Dagblaðið Vísir - DV - 05.10.1991, Page 17

LAUGARDAGUR 5. OKTÓBER 1991.
17
Byggir upp Ikea
vöruhús í London
- Lúðvík Georgsson hefur unnið sig fljótt upp í starfi
Lúðvik Georgsson, framkvæmdastjóri Ikea i London. Myndina fengum
við að láni hjá systur hans.
„Eg er að byggja upp nýtt Ikea
vöruhús í suðurhluta Lundúna
sem verður um 23 þúsund fer-
metra húsnæði. Þetta er stærsta
verslun Ikea í Bretlandi en þrjár
verslanir eru hér fyrir,“ segir
Lúðvík Georgsson, 32ja ára fram-
kvæmdastjóri Ikea verslunark-
eðjunnar. Lúðvík starfaði fyrir
Ikea í Svíþjóð og hefur á nokkrum
árum náö miklum árangri og
fengið stöðuhækkanir. Starfhans
í Lundúnum er viðamikið en
hann sér um að fylgjast með upp-
byggingu vöruhússins frá grunni
ásamt því að skipuleggja hvernig
verslunin muni Öta út innandyra.
Ikea verslun þessa á ekki að opna
fyrr en í nóvember 1992.
„Það er svolítið sérstætt' þegar
nýtt Ikea vöruhús er byggt vegna
þess að hingað til hefur ákveðinn
hópur manna þvælst um heiminn
til að fylgjast með uppbygging-
unni. Eftir að þessi hópur hefur
skipulagt frá a-ö hefur starfsfólk
verslunarinnar verið ráðið. Að
þessu sinni verður öðruvísi farið
að. Nú er ætlunin að allir yílr-
menn verslunarinnar starfi sam-
an að uppbyggingu vöruhússins
í sameiningu. Ikea gerir talsverð-
ar kröfur um að starfsmenn hafi
þekkinguna alveg frá grunni og
skilji út á hvað reksturinn gangi.
Þess vegna eru allir deildarstjór-
ar þegar ráðnir og fylgjast með
uppbyggingunni.
Flutti til Svíþjóóar
á krepputíma
Ikea er með miklar fram-
kvæmdir um allan heim og þess
vegna er brýnt að þjálfa fleira
fólk. Vegna þess hversu miklar
kröfur Ikea gerir til starfsfólksins
- að það viti út á hvað reksturinn
gengur - er sífellt verið að þjálfa
nýja einstaklinga upp. Þannig er
hægt að halda áfram að byggja
upp Ikea um allan heim með vönu
starfsfólki."
- En af hverju er íslendingur
þarna?
„Ég flutti til Svíþjóðar árið 1970,
þá ellefu ára, með foreldrum mín-
um. Þá var mikil kreppa á ís-
landi. Árið 1976 fór ég aftur til
íslands í skóla. Ég fór aftur til
Svíþjóðar ári seinna. Þar var ég
til 1981 er ég fór aftur til íslands
ásamt eiginkonu og bami. Ég
starfaði þá fyrir Pennann í hús-
gagnadeild þar sem ég var fyrst
sölumaður en síðan sölustjóri.
Konan mín, sem er hálfþýsk
kannski frekar en sænsk, hún
kunni ekki við sig á íslandi. Við
fluttum því aftur til Svíþjóðar
árið 1986. Kunningi minn var að
vinna hjá Ikea og spurði hvort
ég hefði áhuga á starfi þar. Mér
leist prýðilega á það.
Ég byxjaði hjá Ikea í Málmey í
lok 1986 sem deildarstjóri í rúma-
og boröstofuhúsgagnadeild. Eftir
eitt og hálft ár var ég spurður
hvort ég vildi fara í Ikea skólann
en þar eru deildarstjórar þjálfað-
ir. Hugsunin hjá Ikea er sú að
hver deildarstjóri eigi að hugsa
um sína deild eins og um hans
einkafyrirtæki væri að ræða. Þeir
vilja meina að með slíkri ábyrgð
hugsi menn sig um tvisvar áður
en þeir framkvæma," segir Lúð-
vík.
Gatekkihafnað
þessu tækifæri
„Skólinn er eitt ár. Þar lærir
maður skipulagningu og hvernig
Ikea fyrirtækið virkar. Að loknum
skólanum bauðst mér staða deild-
arstjóra Ikea í Helsingborg og var
þá yflr allri húsgagnadeildinni. Um
leið fékk ég stöðu við skólann við
að þjálfa nýja deildarstjóra. Ég var
að. ljúka einu skólaári þegar mér
bauðst að fara til Lundúna. Ég
hugsaði með mér að líklegast hefði
ég flutt nógu oft en eftir að útskýrt
hafði verið í hverju starfið væri
fólgið gat ég ekki hafnað því,“ segir
hann ennfremur.
„Núna eru kranar hér úti á lóð
að grafa grunninn. Á meðan á upp-
byggingunni stendur er ég ekkert
í sölumennsku. Þetta er mun frek-
ar skipulagsstarf. Allir yfirmenn
hafa veriö ráðnir og þeir fylgjast
með hvernig fyrirtækið rís frá
grunni og hvernig það starfar. Með
þessu móti fá starfsmennirnir betri
innsýn og ábyrgðartilfmningu
varðandi fyrirtækið."
Lúðvík segir að þeir sem ráðnir
hafa verið komi að stærstum hluta
frá Englandi en einnig eru Svíi,
Dani og Þjóðverji. „Það halda auð-
vitað allir að ég sé Svíi en ég er fljót-
ur að leiðrétta það. Ég lít á mig
fyrst og fremst sem íslending og er
óspar að tilkynna það.“
Hann segir að sú þekking sem
hann hafi aflað sér eigi að koma
nýju mönnunum til góða enda sé
til þess ætlast að hann miðli henni.
„Þó að Englendingarnir hafi ekki
áður unnið fyrir Ikea þá vita þeir
manna best um hugsunarhátt hér
í landi og það nýtist okkur. Ég er
ábyrgur fyrir að skipuleggja sölu-
svæðið innanhúss og sjálfsaf-
greiðslulagerinn, sjá um ráðningu
á starfsfólki, þjálfun á því, auk
kostnaðar og fjárhagsáætlunar.
Þetta er auðvitað talsvert," segir
Lúðvík ennfremur.
Auóvelt að
vinna sig upp
- En er auðvelt að vinna sig upp
hjá Ikea?
„Já, fyrir duglegt starfsfólk. Ég
er gott dæmi um það þar sem ég
hef ekki háskólamenntun að baki.
Ikea lítur ekki á menntun sem ein-
hvern lykil, spumingin er hvort
fólkið stendur sig í starfmu. Allir
hafa jafnmikla möguleika á því.
Mitt starf hér núna er viðurkenn-
ing á fyrri störfum mínum hjá fyr-
irtækinu og er mjög hvetjandi.
Það em líklegast um fimmtán
þúsund manns sem starfa fyrir
Ikea í 95 verslunum víða um heim.
Ef sú áætlun, sem gerð hefur verið,
stenst verða þær orðnar 180 talsins
áður en langt um líður. Raunin
hefur verið sú að Ikeaverslunum
er alls staðar tekið opnum örmum.
Ástandið í heiminum er þannig að
fólk hefur ekki mikla peninga milli
handanna og fólk leitar eftir ódýr-
um varningi og því hefur Ikea sér-
hæft sig í.
- Eru Bretar hrifnir af þessum
skandinavísku húsgögnum?
„Já, það er mjög góð sala í Bret-
landi. Ikea er með þrjár verslanir
og er annað stærsta húsgagnafyrir-
tækið á markanum. Hins vegar er
markaðurinn mjög skrýtinn. Eng-
lendingar hafa verið fastheldnir á
mjög þung húsgögn sem eru alger
andstæða við Ikea. Það var ekki
boðið upp á léttari húsgögn hér
fyrr en Ikea kom á markaðinn og
Bretarnir kunna sannarlega að
meta þau. Þess vegna hefur Ikea
ákveðið að opna eitt hús á ári í
Englandi fram til aldamóta að
minnsta kosti."
Lúðvík hafði áður komið til Eng-
lands einungis sem ferðamaður og
var því lítt kunnugur staðháttum.
Hann segist kunna vel við sig en
er ennþá að venjast umferðinni.
Ekki segist hann vita hversu
lengi hann verður í Lundúnum.
Foreldrar Lúðvíks hafa búið í Sví-
þjóð frá 1970. Faðir hans er formað-
ur landssamtaka íslendingafélaga
þar. Lúðvík er kvæntur Birgitte og
eiga þau tvö börn, Andreas, sem
er 6 ára, og David sem er 12 ára.
Lúðvík segir að Ikea á íslandi sé
ekki í þessari sömu keðju þar sem
Hagkaup reki verslunina. Hann
segir það skýringuna á miklu
hærra verðlagi á íslandi en í öðrum
löndum. „Ástæðan er sú að þar sem
Ikea á íslandi er ekki Ikea kemur
inn milliaðili sem tekur sína þókn-
un. Það þýðir auðvitað hærra
verð,“ segir Lúðvík sem segist mjög
oft fá spurningu um þetta hjá ís-
lendingum.
Hann staðhæfir að íslendingar
séu hrifnir af Ikea og fyrir stuttu
síðan kom íslensk fjölskylda að
nýja grunninum í London og
spurðist fyrir um hvenær ætti að
opna.
„Það eru að minnsta kosti fimmt-
án manns sem koma hingað dag-
lega og spyrjast fyrir um opnunina.
Við gefum þeim bækling fyrirtæk-
isins í sárabætur. Ég hef trú á að
margir íslendingar muni versla hér
hjá mér í framtiðinni," segir Lúð-
vik Georgsson framkvæmdastjóri í
símaviðtali frá Lundúnum.