Dagblaðið Vísir - DV - 16.11.2002, Blaðsíða 50

5-4-
Helgarbloö X>"V LAUGARDAOUR 16. NÓVEMBER 2002
s
A móti
straumnum
til Isafjarðar
Ef mann vantar leikhús að leika íþá getur
verið sterkur leikur ístöðunni að stofna
sitt eigið leikhús. Það gerði Elfar Logi
Hannesson leikari sem stofnaði Kómedíu-
leikhúsið á Isafirði og er nú mættur íbæ-
inn með einleik sinn um listamanninn
Mugg og fer einn með 17 hlutverk.
Einleikurinn Muggur byggir á ævi Guðmundar Thor-
steinssonar listmálara. Muggur er án efa einn dáðasti
listamaður þjóðarinnar. Hann var fæddur á Bíldudal 1891
og hneigðist snemma til lista. Þrátt fyrir stutta ævi, en
hann lést aðeins 32 ára að aldri, liggur fjöldi þekktra
verka eftir Mugg. Viðumefni hans, „ævintýraprins ís-
lenskrar myndlistar“ er lýsandi fyrir verk hans en flest
tengjast þau ýmist tilbúnum ævintýraheimi eða íslensku
þjóösögunum. Sjálfur var Muggur örlátur með eindæmum
og hvers manns hugljúfi. Almenningur tengir nafn Muggs
e.t.v. helst við ævintýrið um Dimmalimm kóngsdóttur.
Hver leikur hvem?
Með hlutverk listamannsins, og reyndar öll sautján
hlutverk sýningarinnar, fer leikarinn Elfar Logi Hannes-
son. Leikmynd og búninga gerir Rebekka A. Ingimundar-
dóttir, Jóhann Bjarni Pálmason hannar lýsingu, kvik-
myndabúta sem eru hluti af verkinu gerir Ragnar Braga-
son, og handritshöfundur með Elfari Loga er Vigdís Jak-
obsdóttir sem jafnframt leikstýrir.
Kómedíuleikhúsið er fyrsta atvinnuleikhús landsbyggð-
arinnar utan Akureyrar, en aðalbækistöðvar þess eru á
ísafirði. Hugmyndin er að sýningin lifi þar áfram sem
þáttur i menningartengdri ferðaþjónustu, og ýmis áform
eru uppi um næstu verkefni leikhússins. Elfar Logi er
stofnandi þess, en hann hefur nýverið sest að á ísafirði.
Einleikurinn um Mugg var frumsýndur á fæðingarstað
hans, Bíldudal, og þaðan fór sýningin vestur til ísafjarðar
þar sem sýndar voru tvær sýningar i tónleikasalnum
Hömrum við góðar undirtektir. Sem fyrr segir verða tvær
sýningar, 14. og 17. nóvember, á Nýja sviöi Borgarleik-
hússins kl. 20 og eru það einu sýningarnar sem verða í
Reykjavík.
Hver er maðurinn?
Elfar Logi Hannesson er fæddur og uppalinn á BUdu-
dal. Frá barnæsku hefur hann haft áhuga á leiklist og
sjálfsagt hefur hann erft þann áhuga frá föður sínum,
Hannesi Friðrikssyni, veitingamanni á Vegamótum á
Bíldudal. Þeir hafa báðir starfað mikið með leikfélaginu
Baldri á Bíldudal og stundum leikið saman í uppfærslum
leikfélagsins. Elfar Logi er mikill Vestfirðingur og fluttist
með fjölskyldu sína á ísafjörð fyrir tveimur árum, en
hann er í sambúð með Marsibil Kristjánsdóttur og saman
eiga þau þijár dætur. Á ísafirði hefur Elfar Logi tekið
virkan þátt í menningarlífi staðarins og hefur hann að
margra mati auðgað menningarlífið þar í bæ.
Át mold sem Grýlubam
Eins og áður sagði er Elfar Logi fæddur og uppalinn á
Bíldudal og í hans huga eru minningarnar góðar frá
þessu friðsæla en litla þorpi á Vestfjörðum:
„Það var mjög gott að alast upp á Bíldudal. Þegar mað-
ur var púki þá gat maður farið út á morgnana og komið
heim í kvöldmat. Maður var alltaf aö gera eitthvað,
prakkarast og leika sér með hinum krökkunum. Þegar
maður hugsar til baka er þetta frábær tími og betra um-
hverfi getur maður varla hugsað sér fyrir ungan strák að
alast upp í,“ segir Elfar Logi.
Alveg frá því hann man eftir sér hefur hann komið ná-
lægt leikhúslífinu. Faðir hans og móðir störfuöu mikið
með Leikfélaginu Baldri, faðir hans að leika og móðir
hans að sauma búninga:
„Þegar ég var 7 ára þá var maður alltaf að væflast í fé-
Elfar Logi Hannesson er nngur Bílddælingur seni lærði leiklist, flutti til ísafjarðar og hefur stofnað þar eigið
leikhús. Sýning hans um ævi listamannsins Muggs er nú sýnd í Borgarleikhúsinu eftir góðar viðtökur vestra.
DV-mynd HARI
lagsheimilinu þegar verið var að æfa sýningar. Maður
reyndi að hjálpa til, en ætli maður hafi ekki mest þvælst
fyrir. Fyrsta hlutverkið sem ég fékk var á þrettándagleði
sem haldin var á vegum leikfélagsins, en þá lék ég Grýlu-
barn. Ég fórnaði mér virkilega í þetta hlutverk því Grýla
var með pott og sleif og Grýla skóf auðvitað úr pottinum
með sleifinni og gaf bömunum sínum að borða. í pottin-
um var mold og hún gaf mér hana að borða, sem ég auð-
vitað kyngdi,“ segir Elfar Logi og brosir.
Datt í lægð
Eftir þetta fyrsta hlutverk Elfars Loga tók hann þátt í
fjölmörgum sýningum sem settar voru upp á vegum leik-
félagsins:
„Fyrsta alvöru hlutverkið mitt var í Bör Börssyni sem
sett var upp 1989 en þar lék ég Mána. Eftir það lék ég í
nokkrum uppfærslum til ársins 1995 og var m.a. formað-
ur leikfélagsins um nokkurra ára skeið,“ segir Elfar Logi.
Árið 1991 sótti Elfar Logi um inngöngu í Leiklistar-
skóla Islands. Hann komst ekki inn:
„Það var mikið áfall að komast ekki einu sinni áfram.
En ég var tvítugur og óþroskaður. Það var rosalega erfitt
að taka því að komast ekki inn, en leiklistarbransinn er
enginn dans á rósum og svona er þetta bara. Ég datt nið-
ur í ákveðna lægð og ætlaði mér aldrei að koma nálægt
leiklistinni, en listin togar fast í mann og það leið ekki á
löngu þar til ég var farinn að leika á Bíldudal. Ég er í
rauninni feginn að hafa ekki komist inn, því ég hefði með
engu móti viljað missa af þeirri reynslu sem ég fékk eftir
þetta,“ segir Elfar Logi og fær sér kaffisopa.
Á árunum 1991-1995 bjó Elfar ásamt fjölskyldu sinni á
Bíldudal þar sem hann starfaði í verslun föður sins og
vann mikið að menningarmálum á svæðinu:
„Ég var á fullu í leikfélaginu og við settum upp nokkur
stykki. Ég vann einnig að kvikmynd sem tekin var upp á
vídeó, en myndin heitir Týndu hetjurnar og gerði ég hana
með vini mínum, Hallgrími Oddssyni. Þetta var góður
tími og ég lærði mikið.“
Komst inn í Danmörku
Sumarið 1995 ákvað Elfar Logi að sækja um í leiklistar-
skóla i Danmörku, The Commedia School sem er í Kaup-
mannahöfn. Skólinn er þekktur fyrir áherslu á suður-evr-
ópska leiklist og þá sérstaklega hina fornu leiklistargrein,
Commedia del’arte:
„Þetta var frábær skóli. Námið tók tvö ár og byggðist
upp á kúrsum þar sem við tókum fyrir sérstakar leiklist-
arstefnur. Til dæmis tókum við trúðinn fyrir í tvo mán-
uði, unnum handrit og sýndum síðan í Kaupmannahöfn.
Hópurinn vann mjög vel saman. Við tókum einnig fyrir
melodrama, bouffon, harmleiki, látbragðsleik og almenna
leiklistarþjálfun með líkama og rödd,“ segir Elfar Logi.
Sumarið 1997 flutti Elfar Logi til íslands ásamt fjöl-
skyldunni þar sem honum bauðst starf sem leikstjóri hjá
Götuleikhúsi Hins Hússins:
„Ég var leikstjóri ásamt Kolbrúnu Ernu Pétursdóttur
og við stýrðum 20 manna leikhópi sem var uppbyggöur af
ungu fólki. Við settum upp alls kyns sýningar og þetta
var meiri háttar og hópurinn góður,“ segir Elfar Logi og
segir að um sumarið hafi hann sótt um sem umsjónar-
maður Barnasjónvarpsins á RÚV:
„Ég fékk svo svar um að ég hefði fengið starfið í lok
sumarsins. Þetta var mjög lærdómsríkur tími, en um leið
mjög erfiður því ég þurfti að læra mikið á stuttum tíma.
En ég hafði frábæran samstarfsmann, Andrés Indriðason
sem vann sem dagskrárgerðarmaður. Ég hefði kannski
viljað fá meiri tíma til að undirbúa mig, en þetta var
skemmtilegt tækifæri,” segir Elfar Logi.
Flutti vestur aftur
Eftir að hafa starfað sem umsjónarmaður Barnasjón-
varpsins í eitt ár tóku við ýmis verkefni hjá Elfari Loga:
„Ég fór að gera útvarpsþætti fyrir Rás 1, fékk vinnu hjá
Möguleikhúsinu og fór að leikstýra út um allt land. Vet-
urinn 1999 fór ég á ísafjörö til að leikstýra Morranum, en
það er leikhús ungs fólks á ísafirði. Á ísafirði var frábært
að vera og gaman að vinna með unga fólkinu,” segir Elf-
ar Logi og hann segir að þetta verkefni hafi kveikt veru-
lega í landsbyggðardraugnum í sjálfum sér:
„Ég tók þá ákvörðun ásamt konunni minni að flytjast á
ísafjörð. Ég taldi að möguleikarnir þar væru hugsanlega
fleiri þegar kæmi að leiklistinni heldur en að vera í
Reykjavík. Vinir mínir tóku fréttunum misvel og sumir
höfðu áhyggjur af því að ég myndi hreinlega gleymast og
ég myndi fljótt detta út úr leiklistinni,” segir Elfar Logi
og brosir, en það hefur svo sannarlega komið í ljós að
flutningurinn á ísafjörð hefur skapað tækifæri fyrir þenn-
an unga leiklistarfrömuð.
Þau tvö ár sem Elfar Logi hefur búið á Isafirði hefur
verið nóg að gera hjá honum. Hann hefur kennt við
grunnskólana á svæðinu og einnig við Menntaskólann á
ísafirði, auk þess sem hann hefur verið aö leikstýra og
standa fyrir ýmsum menningaruppákomum. Hann segir
að honum hafi verið tekið mjög vel af íbúunum:
„Mér líður mjög vel á ísafirði, enda er ég Vestfirðing-
ur. Ég lít á Isafjörð og nágrannasveitarfélög sem svæði
með gríðarleg tækifæri. Það er sama hvaða hugmyndir
eru uppi hér, það er reynt að koma þeim í framkvæmd og
fólk er ekki hrætt við að reyna það. Mér flnnst það vera
mjög dýrmætt.”
Síðustu misseri hefur Elfar Logi unnið hörðum hönd-
um að því að setja á fót atvinnuleikhús á ísafirði og hef-
ur meðal annars sent inn beiðni til Fjárlaganefndar varð-
andi styrk til reksturs leikhússins:
„Ég hef unnið að því að gera Kómedíuleikhúsið að at-
vinnuleikhúsi Vestfirðinga. Ég stofnaði Kómedíuleikhús-
ið árið 1997 ásamt Róberti Snorrasyni vini mínum. Leik-
húsið hefur nú þegar sett upp þrjár sýningar. Ég er bjart-
sýnn á að vel verði tekið í erindið hjá Fjárlaganefnd. Af
hverju ætti ekki að vera atvinnuleikhús á ísafirði? Sam-
kvæmt könnunum hefur komið fram að menning er í
þriðja sæti hjá fólki yfir það hvað því finnst mikilvægast
að sé á stöðum á landsbyggðinni. I fyrsta og öðru sæti eru