Dagblaðið Vísir - DV - 03.05.1997, Blaðsíða 18

Dagblaðið Vísir - DV - 03.05.1997, Blaðsíða 18
18 * )gur í lífí LAUGARDAGUR 3. MAI1997 . Dagur í lífi Þorgríms Þráinssonar: Eg missti af veislunni „Ég vaknaði þegar tæplega fimm ára gamall ísskápur lagðist nánast ofan á mig. Hann heitir Kristófer og á afmæli 4. maí. Drengurinn er svo heitfengur að hann sefor nánast nakinn og svo laumar hann sér upp í um miðja nótt. Smátt og smátt kólnar kroppurinn vitanlega og þarf því yl í morgunsárið. Kolfinna, rúm- lega sjö mánaða, tók að æfa radd- böndin um hálfáttaleytið og barði í rimlana eins og langalangafi hennar forðum. Skömmu síðar reis stórfjölskyldan úr rekkju. Það fór ekki á milli mála að það var sumardagurinn fyrsti því hitamælirinn rétt skreið yfir núllið. Lóan leitaði skjóls og krakkar fóru á stjá í kuldagöllum. Menn hljóta að hafa verið vel hífaðir fýrr á öldum þegar þeir ákváðu að sumarið skyldi hefjast áður en vorið hélt innreið sína. Við flögguðum okkar fána eins og lög gera ráð fyrir og síðan var haldið í ungbarnasund klukkan tíu. Það er öllum foreldrum hollt að upplifa Snorra Magnússon, „föð- ur ungbarnasunds á fslandi" en hann er með sitt sundhreiður í Skálatúni. Þar lagði Kristófer grunninn að sínum styrkleika frá tveggja til tólf mánaða aldri og mun bera þess merki alla tíð. Kolfinna verður vitanlega að fá að feta í sundspor hans því ung- barnasund hefur fyrir löngu sannað gildi sitt. Mig skortir lín- ur til að telja upp kosti þess. Snorri er einstakur maður og for- eldrarnir læra eitthvað nýtt í uppeldismálum í hverjum einasta tíma. Hann er óspar á gullkornin og handleikur börnin eins og sá sem valdið hefur. Það kom í minn hlut að festa litla krílið á víde- ófilmu í sundi en það hafði staðið til lengi. Ragnhildur, konan mín, Porgrímur Práinsson hlaut islonsku barnabókaverölaunin í ár. sá um fyrirsætustörfin í lauginni ásamt Kolfinnu og hinum sund- fuglunum. Dóttirin var fremur spör á brosið allt þar til hún hafði fengið sér mjólkursopa undir lok tímans. En hún kafaði, flaug, fór í kollhnís og gerði fjölmargar þroskandi æfingar án þess að bregða svip. Kristófer fékk að bregða sér í laugina undir hið síð- asta og lék við hvurn sinn fingur. Þá rifjaðist upp fyrir mér að ég lærði að synda 12 ára. Ég segi það engum. Engin sunnudagssteik í hádeginu leituðum við dyrum og dyngjum að einhverju matar- kyns í eldhúsinu og hringdum í kjölfar þess í nærliggjandi hús. Hvergi var sunnudagssteik á boðstólum. Ég stakk af í Laugar- dalslaugina og svamlaði um í potti númer þrjú en komst að því að það er tiltölulega illa séð að synda 50 metrana þar. Raksturinn tók skamma stund. Alltaf jafn yndis- legar þessar konur í afgreiðslunni. Að ósk hinna hungruðu staldraði ég við hjá ónafngreindum skyndi- bitastað og greip með mér ýmislegt girnilegt fyrir þau sem heima sátu. Fram að verðlaimaafhendingu var timinn drepinn með ýmsu stússi en það var ástæðulaust að mæta of snemma. Flestir gestanna höfðu komið sér haganlega fyrir í Þjóðarbókhlöðunni þegar við skriðum inn og það var notalegt að sjá fjölskyldurnar mínar þar. Bryndís systir frá Sauðárkróki hafði meira að segja gert sér ferð í bæinn. Það sem skyggði helst á þessa athöfh var að ég þurfti að krota í flestar bækurnar sem gest- unura voru gefhar en þegar því lauk voru nánast allir horfnir. Ég missti af veislunni! Það sem mér þótt mest um vert varðandi verð- launin var að vinna til þeirra 1 skjóli nafnleyndar. Með frændum út að borða Rétt fyrir klukkan sex heimsótt- um við tengdó, Ólafíu og Eirík, í Sæviðarsundinu þar sem Kristófer horfði á barnatímann og nagaði kalda lifrarpyslu. Við hjónin af- þökkuðum veitingar enda búin að panta borð á Einari Ben klukkan níu. Þangað héldum við ásamt vin- um okkar, hjónaleysunum Sævari og Helgu, sem eru sérdeilis skemmtilegir sessunautar og við- hlæjendur. Maturinn var afbragðs- góður, staðurinn notalegur og fjöldi frænda og kunningja þar fyr- ir tilviljun. Upp úr miðnætti var mál að linni og við skildum verð- launabókina eftir handa Victori, eins eigenda Einars Ben og staðar- haldara á Hótel Búðum, þar sem sagan Margt býr í myrkrinu gerist. Sævar og Helga fengu að sjálfsögðu bók og við kvöddumst að hætti Valsmanna. Þegar við Ragnhildur vorum nánast komin upp í rúm rétt fyrir klukkan eitt var dyra- bjöllunni hringt. Okkur datt helst í hug að bamapían hefði gleymt ein- hverju. Stóð ekki Sævar karlinn glaðbeittur með pakka handa fé- laganum, glæsilega grænt bindi og fagurbláan kertastjaka. Það er munur að geta skroppið út í búð um miðja nótt - og þurfa ekkert að borga! Hann var búinn að smella sér úr svarta samfestingnum, taka niður lambhúshettuna og fela kú- beinið þegar hann birtist með gjaf- irnar. Þúsund þakkir!" Finnur þú fimm breytingar? 409 ES£2£Jí( 'SSc vvwv i ^ 5SOO(^ Guö hjálpl þérl Nafn: Heimili:- Vinningshafar fyrir fjögur hundruðustu og sjöundu getraun reyndust vera: Ingibjörg Erlendsdóttir, Grýtubakka 16, 109 Reykjavík Sveinsína KrisrJnsdóttir, Hringbraut 76, 230 Keflavik Myndirnar tvær virðast við fyrstu sýn eins en þegar betur er að gáð kem- ur í ljós að á myndinni til hægri hefur fimm atriðum verið breytt. Finnir þú þessi fimm atriði skaltu merkja við þau með krossi á myndinni til hægri og senda okkur hana ásamt nafhi þínu og heimilisfangi. Að tveimur vikum liðnum birtum við nöfh sigurvegar- anna. I.verðlaun: Kalimar-Spirit AF, 35 mm myndavél frá Radióbæ, Ármúla 38, að verðmæti 3.995 kr. 2. verðlaun: Tvær Úrvalsbækur að verðmæti kr. 1570, Sekur eftir Scott Turow og Kóli- brísúpan eftir David Parry og Patrick Withrow. Vinningarnir veröa sendir hehn. Merkið umslagið með lausninni: Finnur þú fnnm breytingar? 408 c/oDV, pósthólf5380 125 Reykjavík
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.