Dagur - 18.12.1992, Page 3

Föstudagur 18. desember 1992 - DAGUR - B 3
..........................-.........
h
L
Endurbótum á Roaldsbrakka miðar vel. Betur má þó ef duga skal. Mynd: Ás
þarf að huga að því að innrétta
húsið að innan, einangra það og
búa til sýningar á safngripum. Þá
er gert ráð fyrir að grafa út fyrir
framan húsið og smíða þar plan
eða bryggju. „Við viljum fá síld-
arplan þannig að hægt verði að
salta síld upp á gamla móðinn, til
þess að skemmta fólki og um leið
að sýna gömlu handbrögðin.“
Styrkir frá stofnunum
og fyrirtækjum
Það segir sig sjálft að uppbygging
síldarminjasafns er geysilega
fjárfrekt fyrirtæki. Hvernig hefur
fjármögnunin gengið? „Hún hef-
ur gengið vel,“ segir Örlygur.
„Við höfum fengið styrki frá
Húsafriðunarnefnd og öðrum
stofnunum og fyrirtækjum. Ég
nefni Menningarsjóð íslands-
banka, sem veitti okkur 1 milljónar
króna styrk sl. vor, og einnig hafa
Sjóvá-Almennar og Skeljungur
veitt okkur góða styrki á þessu
ári. Siglufjarðarbær hefur styrkt
okkur með margvíslegum hætti,
t.d. vélavinnu."
Þeir munir sem þegar hefur
verið safnað eru geymdir í fjór-
um geymslum á Siglufirði. Fyrir
um einu og hálfu ári var komið
upp bráðabirgðasafni á smærri
gripum í húsnæði sem Síldar-
útvegsnefnd lánaði Félagi áhuga-
manna um minjasafn. „Þeir hlut-
ir sem þar komust inn til geymslu
voru hreinsaðir og þeim helstu
komið upp til sýningar. Við köll-
um þetta vísi að síldarminjasafni,
sem mörgum finnst bara töluvert
gróskumikill vísir. Safnið hefur
verið opið síðustu tvö sumur og
sl. sumar var það opið upp á
hvern dag. „Að okkar mati var
mjög mikilvægt að geta opnað
safnið, því þannig fékk það ágæt-
is kynningu og við gátum sýnt
bæjarbúum og öðrum að við vær-
um að vinna í alvöru að þessu
máli og síldarminjum væri mark-
visst safnað."
Örlygur segist láta sig dreyma
um að síldarminjasafn í Roalds-
brakka verði opnað formlega eft-
ir fjögur ár. „Það er samkvæmt
áætlun, en áætlanir geta auðvitað
riðlast. En það kann líka að fara
svo að hluti hússins verði tekinn í
notkun að tveim árum liðnum.“
Jafnast á við rekstur
fyrirtækis
Örlygur Kristfinnsson hefur unn-
ið af krafti að þessu máli á
undanförnum árum. Dagleg
atvinna hans felst hins vegar í
kennslu við grunnskólann á
Siglufirði og ekki má gleyma því
að hann hefur getið sér gott orð
fyrir myndlist. Örlygur viður-
kennir að hann hafi orðið að
fórna töluverðum hluta síns frí-
tíma fyrir síldarminjasafnið.
„Þetta er miklu meiri vinna en ég
átti von á, í rauninni gæti það
verið töluvert meira en hálft
starf. Þetta er orðinn rekstur á
fyrirtæki og í mörg horn er að
líta. Það þarf að safna munum,
skrá þá og hreinsa. Þá þarf að
standa í bréfaskriftum og pen-
ingaöflun, að ekki sé minnst á
fjölbreytilega erfiðisvinnu. Ég
hef eiginlega lagt pensilinn á hill-
una í bili, en ég sakna þess ekki
vegna þess einfaldlega að mér
finnst mjög gaman að vinna að
þessu. Mér finnst ég vera að
vinna að risavöxnu myndverki,
sem ég hef mín áhrif á hvernig
mótast.“
Einskonar „síldarbarn“
Örlygur segist oft spyrja sjálfan
sig að því af hverju hann verji
flestum ’frístundum sínum í upp-
byggingu síldarminjasafnsins.
„Eiginlega veit ég ekki hvernig
ég á að svara þeirri spurningu.
Trúlega er ég að þessu vegna þess
að ég er Siglfirðingur, hér er ég
fæddur árið 1949, er hér eiginlega
vegna góðra hafnarskilyrða og
þeirrar síldarvinnslu sem hér var!
Foreldrar mínir komu til Siglu-
fjarðar sitt úr hvorri áttinni, faðir
minn úr Eyjafirði og móðir mín
úr Skagafirði. Þau hófu sambúð
og ég varð til. Faðir minn rak hér
ljósmyndastofu og gerði beinlínis
út á síldina, myndaði öll síldar-
skipin, skipshafnir og annað
tengt síldinni. Ég ólst upp í síld-
inni og á unglingsárunum vann ég
á síldarplönum og síðar í síldar-
verksmiðjunum og því fékk ég
þetta allt í æð. Ég hreifst af töfr-
um síldarævintýrisins og þeir
hafa ekki dofnað þó tíminn líði.
Siglufjörður verður alltaf gamli
síldarbærinn, flest á staðnum seg-
ir okkur þá sögu á einhvern hátt.
Því var það skylda okkar að
halda minjum þessa merka tíma
til haga og koma upp myndarlegu
safni. Kannski stend ég í þessu af
hreinni skyldurækni,“ sagði
Örlygur Kristfinnsson. óþh

Framtíðarsýn Örlygs Kristflnnssonar. Roaldsbrakki suður undir svokölluðum Hafnarbökkum á Siglufirði. Síldar-
bátar við bryggju. Á planinu .verði allt til reiðu til síldarsöltunar. Teikning: öriygur Kristfinnsson.
Óska viðskiptavinum mfnum
gledilegra jóla
og farsældar á komandi ári.
Þakka viðskiptin á árinu.
Haddýar-brauö
Svalbarðseyri
Óskum viðskiptavinum okkar
gleðilegm jóla
og farsældar á komandi ári.
Þökkum viðskiptin.
VEITINGAHUSIÐ
Glerár-
' f/g/rQ götu 20
Óskum viðskiptavinum okkar
gleðilegm jóla
og farsældar á komandi ári.
Þökkum viðskiptin.
Óskum viðskiptavinum okkar
gleðilegm jóla
og farsældar á komandi ári.
Þökkum viðskiptin.
©Rafveita Akureyrar
Þórsstíg 4 • Sími 11300
Gleðileg jól
og farsælt komandi ár.
Þökkum viðskiptin á liðnu ári.
Verslunin Garðshorn
Byggðavegi 114 ■ Sími 24400