Ársrit Ræktunarfélags Norðurlands - 01.01.1968, Qupperneq 43

45
verið rannsökuð vandlega með tilliti til ræktunar. Hér er
eyririnn sparaður og krónurnar látnar fjúka, á þessu sviði
sem fleirum. Hvað þetta hefir kostað bændur, landbúnað-
inn og þjóðina alla, og kostar framvegis, verður víst seint
reiknað. Það er mikið fé og mikið búnaðar-vanþekkingar
afhroð, og mikið kal!
Sannleikurinn er sá, að vandinn við ræktun mýranna er
mikill og margvíslegur og mýrarnar mjög misvel fallnar til
ræktunar. Hér er þörf mikilla rannsókna. Fyrir utan al-
menn mistök má fullyrða, að töluvert af mjög vafasömu
mýrlendi hefir verið tekið til ræktunar, mýrum sem hefðu
að minnsta kosti átt að bíða um sinn.
Þegar svo fer fram og þar við bætast lélegir og hroðvirkis-
legir ræktunarhættir, er ekki ofsagt að kalinu hafi verið
„boðið heim“ allvíða, þar sem ræktaðar hafa verið marflat-
ar flóa-mýrar, án nægilegrar fyrirhyggju.
Hér eigum vér langt í land til betri hátta. Höfum jafnvel
enn eigi náð svo langt að læra að taka tillit til ráðlegginga
Sveins Sveinssonar búfræðings, er hann setti fram 1874, svo
sem greint var frá hér að framan. Meðan ekki er komið fót-
um undir raunverulegar rannsóknir mýrasvœða, sem bænd-
ur hyggjast taka til ræktunar, má alltaf búast við óvæntum
áföllum við ræktunina og á mýratúnunum, þar á meðal
kali, þótt eigi beri nema lítið út af, um tíðarfar og kal-
hættu. Sem dæmi, um slík áföll, má nefna dæmið um bónd-
ann með töðuna af 5 ha túninu, sem kýrnar vildu ekki líta
við, sem sagt var frá hér að framan, þótt ekki væri tíðar-
farinu þar um neitt að kenna.*)
*) Ekki mun úr vegi að benda á, að sá maður á Norðurlöndum, sem nú
mun einna tróðastur um rannsóknir á mýrlendi, er Norðmaðurinn Dr. Aas-
ulv Löddesöl. Hann hefir ferðast víða um heim í þeim erindum, meðal ann-
ars verið fenginn til Nýfundnalands og Tyrklands til að leggja á ráðin um
rannsóknir og ræktun mýrlendis. Erfitt er að sjá, að íslenzkir búvísinda-
menn minnkuðu sig mikið, þótt þeir fengju þennan mann hingað til lands,
til þess að líta á mýrlendið og til skrafs og ráðagerða, um rannsóknir mýr-
anna scm ræktunarlands. Mér er vel kunnugt, að þrátt fyrir mikið annríki
liefði Dr. Löddesöl verið fáanlegur til slíkrar ferðar, ef rétt hefði verið eftir
leitað, en slíkt hefir víst ekki komið til tals, hvað þá meira.