Dagblaðið Vísir - DV - 16.11.2002, Qupperneq 31

LAUGARDAGUR 16. NÓVEMBER 2002
H e Iqo rb laö 13'V"
3
sleðum. Magaverkir sækja á leiðangursmenn, sennilega vegna hins
fituríka og öfluga nestis. Watts segist sjálfur vera laus við slíkt og
þakkar það magabelti úr tjörubornu klæði. 4.-5. júlí hafast félagarnir
við í tjaldi sinu í jökulstormi þar sem tjaldbúðir þeirra fennti gersam-
lega í kaf og þurfti að fara út á þriggja stunda fresti til að moka af
mæninum. Það vekur athygli að þegar þarna er komið sögu er viskí
leiðangursmanna uppurið og þeir nýta spritt út i grogg-
ið sem þeir drekka í tíma og ótíma.
Það er síðan 7. júli eftir 13 daga
ferðalag sem þeir ná landi norðan
jökuls og koma niður austan við
Kistufell með Watts sárkvalinn af
kali á tá eftir hrakningana. Þegar
hér er komið sögu eru hafin í
Dyngjufjöllum mikil eldsumhrot
og Watts og félagar hafa mikinn :
áhuga á því að fara að gosstöðv-
unum svo þeir hraða för sinni
sem mest þeir mega. Fyrst þurfa
þeir að komast til byggða og afla
meiri vista og hvílast og stefna
niður að Grímsstöðum á Fjöll-
um.
Með liöfuðið niðri í polli
Leiðangurinn náði til Grímsstaða og
hvíldist og keypti nesti. Síðan var haldið þeg-
ar i stað til fjalla á ný og stefnt til Dyngjufjalla. Það
reyndist hið versta ferðalag þar sem menn köfuðu vikurdyngjur,
hóstandi i illþefjandi ryki frá eldstöðvunum en Watts lét ekkert af
þessu stöðva sig.
Það sýnir vel harðfylgi hans og óttaleysi að þegar hann stendur
ásamt félögum sfnum á barmi gígsins þar sem jörðin skelfur af um-
brotum og eiturgufur og öskufall byrgja útsýn þá setjast þeir niður á
stein og kveikja sér í pipu meðan þeir bíða átekta. Eins og það sé ekki
nóg slá þeir tjöldum nánast niðri í gígnum og sofa af nóttina þótt varla
sé vært fyrir skjálftum og ódaun af brennisteinsgufum. í lok seinni
næturinnar á gosstöðvunum máttu þeir taka upp tjald sitt og flýja þeg-
ar sjóðheitur leirhver fór að gjósa nánast yfir tjaldið.
Næst liggur leið þeirra til Herðubreiðar. Watts fýsti nokkuð að
reyna að ganga á fjallið sem hafði aldrei verið klifið þegar þetta gerð-
ist en þremur árum áður hafði Richard Burton, heimsfrægur land-
könnuður, verið þarna á ferð og reynt uppgöngu en orðið frá að
hverfa. Ekki tókst þessi áætlun, við rætur Herðubreiðar lentu Watts
og félagar í skuggalegum sandstormi þar sem þeir áðu í hádegisstað
og höfðu dregið yfir sig tjald sitt til skjóls.
„Við hrukkum upp viö snarpa vindhviðu og slíka hvolfu af roksandi
og vikri að við fengum þegar augun full af vikurdusti og þegar ég
reyndi að koma upp orði fylltist munnurinn af sandi. Við urðum að
horfa á eftir öllu smádóti úr farangri okkar hendast í loftköstum til
hinna skjólsælli staða landsins. Ég reyndi að bjarga hattinum mínum
en þá rak ég veiku tána í stein, flækti mig í tjaldstögunum og skall
kylliflatur.
Blindaðir af sandi og úrvinda af sársauka sem það olli okkur brölt-
um við að pollinum og skoluðum augun. Meðan við vorum að því kom
önnur roka, svo hörð að við urðum að húka á hnjánum meö andlitið
niðri í vatninu uns hún var liðin hjá.“
Mývatn best úr fjarlægð
Þessu næst lá leið þeirra félaga til Mývatnssveitar, bæði til þess að
rannsaka brennisteinsnámur sem þá voru mjög eftirsóttar en ekki síð-
ur til að fylgjast með Mývatnseldum sem þá voru hvíldarlítið uppi. í
ljósi þess hve Mývatn og Mývatnssveit hefur seinna orðið vinsæll við-
komustaður ferðamanna og verið rómuð fyrir náttúrufegurð er gam-
an að sjá hvað Watts finnst um fegurðina þar:
„Mývatn nýtur sín best úr fjarlægð en hefur ekki af mikilli fegurð
að státa þótt vissulega hafi það margt til síns ágætis. Það er umkringt
eldbrunnum fjöllum og úfnum hraunhreiðum, alsett ólögulegum smá-
hólmum og því harla kynlegt ásýndum."
Watts ferðast víða um nágrenni Mývatns og skoðar brennistein og
fleiri náttúruuppsprettur og er hætt kominn í Námaskarði þegar hann
hrapar næstum i leirhver. Hann kemur að Dettifossi og hikar ekki við
að líkja honum við Niagara-fossa og segir hann mestan fossa á íslandi.
Watts ferðast áfram, finnst Goðafoss lítt merkilegur, sér vöxtuleg-
ustu tré á íslandi á Akureyri og lýsir með tilþrifum ægilegum ódaun
og sóðaskap sem hann kynnist þar við bræðslu á hákarlalifur. Hann
heldur austur frá Akureyri og hyggst leggja suður Sprengisand en tek-
ur á sig krók til að skoða Mývatnselda sem enn eru upp sprottnir. Þar
skríður hann að vanda svo nálægt glóandi hrauninu að hann kveikir
sér i pipu við hitann og verður hálfveikur af gufunum úr nýrunnu
hrauninu.
Þrúgaðir af nægjusemi
Síðan lendir Watts í heiftarlegum sandstormi á
Sprengisandi og á íshóli, fremsta bæ í Bárðar-
dal, sem löngu er kominn í eyði nú, kaupa
þeir foma minjagripi af bóndanum, þar á
meðal hornspón sem taka má sundur í
fimmtán parta með þvl að losa eitt stykki.
Ferð þeirra suður Sprengisand er siðan
tíðindalítil utan hvað þeim er úthýst á
Skriðufelli í Þjórsárdal Það finnst Watts
mikil undur enda orðinn vanur gestrisni
íslendinga en fylgdarmenn hans segja að
bóndinn sé í uppnámi vegna ástarsorg-
ar.
Watts varð mjög hugfanginn af íslandi
og segir að undarlegt sambland frosts og
funa geri landslag hérlendis að einsdæmi
i veröldinni og þótt auðvelt sé að brosa að
goðsagnalegri hjátrú íslendinga þá sé eng-
inn staður eins vel fallinn til þess að skapa
rótgróna trú á kynjaverur og forynjur. Við skul-
um að lokum grípa niöur i lýsingu Watts á íslending-
um sjálfum:
„íslendingar eru yfirleitt góðlynt og vinnusamt fólk en eins og flest-
ar aðrar þjóðir sem eigi skipta við önnur lönd eru þeir þrúgaðir af
nægjusemi sem getur verið góð fyrir heimilisfriðinn en banvæn fram-
taki og framförum."
-PÁÁ
Greiðsluáskorun
Innheimtumenn ríkissjóðs skora hér með á gjaldendur eftirtalinna gjalda
að gera skil nú þegar eða í síðasta lagi innan 15 daga frá dagsetningu
áskorunar þessarar:
Gjöldin eru: Staðgreiðsla og tryggingagjald sem fallið hafa í eindaga til og
með 15. nóvember 2002, virðisaukaskattur sem fallið hefur í eindaga til og
með 5. nóvember 2002 og önnur gjaldfallin álögð gjöld og ógreiddar hækkanir
er fallið hafa í eindaga til og með 15. november 2002 á staðgreiðslu,
tryggingagjaldi og virðisaukaskatti, virðisaukaskatti í tolli, áfengisgjaldi,
launaskatti, bifreiðagjaldi, slysatryggingagjaldi ökumanna, föstu árgjaldi
þungaskatts, þungaskatti skv. ökumælum, viðbótar- og aukaálagningu
söluskatts vegna fyrri tímabila, skemmtanaskatti og miðagjaldi,
virðisaukaskatti af skemmtunum, tryggingagjaldi af skipsnöfnum asamt
skráningargjöldum, búnaðargjaldi, iðgjalai í Lífeyrissjóð bænda,
vinnueftirlitsgjaldi, vörugjaldi af innlendri framleiðslu, vörugjaldi af
ökutækjum, eftirlitsgjölaum, aðflutningsgjöldum og útflutningsgjöldum,
skilagjaldi á umbúðir, verðbótum á ógreiddan tekjuskatt og verðbótum á
ógreitt útsvar, fasteignagjöldum, skipulagsgjaldi, skipagjaldi,
fisksjúkdómagjaldi, jarðarafgjaldi og álögðum opinberum gjöldum, sem eru:
tekjuskattur, útsvar, aðstöðugjald, sérstakur tekjuskattur manna,
eignarskattur, sérstakur eignarskattur, slysatryggingagjald vegna
heimilisstarfa, tryggingagjald, iðnlánasjóðs- og iðnaðarmálagjald,
þróunarsjóðsgjald, kirkjugarðsgjald, markaðsgjald, gjald í framkvæmda-
sjóð aldraðra, skattur af verslunar- og skrifstofuhúsnæði, ofgreiddar
barnabætur, ofgreiddur barnabótaauki og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir
vangoldnum eftirstöðvum gjaldanna ásamt dráttarvöxtum og öllum kostnaði,
sem af innheimtu skuldarinnar kann að leiða, á kostnað gjaldenda.
Athygli skal vakin á því að auk óþæginda hefur fjárnám í för með sér
verulegan kostnað fyrir gjaldanda. Fjárnámsgjald í ríkissjóð er allt að 11.500
kr. fyrir hvert fjárnam. Þinglýsingargjald er 1.200 kr. og stimpilgjald 1,5% af
heildarskuldinni, auk útlagðs kostnaðar eftir atvikum. Eru gjaldendur
hvattir til að gera full skil sem fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu
tryggingagjalds, vörugjald, afdreginn fjármagnstekjuskatt og
virðisaukaskatt, búast við því að starfsemi þeirra verði stöðvuð án frekari
fyrirvara. Loks mega þeir gjaldendur er skulda bifreiðagjöld og þungaskatt
eiga von á að skráningarnumer verði tekin af ökutækjum þeirra án frekari
fyrirvara. Fyrrgreindur 15 daga frestur frá dagsetningu áskorunar þessarar
gildir ekki í þessum tilvikum.
Reykjavík, 16. nóvember 2002.
Tollstjórinn í Reykjavík
Sýslumaðurinn í Kópavogi
Sýslumaðurinn í Hafnarnrði
Sýslumaðurinn í Keflavík
Sýslumaðurinn á Keflavíkurflugvelli
Sýslumaðurinn á Akranesi
Sýslumaðurinn í Borgarnesi
Sýslumaðurinn í Sfykkishólmi
Sýslumaðurinn í Buðardal
Sýslumaðurinn á ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Ólafsfirði
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Gjaldheimta Vestf jarða
Gjaldheimta Austurlands
Gjaldheimtan í Vestmannaeyjum