Dagblaðið Vísir - DV - 25.08.2001, Blaðsíða 10

Dagblaðið Vísir - DV - 25.08.2001, Blaðsíða 10
J LAUGARDAGUR 25. AGUST 2001 Utgáfufálag: Utgáfufélagið DV ehf. Útgáfustjóri: Eyjólfur Sveinsson Framkvæmdastjóri: Hjalti Jónsson Ritstjórar: Jónas Kristjánsson og Óli Björn Kárason Aostooarritstjórar: jónas Haraldsson og Sigmundur Ernir Rúnarsson Fréttastjóri: Birgir Guðmundsson Auglýsingastjóri: Páll Þorsteinsson Ritstjórn, skrifstofur, auglýsingar, smáauglýsingar, blaðaafgreiðsla, áskrift: Þverholti 11,105 Rvík, simi: 550 5000 Fax: Auglýsingar: 550 5727 - Ritstjórn: 550 5020 - Aðrar deildir: 550 5999 Græn númer: Auglýsingar: 800 5550. Áskrift: 800 5777 Stafrœn útgáfa: Heimasíöa: http://wmw.netheimar.is/dv/ Fréttaþjónusta á Netinu: http://www.visir.is Ritstjóm: ritstjorn@dv.is - Auglýsingar: auglysingar@dv.is. - Dreifing: dreifing@dv.is Akureyri: Strandgata 31, sími: 460 6100, fax: 460 6171 Setning og umbrot: Útgáfufélagið DV ehf. Plötugerö: ísafoldarprensmiðja hf. Prentun: Árvakur hf. Áskriftarverö á mánuöi 2050 kr. m. vsk. Lausasöluverð 190 kr. m. vsk., Helgarblað 280 kr. m. vsk. DV áskilur sér rétt til aö birta aðsent efni blaðsins í stafrænu formi og í gagnabönkum án endurgjalds. DV greiðir ekki viðmælendum fyrir viðtöl við þá eða fýrir myndbirtingar af þeim. Palli er einn í heiminum Bandaríkin hafa siglt hraðbyri frá Evrópu á því hálfa ári, sem liðið er frá valdatöku George W. Bush forseta. Stjórn hans fer í vaxandi mæli fram eins og Palli, sem var einn í heiminum. Hún hefur þegar hafnað sex fjölþjóða- samningum, sem Evrópa styður eindregið. Ráðamenn í Evrópu kvarta um, að samráð af hálfu Bandaríkjanna hafi lagzt niður við valdatöku Bush. Hann tilkynni einhliða, hvað hann hyggist gera og leyfi aðstoð- armönnum sínum að fara opinberlega háðulegum orðum um sjónarmið, sem fulltrúar Evrópu halda á lofti. Bandarikin vilja ekki striðsglæpadómstól, af því að hann kynni að ákæra bandaríska ríkisborgara. Þau vilja ekki aðgerðir gegn loftmengun, af því að þær skerða svig- rúm bandarískra olíufélaga. Þau vilja ekki bann við jarð- sprengjum og eiturefnum vegna hagsmuna hersins. Þetta er ekki gamla einangrunarstefnan, sem rikti í Bandaríkjunum fram undir fyrri heimsstyrjöld og var síð- an endurvakin eftir hana, er Bandaríkin vildu ekki taka þátt í Þjóðabandalaginu, sem þeirra eigin forseti hafði efnt til. Þetta er ný og einhliða heimsvaldastefna. Bandarískir kjósendur hafa lítinn áhuga á kveinstöfum frá Evrópu. Hin nýja og einhliða heimsvaldastefna nýtur stuðnings heima fyrir, þótt menn skirrist enn við að taka orðið sér í munn. Bandaríkin telja sig einfaldlega vera himnaríki, sem sé hafið yfir fjölþjóðasamninga. Hin nýja Bandaríkjastjórn styðst við gamlar upplýsing- ar um, að Evrópa sé lélegur bandamaður, af því að þar sé hver höndin upp á móti annarri, þegar til kastanna komi. Þetta er ekki lengur fyUilega rétt, því að Evrópa hefur fet- að sig varlega í átt til aukinnar samræmingar. Enn er Evrópa hernaðarlegur dvergur, sem getur ekki tekið til hendinni í eigin bakgarði á Balkanskaga án þess að hafa Bandaríkin með í spilinu. En það spillir líka metn- aði og getu Bandaríkjanna sem heimsveldis að vilja alls ekki sjá blóð hermanna sinna í sjónvarpi. Bandaríkin geta ekki stjórnað heiminum með ógnunum úr lofti. Þau verða að lokum að heyja styrjaldir sínar á jörðu niðri, þar sem blóð rennur óhjákvæmilega. Þau munu seint og um síðir átta sig á, að það kostar eigin mannslíf að reka heimsvaldastefnu forsetans. Efnahagslega hafa Bandaríkin ekki forustu um þessar mundir, því að Evrópa er orðin stærri eining og vex ör- litlu hraðar en Bandaríkin. Því væri skynsamlegt fyrir Bandaríkin að vera í góðu samstarfi við Evrópu og taka tillit til ýmissa sjónarmiða, sem þar ríkja. Slíkt gerðu allir forsetar Bandaríkjanna á síðustu ára- tugum, þar á meðal faðir núverandi forseta. Nýja, einhliða heimsvaldastefnan í Bandarikjunum er róttækt fráhvarf frá þeirri stefhu og virðist helzt hugsuð sem leið til að afla forsetanum vinsælda bandarískra sérstóðusinna; Sennilegt er, að vikið verði frá þessari stefnu eftir fjög- ur ár, þegar nýr forseti tekur við. Ekki er víst, að sam- skipti Evrópu og Bandaríkjanna skaðist varanlega, þegar litið er til lengri tíma, til dæmis til áratugarins í heild. En skammtímaáhrifin eru óneitanlega óhagstæð. Nýlegar skoðanakannanir um gervalla Evrópu sýna mikla og eindregna andstöðu evrópskra kjósenda við Bush Bandaríkjaforseta og mörg helztu stefnumið hans. Þær hvetja ráðamenn í Evrópu til að stinga við fótum og hindra framgang heimsvaldastefnunnar. Meðan Palli er einn í heiminum á forsetastóli Banda- ríkjanna verða erfið samskiptin yfir Atlantshafið, þar á meðal fyrir þjóðir, sem vanar eru að tvístíga. Jónas Kristjánsson I>V Þögull söngfugl Reynir Traustason ritstjórnarfulltrúi „Þú manst svo umfram allt að vera þægur í skólanum. Mennt er máttur og nú ríður á að spjara sig og vera fjölskyldunni til fyrirmyndar," sagði húsbóndinn og annað tveggja höfuða fjölskyldunnar, við barnið sem nú lagði leið sína í skólann i fyrsta sinni. Barnið horfði stórum blágráum augum á föður sinn og spurði síðan af einlægni þess er þekkir ekki þann lygavef sem gjarn- an er fléttaður um fortíð og nútíð: „Pabbi, varst þú ekki alltaf stilltur í skólanum?" Faðirinn varð eitt augnablik kjaft- stopp. Hans fortíð var ekki til um- ræðu og síst átti hann von á því að fá óþægilegar spurningar þar sem hann lagði drengnum þær lífsreglur sem duga skyldu honum til þess að ná hæstu gráðu í menntun á þvi sviði sem hann sjálfur kysi sér. Fað- irinn reyndi því að slá á óseðjandi forvitni barnsins með því að lýsa lauslega örfáum sólskinsdögum í skólanum. „Mér gekk alltaf vel í landafræði," sagði hann. Barnunganum hafði verið kennt að sækja hinu réttu svör og hann horfði stift á fóður sinn og spurði enn: „Varstu stilltur í skólanum?" Hugur mannsins reikaði aftur um nokkra áratugi. Hann reyndi að finna staðfestingu þess að hann hefði verið stilltur þó ekki væri nema einu sinni eða tvisvar. Hvern- ig sem hann hugsaði fann hann ekki nein sérstök tilvik þar sem hann hefði borið af í hópi skólafélaga sinna fyrir sakir yfirvegunar og stillingar. Þvert á móti reis hver minningin af fætur annarri sem ekki hentuðu til þess að kenna ung- um skólapilti hinar réttu lifsreglur. Hann mundi þó til þess að hafa alltaf verið stundvís og ákvað að fiagga því í þeirri von að barnið hætti þess- um leiðindaspurningum. Hann ræskti sig: „Ég mætti afskaplega vel í skólann." Barnið gaf sig ekki og sagðist ekki vera að spyrja um mætingar heldur hegðun. „Varstu stilltur eða ekki?" endurtók hann og fór verulega i taugarnar á fóðurnum. Undir augna- ráði sonar síns gaf hann sig á vald minningunum. Faðirinn hafði á námsárunum orð á sér fyrir að vera fyrirferðarmikill og fara eigin leiðir sem oftar en ekki voru öfugum meg- in við þær einstefnugótur sem skóla- yfirvöld kortlögðu. Honum var lífs- ins ómögulegt að vera kyrr. Á stund- um var honum vísað úr tímum fyrir að geta ekki setið stilltur og prúður. Svo langt gekk að hann var ómak- lega sakaður um að vera með njálg en þær glósur mörkuðu mjög barns- sálina. Einkunnabók hans var með skrautlegra móti enda virtist sem svo að kennarar hans þyrftu sífellt að vera tjá sig um hina og þessa at- burði sem nemandanum sjálfum fundust léttvægir. Á endanum náði hann að telja foreldrum sínum trú um að athugasemdir kennaranna væru óréttmætar og þeir væru með hann á heilanum sem brytist út í skriflegum ofsóknum. Söngtíminn í þeim skóla sem fóstraði hann í æsku var sá siður viðhafður að á slaginu klukkan átta á hverjum morgni stóðu öll skólabörnin tein- rétt á ganginum og sungu þjóðsöng- inn. Skólastjórinn var forsöngvarinn og hugmyndafræðin að baki söngs- ins var að sjálfsögðu sú að vekja þjóðerniskennd hjá börnunum, auk þess að vekja þau almennt. Drengur- inn var ekki söngelskur að öðru leyti en því að hann hafði gaman af því að raula bítlalög. Þó fann hann eldmóðinn svella í brjósti sér þar sem hundrað mjóar raddir og einn bassi kyrjuðu Ó, Guð vors lands. Það var gott að vera íslendingur og hann tók undir. í skólanum var oftar sungið þvi söngtímar voru hluti af námsskránni. Hann var minna fyrir að syngja um dverga í fjallasal eða Þyrnirós sem svaf í eina öld. Á söng- skrá hans voru aðeins Bítlalög og sjálfur þjóðsöngurinn. Hann mætti að sjálfsógðu í söngtímana, enda óhugsandi að skrópa. Þar kom hann sér upp þeirri tækni að hreyfa var- irnar án þess að gefa frá sér hljóð. I seinni tið er þessi list kölluð að „mæma". Hljómsveitir sem slampast í gegnum það að syngja og leika inn á plötu en treysta sér ekki til að syngja og spila á sviði mæma gjarn- an þar sem meðlimirnir ástunda lát- bragðsleik við undir- leik af geisladiski. Söngtímarnir voru framan af friðsamir og fagr- ar barnaraddir fylltu skólastofuna þannig að þeir sem áttu leið hjá stöldr- uðu gjarnan við og táruðust und- ir englasöngn- um. Meðal þeirra sem vikn- uðu voru ætt- menni drengs- ins unga. For- eldrar hans höfðu gjarnan orð á hinum undurfagra söng þegar hann kom heim. Hann vildi ekki særa þau með þvi að upplýsa að hans strengur væri ekki hluti af þeirri hörpu sem þarna gaf frá sér hina'ftreinu tóna. Hann hélt áfram að mæma og tók hrósinu í þögn og með örlitlu sam- ' viskubiti. Svo gerðist það að fleiri fóru að haga sér eins og sleppa und- an söngnum. Þetta þoldi hann illa og hann sá fyrir sér að ef allir mæmuðu þá yrði þögn og hann þá hugsanlega neyddur til að syngja um héraskinn og Þyrnirósu, að' ónefndum fjallasalnum. Sápukúlur Þannig háttaði til að nemendurnir mynduðu hóp í kringum pianóið. Strákurinn hafði komið sér fyrir á jaðrinum þar sem hann var eins langt utan sjónlínu kennarans og Breytinga er þörf Jóhanna S. Sígþórsdóttir blaðamaður Sjónarhorn Atgangur sá sem staðið hefur um heilbrigðiseftirlitið á Suðurlandi í nærfellt tvö ár sýnir ljóslega að þar er breytinga þörf. Þegar opinberir embættismenn fá ekki frið til að beina öllum starfskröftum sínum að svo mikilvægum málaflokki sem heil- brigðiseftirlit er þurfa viðkomandi ráðuneyti og stofnanir að grípa inn 1. Annað er óviðunandi. Langvarandi átök HeUbrigðis- nefndar Suðurlands og HeUbrigðiseft- irlits Suðurlands má rekja tU heim- sóknar heilbrigðisfulltrúanna að kjúklingabúinu á Ásmundarstöðum sem Reykjagarður á HeUu hefur rek- ið. Þar haföi mest mælst 80 prósent campylobactermengun. HeUbrigðis- fuUtrúarnir vUdu virkt eftirlit og gagngerar umbætur. Þeir vUdu að neytendur væru upplýstir um hvað þeir væru að kaupa. Þar gengu þeir á vegg. Heilbrigðisnefndin, með Guðmund Inga Gunnlaugsson, sveitarstjóra á HeUu, í fararbroddi, lagðist eindregið gegn því að fjaUað væri um campylobactermengun í einu stærsta kjúklingabúi landsins opinberlega. Síðar lagðist hún gegn því að fjaUað væri um slæmt ástand neysluvatns í Biskupstungum. Hún lagðist einnig gegn því að fjaUað væri um umgengn- ismál í tengslum við „Fegurri sveitir 2000". Loks lagðist hún gegn því að heilbrigðisfuUtrúarnir mættu yfir- höfuð tjá sig við fjölmiðla. Slagorðið „Hreint Suðurland - hreinar sunn- lenskar afurðir" virkar eins og brandari á heimasíðu nefndarinnar í ljósi undangenginna atburða. Báöum megin við boröio Heilbrigðiseftirlit Suðurlands er rekið af sunnlenskum sveitarfélög- um. Forráðamenn þeirra vilja halda uppi öflugu atvinnulífi. Það kemur Ula við þá ef t.d. matvælafyrirtæki 1 ríki þeirra eru gagnrýnd fyrir slæ- lega umgengni og skort á hreinlæti, svo ekki sé talað um sjúkdómavald- andi mengun. Það getur nærri hver staða forráðamannanna er ef þeir sitja í heUbrigðisnefnd, sem er yfir- boðari heUbrigðiseftirlitsins. Enda hefur það komið á daginn á Suður- landi að harkalegir árekstrar hafa orðið vegna hagsmunagæslu í héraði annars vegar og virks heilbrigðiseft- irlits hins vegar. Núverandi formað- ur nefndarinnar hefur sagt við DV um „Reykjagarðsmálið" að „ekki síst" yrði að passa sig á því að sá sem væri fjaUað um yrði ekki fyrir „stór- felldu tjóni". Hann minntist ekki á tjón samfélagsins upp á hundruð miUjóna vegna fjölda campylobacter- sýkinga í neytendum.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.