Dagur - 18.12.1992, Blaðsíða 23

Föstudagur 18. desember 1992 - DAGUR - B 23
Tuttugu og sjö ára sögukennari frá Nígeríu að upplifa snjókomu og írost í fyrsta skipti á ævinni:
,,IIcr er alveg glícpsamlcga kalt“
- segir Segun Okomayin
Segun klæðist einum af þjóðbúningum sínum heima í stofunni á Finnastöð-
um. Hann á búninga frá öllum landshlutum Nígeríu og segist gjarnan klæð-
ast þeim enda líti hann á þá sem hluta af menningu alls landsins, ekki bara
viðkomandi landshluta. Mynd: jóh
„Ef allt í einu færi að snjóa
heima í Nígeríu þá tæki fólkið
til fótanna. Það héldi hreinlega
að kominn væri heimsendir,“
segir Segun Okomayin, 27 ára
gamall Nígeríumaður, sem síð-
ustu mánuðina hefur unnið við
landbúnað á bænum Finna-
stöðum í Eyjafjarðarsveit.
Segun er hér á landi á vegum
skiptinemasamtakanna ICYE-
AUS og hann sló til þegar hon-
um gafst kostur á að koma
hingað þó í rauninni hafi
Bandaríkin verið óskaland
hans. Vinum hans í Nígeríu
blöskraði mörgum hverjum
þegar þeir heyrðu um fyrirætl-
anir hans og sumir sögðu við
hann í fúlustu alvöru að hann
hreinlega færist á þessu kalda
landi ísa.
Segun kom hingað til lands 12.
ágúst sl. sumar og dvaldi fyrst á
býli í nágrenni Flúða en síðan lá
leiðin norður í Finnastaði í
Eyjafjarðarsveit. Þar segist hann
hafa kunnað mjög vel við sig og
heimilisfólk verið sem hans eigið
heima í Nígeríu. Hann segir
störfin ný fyrir sér og ekki er
laust við að hann skelli upp úr
þegar hann lýsir fyrstu kynnum
sínum af kúnum enda fá fjósa-
menn jú annað slagið spark þó
sjaldnast séu þau alvarleg. En
áður en við spyrjum hann hvað
honum finnist um dvölina í þessu
framandi landi forvitnumst við
lítilsháttar um hann sjálfan og
hans eigið land.
Nígería ógnarstórt land
„Fjölskylda mín býr í Lagos í
Nígeríu en faðir minn er þaðan.
Fjölskylda mín er stór, alls erum
við sjö alsystkini og til viðbótar á
ég tvo hálfbræður. Heimilisfólkið
er því margt en þetta er hjálpsöm,
og góð fjölskylda,“ segir Segun.
Nígería er gífurlega stórt land
og sem dæmi um það nefnir Seg-
un að frá einni borg til annarrar
geti verið allt upp í 900 kílómetr-
ar. Nígeríu er skipt í 31 ríki eða
sýslur og töluð eru 355 mál í
landinu þó þrjú þeirra séu meg-
inmál. Mikill munur getur verið á
málum, svo mikill að í bæjum
sem aðeins eru 10 kílómetrar í
milli geta verið töluð svo ólík mál
að fólkið skilur ekki hvert annað.
Þjóðin er fjölmenn því sam-
kvæmt nýjum tölum búa 88,5
milljónir íbúa í Nígeríu og þar af
eru 2,6 milljónir í Lagos. „Ef þú
kæmir til Lagos þá yrðir þú
hræddur við allan þennan mann-
fjölda og stærðina á landinu.
Enda er það svo að sumir kalla
Nígeríu „Bandaríki Nígeríu"
vegna þessarar stærðar,“ segir
Segun.
- Hvað um skóla. Geta allir
gengið í skóla, bæði ríkir og
fátækir?
„Já, barnaskólinn er ókeypis
en eftir fimmtán ára aldur þarf að
borga og háskólarnir eru dýrir nú
til dags. Áður fyrr voru þeir ekki
dýrir en það hefur breyst. Samt
eru þeir fjölmennir og í rauninni
eins og litlar borgir.“
Segun Okomayin heima í Lagos í
Nígeríu. Hann upplifði snjó í fyrsta
skipti þegar hann kom tU íslands.
Pólitísku stríðin
eru skaðvaldur
Segun lauk háskólanámi í
Lagos og raunar var það þannig
að hann sleppti úr grunnnámi
sínu vegna hæfni sinnar. Hann
hefur háskólapróf í sögu og að
náminu loknu fyrir þremur árum
fór hann að kenna sögu. Því næst
sneri hann sér að viðskiptum í
fyrirtæki foreldra sinna og nú
víkur hann máli sínu að tilraun
stjórnvalda í Nígeríu til að ýta
undir einkarekstur fólksins.
„Ríkisstjórnin vill koma þeim
hugsunarhætti inn hjá íbúum
landsins að þeir geri eitthvað fyr-
ir sjálfa sig, standi á eigin fótum
með eigin hugmyndum. í þessum
tilgangi var opnaður banki fyrir
skömmu þar sem fólkinu eru
veitt vaxtalaus lán til að fram-
kvæma eigin hugmyndir. Ríkis-
stjórnin segist ekki vera eins og
jólasveinn sem útbýti störfum
eins og gjöfum heldur verði fólk-
ið sjálft að skapa sér störf á eigin
vegum. Þetta nýja lánafyrir-
komulag er leið til þess og ég
held að þetta hafi tekist vel, sér-
staklega fyrir þá efnaminni.“
- Ertu bjartsýnn fyrir landið
þitt?
„Já, ég er bjartsýnn maður og
Nígería er gott land. Það er
fátækt í mörgum Afríkulöndum,
sérstaklega í þeim löndum þar
sem er ófriður vegna stjórnmála.
Þessi stríð eru ástæðan fyrir
hungursneyðinni, t.d. í Líberíu
og Sómalíu. Afríka er gott land
til ræktunar og við ættum að geta
séð fólki fyrir matvælum en í
staðinn eru innbyrðis stríð og
fólk líður hungur vegna þeirra. I
Nígeríu er friður, þar getur fólk
framleitt matvæli og þess vegna
er landið sterkt. Nígería er oft
kölluð faðir Afríku enda leita
mörg Afríkulönd til Nígeríu eftir
hjálp. Og til þessara landa send-
um við matvæli og friðargæslu-
sveitir."
„Læknirinn sagði mér að
klæða mig betur“
Segun segir að Norður-Evrópa
sé framandi fyrir Afríkubúa og
sjálfur hafi hannvalið að koma til
íslands til að svala forvitni sinni
um landið og þennan heimshluta.
Hann hlær dátt þegar hann er
spurður hver viðbrögð fólks hafi
verið við þessari ákvörðun.
„Einn vinur minn sagði grafalvar-
legur við mig að ég væri dauðans
matur og kæmi örugglega ekki
aftur nema sem liðið lík. Hann
spurði hvort ég hefði ekki lesið
um þetta land og kuldann þar.
Þegar ég kom svo til íslands í
haust þá klæddi ég mig eins og ég
væri heima í Nígeríu og strax eft-
ir að ég kom á bæinn við Flúðir
fór ég til læknis vegna þess að
mér leið illa. Mig verkjaði alls
staðar og hélt hreinlega að vinur
minn hefði haft rétt fyrir sér. En
læknirinn sagði mér einfaldlega
að ég yrði að klæða mig betur og
það geri ég. Hér er nefnilega
kalt, alveg glæpsamlega kalt.
Þetta er svo frábrugðið frá veðr-
inu heima,“ segir Segun og brosir
út í annað.
- Hvernig gengur þér að venj-
ast kuldanum hér?
„Sem betur fer þá þarf ég ekki
að fara langar leiðir utan húss en
ég klæði mig vel. Þetta er bara
spurning um líf eða dauða og ég
ætla að lifa af,“ svarar hann um
hæl og er greinilega skemmt yfir
umræðuefninu. „Snjórinn er
skrýtinn, bæði skrýtið að snerta
hann og ganga á honum. En
þetta er skemmtileg lífsreynsla
fyrir mig.“
Sakna margs um jólin
Nú um áramótin á dvöl Segun
að ljúka á Finnastöðum og segisi
hann nú leita að vinnu á Akur-
eyri til að ljúka þessari árslöngu
kynningu sinni af landi og þjóð.
Hann segist koma til með að
sakna margs heiman frá sér um
jólin því þar í landi haldi kristnir
upp á jólin með ýmsu móti. Sjálf-
ur segist hann hafa skipulagt mat-
ar- og drykkjarveislur fyrir vini
sina á aðfangadagskvöld en þetta
árið upplifi hann eitthvað nýtt.
Áður en við skiljum við þenn-
an nígeríska íslandsvin spyrjum
við hann hvernig honum komi
íslendingar og þjóðfélagið fyrir
sjónir.
Segun hugsar sig lítillega um
og svarar. „Mér finnst íslending-
ar mikið út af fyrir sig, halda sig
inni á heimilunum og hafa lítil
samskipti við náungann. Heima
hjá mér er þetta öðruvísi, fólk
blandar meira geði og hugsar
meira um líðan nágrannans. Hér
finnst mér fólk ekki vilja sýna
náunganum of mikið, ekki hafa
of náin samskipti við hann -
kannski til að forðast umtal og
kjaftasögur. Ég veit ekki hvort
þetta er rétt en mér finnst eins og
það séu alltaf einhverjir veggir
milli fólks. Fyrir útlending eins
og mig tekur það tíma að fá
athygli fslendinga og komast
nálægt þeim. Það er að vísu mun-
ur á þessu hvort í hlut eiga
íslenskir karlmenn eða konur.
Vinátta við útlendinga er ekki
langvinn og þegar ég fór að velta
þessu fyrir mér þá komst ég að
þeirri niðurstöðu að samskipti
fólks séu ekki eins náin og heima
hjá mér. En mér líður vel hér og
fjölskyldan hér er eins og mín
eigin heima. Þessi íslandsdvöl á
eftir að verða mér eftirminnileg."
Óskum öllum viðskiptamönnum okkar
svo og öðrumEyfirðingum gleðilegra jóla
og árs og jriðar á komandi ári
Þökkum ánœgjuleg viðskipti á því
sem er að líða
ISLANDSBANKI
Skipagötu 14 og v/Hrísalund