
Það er erfitt að gera upp á milli
þessara tveggja mynda, enda eru
þær það samtengdar að þegar horft
er á þær báðar í einu er það eins
og að horfa á eina mynd, kvikmynd
sem hefur alla þá kosti sem góð
kvikmyndhefurframaðfæra. -HK
TVö á flótta
BIRD ON A WIRE
Útgefandi: ClC-myndbönd.
Leikstjóri: John Badham.
Aðalhlutverk: Mel Glbson, Goldle Hawn
og David Carradine.
Bandarísk, 1990 -sýningartími 110 mín.
Bönnuö börnum innan 12 ára.
Bird on a Wire hefur allt það sem
hörkugóð aíþreying á aö hafa,
spennu (þar sem meðal annars er
boðið upp á fimm eltingarleiki),
glens og rómantík. Ekki skemmir
að hafa stórstjörnurnar Mel Gibson
og Goldie Hawn í aðalhlutverkum.
Samt er myndin varla í meðal-
lagi. Greinilegt er að Bird on a
Wire hefur „átt aö slá í gegn“ og
til þess notaðar þekktar formúlur.
Leikstjóranum, John Badham, hef-
ur aftur á móti mistekist ætlunar-
verk sitt og er meðalmennskan
allsráðandi hvar sem á myndina
er litið.
Ef Bird on a Wire væri gaman-
mynd þá byrjar hún þokkalega.
Goldie Hawn leikur lögfræðing
sem sér gamlan elskhuga, Mel Gib-
son, er löngu á að vera dauður. Það
kemur í ljós að kærastinn hafði
vitnað gegn glæpamönnum sem nú
eru lausir úr fangelsi og hafa þeir
fullan hug á hefndum.
Eftir að Bird on a Wire nær þessu
stigi hverfur húmorinn smátt og
smátt og myndin snýst upp í elting-
arleiki. Endar myndin svo í dýra-
garði einum þar sem Gibson átti
að hafa unnið. Þar fer söguþráður-
inn svo kirfilega yfir strikið í vit-
leysunni að maður er þeirri stundu
fegnastur þegar myndinni lýkur.
Varla er hægt að kenna Goldie
Hawn og Mel Gibson um, það er
frekar að John Badham ætti að
skammast sín. Stærsti galli mynd-
arinnar er hversu yfirhlaðin hún
er og það verður að skrifast á hans
reikning. -HK
I leit að Ríkharði ljónshiarta
I IAKIUCADT ^ ^
LIONHEART
Útgefandi: Steinar hf.
Leikstjóri: Franklin J. Schaffner.
Aðalhlutverk: Eric Stoltz, Gabriel Byrne
og Nicola Cowber.
. Bandarisk, 1987 - sýningartími 104 mín.
Bönnuð börnum inna 12 ára.
Það er spurning fyrir hvaða ald-
urshóp Lionheart er gerð. Mig
grunar að myndin hafi einna helst
átt aö höfða til barna en ofbeldi í
myndinni er of mikið fyrir þann
aldurshóp og annað er að sögu-
þráðurinn fer örugglega fyrir ofan
garð og neðan hjá flestum börnum.
Ekki er myndin heldur beysin fyrir
fullorðna. Til þess er einföldunin
of mikil og spennan í lágmarki.
Það verður því að segjast eins og
er að þessi síðasta kvikmynd hins -
ágæta leikstjóra, Franklins J.
Schaffners, er mikil mistök. Það
má hafa ánægju af einstaka atrið-
um en 1 heild er hér um lítt spenn-
andi kvikmynd að ræða sem látin
er gerast á miðöldum.
Aðalpersónan er ungur riddari
sem heldur einn af stað til að leita
uppi Ríkharð ljónshjarta og hefur
:nm stoltz , g&beíelwkne
St«r of 'K^fnpfiis Belití' N
: A dark threat. % ■ jjf
|A warrior íost. '
iA mysíkal qucat. •JmWmt
lOMHEAR
för til landsins helga. A leiðinni
hittir hann fyrir villuráfandi börn
sem fylgja honum eftir. Alltaf
stækkar barnahópurinn sem ætlar
á fund ljónshjarta, „svarta prinsin-
um“ til mikillar ánægju því að
hann er ákveðinn að hremma í einu
lagi allan hópinn og selja sem
þræla en eins og í öllum ævintýrum
verður vondi prinsinn að láta und-
an góða riddaranum í lokin. -HK
★★
Allt lagt undir
HIGH STAKES
Útgefandi: Bergvik hf.
Leikstjóri: Amos Kollek.
Aöalhlutverk: Sally Kirkland, Robert
LuPone og Richard Lynch.
Bandarisk, 1989-sýningartími 93 min.
Bönnuö börnum innan 16 ára.
í High Stakes kynnumst við nekt-
ardansmeynni og gleðikonunni
Melanie Rose sem lifir tvöföldu lífi.
A daginn sér hún um dóttur sína
sem er átta ára og leikur þá hina
einstæðu móður. Á kvöldin kallar
hún sig Bambi og er þekkt nektar-
dansmær og gleðikona og er henni
stjórnað af glæpaforingja einum
sem nýtur þess að ráða yfir henni.
Þegar hún kynnist óvænt fjármála-
manninum John Stratton sér hún
leið úr ógöngum sínum en það
reynist erfiðara en ætlað var og
áður en Stratton veit af er hann
kominn í heim glæpaveraldar sem
hann hefur engin kynni haft af
áður,.
High Stakes fer vel af stað og og
mjög spennandi framan af en held-
ur fer að gliðna þegar nálgast lokin
og er endirinn í væmnara lagi, mið-
að við það sem á undan er gengið.
Sally Kirkland sýnir mjög góðan
leik í hlutverki Melanie Rose og
dregur þessa dæmigerðu B-mynd
upp fyrir meðallag. Aðrir leikarar
erufrekarslakir. -HK