Dagur - 18.12.1992, Blaðsíða 15

I
Föstudagur 18. desember 1992 - DAGUR - B 15
um gegnum árin. Foreldrar hans
eru nú bæði látin og jólahaldið
breytist eftir því sem fólkið
hverfur og börnin vaxa úr grasi.
„Eftir matinn er farið í kortin og
bögglana og síðan horfum við á
messu í sjónvarpinu og förum í
miðnæturmessu sem er oft hérna.
Á jóladag er síðan farið í heim-
sóknir til kunningjanna eða þeir
koma til manns. Það er allur
gangur á því. Á annan í jólum
byrjar spilamennskan. Sem betur
fer lenda jólin og áramótin á
helgum í ár þannig að maður þarf
ekki að spila alveg stanslaust.
Jólin eru alltaf mjög mikil hátíð
þó þau taki breytingum með
aldrinum og maður er trúaður,
það er ekkert leyndarmál. Þetta
helgargöltur verður þó kannski
til þess að ég fer allt of lítið í
messu,“ sagði Geirmundur. HA
Helga Valborg Pétursdóttir:
Áhersla lögð á
gamla og góða
íslenska siði
Þeir eru margir sem notið hafa
góðrar þjónustu í Hótel
Reynihlíð í Mývatnssveit. Þar
ræður ríkjum Helga Valborg
Pétursdóttir sem, ásamt manni
sínum Arnþóri Björnssyni, ber
hitann og þungann af rekstri
hótelsins. En hvernig skyldi
jólahaldið ganga fyrir sig í
Mývatnssveit.
„Maður reynir að njóta jól-
anna í rólegheitum, fer til messu
og slíkt,“ sagði Helga Valborg er
hún var beðin að lýsa jólahaldinu
í stórum dráttum. „Við reynum
að hafa jólin svipuð og þau hafa
alltaf verið. Venjulega höfum við
rjúpur á aðfangadagskvöld og
síðan hangikjötið á jóladag. Síð-
an er farið í þessi hefðbundnu
jólaboð og þá kannski farið í ein-
hverja gamla og góða leiki. Einn-
ig er einn fastur siður, en um
miðjan dag á aðfangadag safnast
fjölskyldan saman í kirkjugarðin-
um og þar eigum við notalega
stund. Á aðfangadag er einnig
möndlugrautur í hádeginu og
ávallt mikill spenningur hver fær
möndlugjöfina. Þá förum við
konurnar yfirleitt í íslenskan
búning á aðfangadagskvöld."
í raun sagði Helga Valborg að
hlutirnir væru í það föstum
skorðum að hún hugsaði yfirleitt
lítið um þá þess á milli. Þetta
kæmi mest af sjálfu sér. „Á
margan máta finnst mér tilstand-
ið í kringum jólin kannski of
mikið, en þó finnst mér jafnvel
vera að aukast að fólk hafi áhuga
fyrir að virða gamla siði. Ég er
ekki hrifin af ýmsum nýjum
siðum, eins og t.d. jólaglöggi. Ég
er meira fyrir þessa gömlu
íslensku siði og umfram allt að
jólin séu fjölskylduhátíð." HA
Magnús Gauti Gautason:
Jólin eru
fjölskyldu-
og bamahátíð
Magnús Gauti Gautason er
kaupfélagsstjóri Kaupfélags
Eyfírðinga og stjórnar sem
slíkur einu stærsta fyrirtæki
landsins. Hann sagði jólahald
hjá hans fjölskyldu vera mjög
hefðbundið og lítið hafa breyst
í gegnum árin.
„Á aðfangadagskvöld borðum
við hjá tengdaforeldrum mínum.
Þar er alltaf kalkúnn til matar.
Þessi siður að borða kalkún á
aðfangadag, hefur fylgt þeim síð-
an þau bjuggu í Kanada, að ég
held. Á jóladag er síðan alltaf
borðað hjá foreldrum mínum. Þá
eru það hangikjötið og rúpurnar
sem eru á borðurn." Það hefði
varla þurft að spyrja kaupfélags-
stjórann hvaðan hangikjötið
kæmi, enda svaraði hann því til
að það væri að sjálfsögðu frá
KEÁ. „Ég held að þessi skipan
mála hafi verið svona síðan við
hjónin tókum saman. Allavega
síðan við fluttum heim frá námi.
Síðan þá hefur þetta verið í föst-
um skorðum.“
Eins og flestir aðrir sagðist
Magnús alltaf fá einhverjar bæk-
ur í jólagjöf. „Þetta er nú sá tími
sem maður les einna helst.“ Hjá |
flestum fyrirtækjum er síðari
hluti desember mikill annamán-
uður, enda sagði Magnús það
vera svo hjá sér. Sérstaklega
væru áramótin annasöm. „Mér
finnst jólin fyrst og fremst vera
fjölskyldu- og barnahátíð en til-
standið er vissulega undir hverj-
um og einum komið,“ sagði
Magnús Gauti Gautason, kaup-
félagsstjóri. HA
Ingibjörg Hreinsdótir:
Laufabrauðsgerðin
ómissandi við
undirbúmnginn
Ingibjörg Hreinsdóttir á
Grenivík sagði að á hennar
heimili væri reynt að hafa
Þorláksmessudag dálítið sér-
stakan og með því lögð loka-
hönd á sjálfan jólaundirbún-
inginn.
„Oftast vinnum við til kl 5 og
þá er farið í að klára það sem eft-
ir er að versla. Síðan sjóðum við
hangikjötið til að fá lyktina í hús-
ið meðan hlustað er á jólakveðj-
urnar. Oft stelumst við nú til að
fá okkur bita af hangikjötinu
með laufabrauði, en laufabrauðs-
gerð er einn af ómissandi þáttum
jólaundirbúningsins." Ingibjörg
sagði að vanalega væri unnið
fram að hádegi á aðfangadag og
eftir það farið í heimsókn til
tengdamóður hennar þar sem
skipst væri á pökkum. Éinnig er
farið í kirkjugarðinn fyrir kl. 6 en
þá er borðað. „Við höfum alltaf
svínakjöt á aðfangadag en mis-
munandi hvernig það er mat-
reitt. Kl. 10 förum við til messu
og það er alltaf mjög hátíðleg
stund.
Á jóladag sagði Ingibjörg að
fjölskyldan færi til foreldra henn-
ar á Svalbarðsströnd. „Við erum
þar allan daginn og bókstaflega
veltum út um dyrnar þegar við
förum. Um áramótin gengur
þetta svipað fyrir sig. Rétt fyrir
miðnættið á gamlársdag safnast
allir íbúar götunnar saman og
skjóta upp flugeldunum í samein-
ingu. Þannig verður meira úr
þéssu. Við erum mjög spennt fyr-
ir þessi jól því sonur okkar kem-
ur frá Þýskalandi með þýskan vin
sinn sem aldrei hefur komið til
íslands. Af þeim sökum reynum
við kannski að hafa jólin enn þjóð-
legri en oft áður,“ segir Ingibjörg.
HA
Aðalsteiún Baldursson:
Tilhleypingar
og fleira
tilstand
„Eins og fleiri þá notar maður
jólin helst til að slappa aðeins
af,“ sagði Aðalsteinn Baldurs-
son hjá Verkalýsfélagi Húsa-
víkur. Aðalsteinn er auk þess
kunnur fyrir starf sitt að
íþróttamálum með íþrótta-
félaginu Völsungi.
„Þess má reyndar geta til
gamans, að hluti af jólunum fer í
tilhleypingar því við erum nokkr-
ir félagarnir með rollur og því
fylgir að sjálfsögðu að fara út
með hrúta. Það er góður hópur
sem er í kringum þetta og veitir
manni mikla ánægju.“ Hann
sagði jólahaldið vanalega hefjast
með því að farið væri í kirkju á
aðfangadag. Síðan er borðaður
góður matur og reynt að hafa það
sem notalegast og jafnvel að gera
sér eitthvað til gamans.
„Það verður reyndar dálítil
mikil vinna hjá mér um jólin. Það
er mikil breyting frá því sem áður
var, því þar sem ég starfaði áður,
hjá Fiskiðjusamlaginu, fékk
maður alltaf gott jólafrí. Þar gat
þetta verið allt upp í mánuður. Nú
er það búið og maður er bara í
fríi rétt yfir aðal helgidagana.
Ætli þetta verði meira en 4
dagar. Yfir áramótin er síðan sér-
staklega mikið að gera,“ sagði
Aðalsteinn Baldursson og var þar
með horfinn aftur til vinnu
sinnar. HA
Þóra Hjaltadóttir:
Tilstandið er
undir hvequm
og eintun komið
Þóra Hjaltadóttir er lands-
mönnum að góðu kunn. Hún
var forseti Alþýðusambands
Norðurlands og hefur starfað
margt fleira á þeim vettvangi.
Það er forvitnilegt að vita
hvernig jólahaldið gengur til á
hennar heimili.
„í rauninni gengur þetta alltaf
svipað fyrir sig. Það er venjan að
borða kl. 6. Síðan eru pakkarnir
opnaðir og kvöldinu eytt í róleg-
heitunum. Þetta verður kannski
svolítið öðruvísi núna þar sem
aðeins eitt af börnunum sem búa
fyrir sunnan kemur heim.“ Þóra
sagði að sjálft jólahaldið hefði
litlum breytingum tekið í gegnum
| árin og ávallt væri reynt að hafa
þessa stund sem ánægjulegasta.
Aðspurð un hvort tilstandið í
kringum jólin væri orðið of
mikið, taldi Þóra að svo væri ekki
og það væri mjög undir hverjum
og einum komið. „Ég held að
það hljóti að vera mjög einstakl-
ingsbundið hvað fólk kýs að
leggja í þessa hluti. Það sem mér
finnst skemmtilegast í sambandi
við jólin er þessi hátíðleiki sem
þeim fylgir. Þetta er mikil til-
breyting í skammdeginu og lífgar
svo sannarlega upp á tilveruna,“
sagði Þóra Hjaltadóttir. Með það
var hún kvödd, enda að mörgu
að hyggja þegar jólaundirbúning-
urinn stendur sem hæst. HA
Guðni Oddgeirsson:
Fer efitir tíðar-
farinu hversu
fríin ern mikil
Þeir eru margir sem eru á ferð-
inni í kringum jól og áramót.
Fólk vill skiljanlega vera í
faðmi fjölskyldunnar og fagna
með henni hátíð Ijóss og friðar.
Til þess að svo megi vera þurfa
vegir landsins að vera færir og
þar kemur Vegagerð ríkisins til
sögunnar.
Guðni Oddgeirsson er rekstrar-
stjóri Vegagerðarinnar í Norður-
Þingeyjarsýslu. Umdæmi hans
nær frá Áuðbjargarstöðum og
austur í Gunnólfsvík og upp í
Grímsstaði á Fjöílum. „Jólin eru
nú alltaf með hefðbundnu sniði
og þó ekki því við erum nú orðin
fá í kotinu og því miður fáum við
ekkert af okkar fólki heim um
þessi jól. Ég býst því við að jóla-
haldið verði heldur minna um sig
núna en oft áður.“ Hann sagði að
þar sem börnin væru uppkomin
þá væri hann að mestu dottinn út
úr jólatrésskemmtunum og þess-
háttar og væri auk þess óduglegur
við að sækja aðrar skemmtanir
hin síðari ár.
„Starfsins vegna hef ég bæði
stopul og stutt frí um jólin. Það
þarf að sjá um að vegirnir séu
færir og að mokað sé þegar þess
þarf. Eins eru orðnar miklar
kröfur um upplýsingar. Að sjálf-
sögðu fer þetta mikið eftir tíðar-
farinu. Sé það gott þá hef ég það
sæmilega gott. Ef það er slæmt þá
gengur síminn afskaplega mikið,
hvort sem ég er á skrifstofunni
eða heima hjá mér,“ sagði Guðni
Oddgeirsson. HA
Hundahótelið á Nolli og Hundaskóli Súsönnu
óska öllum hundaeigendum
gleðilegra jóla
og farsældar á nýju ári.
Þökkum viðskiptin á árinu sem er að líða